147 Goocai Ja!
Nĩ wega kũinĩra Ngai witũ nyĩmbo cia kũmũgooca;
Nĩ ũndũ mwega mũno na mwagĩrĩru kũmũgooca!+
2 Jehova nĩ araka Jerusalemu;+
Nĩ acokanagĩrĩria hamwe andũ a Isiraeli arĩa mahurunjũkĩte.+
3 Nĩ ahonagia arĩa mathuthĩkĩte ngoro;
Nĩ ohaga ironda ciao.
4 Nĩ ataraga mũigana wa njata;
Ciothe aciĩtaga na marĩĩtwa.+
5 Mwathani witũ nĩ mũnene na nĩ arĩ hinya mũingĩ;+
Ũtaũku wake ndũrĩ gĩthimi.+
6 Jehova nĩ atũũgagĩria arĩa ahooreri,+
No arĩa aganu amaikagia thĩ tĩri-inĩ.
7 Inĩrai Jehova mũgĩcokagia ngatho;
Inĩrai Ngai witũ nyĩmbo mũmũgooce, mũkĩhũũraga kĩnanda kĩa mũgeeto,
8 O we ũhumbagĩra igũrũ na matu,
Ũrĩa ũheaga thĩ mbura,+
O ũcio ũtũmaga nyeki ĩmere+ irĩma-inĩ.
9 Nĩ aheaga nyamũ irio,+
O na tũcui twa mahuru rĩrĩa twakaya tũheo irio.+
10 Hinya wa mbarathi tiguo ũmũkenagia;+
Kana agakenio nĩ magũrũ marĩ na hinya ma mũndũ.+
11 Jehova akenagio nĩ arĩa mamwĩtigĩrĩte,+
Arĩa metagĩrĩra wendo wake mwĩhokeku.+
12 Gooca Jehova, wee Jerusalemu.
Gooca Ngai waku, wee Zayuni.
13 Nĩ atũmaga mĩgamba ya ihingo ciaku cia itũũra ĩgĩe hinya;
Nĩ arathimaga ariũ aku thĩinĩ waku.
14 Nĩ arehaga thayũ thĩinĩ wa gĩcigo gĩaku;+
Akũhũnagia na ngano ĩrĩa njega biũ.+
15 Nĩ atũmaga watho wake ũkinye gũkũ thĩ;
Kiugo gĩake gĩtengʼeraga na ihenya.
16 Atũmaga mbarabu ĩitĩke ĩkahaana ta guoya wa ngʼondu;+
Ahurunjaga mbaa o ta mũhu.+
17 Aikũrũkagia mbembe cia mbura itariĩ ta cienyũ cia mũgate.+
Nũũ ũngĩhota gwĩtiiria heho yake?+
18 Atũmaga kiugo gĩake, nacio igatweka.
Atũmaga rũhuho rwake rũhurutane,+ namo maĩ magatherera.
19 Nĩ amenyithagia Jakubu kiugo gĩake,
Na akamenyithia Isiraeli mawatho na matuĩro make.+
20 Ndarĩ eka ũguo harĩ rũrĩrĩ rũngĩ o ruothe;+
Ndũrĩrĩ itiũĩ ũndũ o na ũmwe wĩgiĩ matuĩro make.
Goocai Ja!+