Zekaria
11 “Hingũra mĩrango yaku, wee Lebanoni,
Nĩgetha mwaki ũcine mĩtarakwa yaku.
2 Cakaya wee mũthengera, tondũ mũtarakwa nĩ ũgwĩte;
Mĩtĩ ĩrĩa mĩnene nĩ yanangĩtwo!
Cakayai, inyuĩ mĩgandi ya Bashani,
Nĩ gũkorũo mũtitũ ũrĩa mũtumanu nĩ mwanangĩku!
3 Thikĩrĩriai! Gũcakaya kwa arĩithi,
Tondũ riri wao nĩ wanangĩtwo.
Thikĩrĩriai! Mũraramo wa mĩrũthi mĩthĩ,*
Nĩ gũkorũo ihinga iria ndumanu rũteere-inĩ rwa Jorodani nĩ cianangĩtwo.
4 “Ũũ nĩguo Jehova Ngai wakwa ekuuga, ‘Rĩithia rũũru rwa ngʼondu rũrĩa rũrongoreirio gũthĩnjwo,+ 5 o icio ithĩnjagwo nĩ agũri+ a cio na makaga kuonwo mahĩtĩtie. Na arĩa maciendagia+ moigaga atĩrĩ, “Jehova arogoocwo, tondũ nĩ ngũtonga.” Na arĩithi a cio maticicayagĩra.’+
6 “‘Nĩ gũkorũo ndigaacaĩra aikari a bũrũri rĩngĩ,’ ũguo nĩguo Jehova ekuuga. ‘Kwoguo nĩ ngaatũma o mũndũ agwe guoko-inĩ kwa mũndũ ũrĩa ũngĩ na kwa mũthamaki wake; na nĩ makaahehenja bũrũri, na ndikaamahonokia kuuma guoko-inĩ kwao.’”
7 Na niĩ ngĩambĩrĩria kũrĩithia rũũru rũu rwarongoreirio gũthĩnjwo,+ nĩ ũndũ wanyu, inyuĩ mũranyamarĩka gatagatĩ-inĩ ka rũũru. Nĩ ũndũ ũcio ngĩoya thanju igĩrĩ, rũmwe ngĩrwĩta Ũtugi, na rũu rũngĩ ngĩrwĩta Ũrũmwe,+ na ngĩambĩrĩria kũrĩithia rũũru rũu. 8 Na ngĩingata arĩithi atatũ ihinda-inĩ rĩa mweri ũmwe, nĩ gũkorũo nĩ ndarakaririo nĩo, na makĩmena o nao. 9 Na niĩ ngiuga ũũ: “Ndigũthiĩ na mbere kũmũrĩithia. Wa gũkua nĩ akue, na wa gũthira athire. Nao arĩa megũtigara, o mũndũ atambure nyama cia ũrĩa ũngĩ.” 10 Kwoguo ngĩoya rũthanju rũu rwakwa rwetagwo Ũtugi+ ngĩrũtinania, ngĩgĩthũkia kĩrĩkanĩro gĩakwa kĩrĩa ndarĩkanĩire na ikundi ciothe cia andũ. 11 Nakĩo gĩgĩthũka mũthenya ũcio, na andũ arĩa maanyamarĩkaga gatagatĩ-inĩ ka rũũru arĩa manjĩĩroragĩra makĩmenya atĩ kĩu kĩarĩ kiugo kĩa Jehova.
12 Ngĩcoka ngĩmeera atĩrĩ: “Angĩkorũo nĩ mũkuona arĩ wega, hei mũcara wakwa; no angĩkorũo ti ũguo, ikarai naguo.” Nao makĩndĩha* mũcara wakwa, icunjĩ 30 cia betha.+
13 Nake Jehova akĩnjĩra atĩrĩ: “Ciikie kĩgĩna-inĩ—thogora ũcio mwega moonire ũnjiganĩte.”+ Nĩ ũndũ ũcio ngĩoya icunjĩ icio 30 cia betha na ngĩciikia kĩgĩna-inĩ thĩinĩ wa nyũmba ya Jehova.+
14 Ngĩcoka ngĩtinania rũthanju rwakwa rwa kerĩ, rũu rwetagwo Ũrũmwe,+ ngĩgĩthũkia ũiguano gatagatĩ-inĩ ka Juda na Isiraeli.+
15 Nake Jehova akĩnjĩra ũũ: “Rĩu oya indo cia mũrĩithi ũtarĩ kĩene.+ 16 Nĩ gũkorũo nĩ ngũtũma mũrĩithi arahũke thĩinĩ wa bũrũri. Nake ndakaarũmbũiya ngʼondu iria irathira;+ na ndagaacaria tũũri kana ahonie iria igurarĩtio+ o na kana ahe iria irahota kũrũgama irio. Handũ ha ũguo, agaatamburaga nyama cia ĩrĩa noru+ na agakũũra mahũngũ ma ngʼondu.+
17 Kaĩ mũrĩithi wakwa ũtarĩ kĩene+ o ũcio ũtiganagĩria rũũru+ arĩ na haaro-ĩ!
Rũhiũ rwa njora nĩ rũgaatharĩkĩra guoko gwake na riitho rĩake rĩa ũrĩo.
Guoko gwake nĩ gũkonja biũ,
Na riitho rĩake rĩa ũrĩo nĩ rĩgaatumumara biũ.”