Ũhoro Mwega Ũrĩa Waandĩkirũo nĩ Mariko

16 Na thutha wa Thabatũ,+ Mariamu Mũmagidali, na Mariamu+ nyina wa Jakubu, na Salome makĩgũra mahuti marĩa manungaga wega nĩguo mathiĩ makahake mwĩrĩ wa Jesu.+ 2 Na rũcinĩ tene mũthenya wa mbere wa kiumia riũa rĩaratha, magĩthiĩ mbĩrĩra-inĩ ĩyo.*+ 3 Mooranagia atĩrĩ: “Nũũ ũgũtwehereria ihiga mũromo-inĩ wa mbĩrĩra?” 4 No rĩrĩa maatiirire maitho, makĩona atĩ ihiga rĩu rĩarĩ rĩeherie, o na gũtuĩka rĩarĩ inene mũno.+ 5 Rĩrĩa maatonyire mbĩrĩra-inĩ, makĩona mwanake aikarĩte thĩ mwena wa ũrĩo ehumbĩte kanjũ ya rangi mwerũ, makĩmaka mũno. 6 Akĩmeera atĩrĩ: “Tigai kũmaka.+ Nĩ njũĩ mũracaria Jesu ũrĩa Mũnazarethi ũroragĩirũo mũtĩ igũrũ. Nĩ ariũkĩtio.+ Ndarĩ haha. Ta rorai, haha nĩho maramũkometie.+ 7 No rĩrĩ, thiĩi mwĩre arutwo ake o hamwe na Petero atĩrĩ, ‘Nĩ egũthiĩ mbere yanyu Galili.+ Na nĩ mũkũmuona kũu, o ta ũrĩa aamwĩrĩte.’”+ 8 Nĩ ũndũ ũcio, rĩrĩa mooimire mbĩrĩra-inĩ, magĩthiĩ matengʼerete makĩinainaga na magegete. Na gũtirĩ mũndũ o na ũrĩkũ meerire ũndũ, nĩ gũkorũo maarĩ na guoya.*+