Atiirĩrĩri Bũrũri
15 Thutha wa ihinda, matukũ-inĩ ma magetha ma ngano, Samsoni agĩthiĩ gũceerera mũtumia wake, akuuĩte kabũri. Akiuga ũũ: “Nĩ ngwenda kũingĩra kũrĩ mũtumia wakwa rumu-inĩ ya gũkoma.”* Ĩndĩ ithe wa mũtumia ũcio akĩrega kũmwĩtĩkĩria aingĩre. 2 Ithe wa mũtumia ũcio akiuga ũũ: “Ndĩreciririe atĩrĩ, ‘No nginya ũkorũo nĩ wamũthũũrire.’+ Kwoguo ndĩramũheana kũrĩ ũmwe wa anake arĩa maakũrũgamĩrĩire.+ Na githĩ mwarĩ wa nyina ũrĩa mũnini ti mũthaka kũmũkĩra? Ndagũthaitha ũmuoe arĩ we.” 3 No Samsoni akĩmeera ũũ: “Riita rĩrĩ Afilisti matikũnduĩra mahĩtia nĩ ũndũ wa kũmeka ũũru.”
4 Nĩ ũndũ ũcio Samsoni agĩthiĩ akĩnyita mbwe 300. Agĩcoka akĩoya icinga, akĩohithania mbwe icio mĩtingʼoe ĩĩrĩ ĩĩrĩ, na akĩoherera gĩcinga kĩmwe gatagatĩ-inĩ ka o mĩtingʼoe ĩĩrĩ. 5 Agĩcoka akĩgwatia icinga icio mwaki na akĩrekereria mbwe icio mĩgũnda-inĩ ya ngano ĩtarĩ ngethe ya Afilisti. Agĩcina indo ciothe na mwaki kuuma gĩtĩa kĩa ngano o nginya ngano ĩtarĩ ngethe, o hamwe na mĩgũnda ya mĩthabibũ na mĩgũnda ya mĩtamaiyũ.
6 Afilisti makĩũria atĩrĩ: “Nũũ wĩkire ũũ?” Makĩrũo ũũ: “Nĩ Samsoni mũthoniwe wa mũndũ ũrĩa Mũtimina, tondũ ithe wa mũtumia wake nĩ arooire mũtumia wake aramũheana kũrĩ ũmwe wa anake arĩa maamũrũgamĩrĩire.”+ Afilisti maigua ũguo makĩambata magĩthiĩ magĩcina mũtumia ũcio na ithe na mwaki.+ 7 Samsoni agĩcoka akĩmeera ũũ: “Angĩkorũo ũguo nĩguo mweka, ndigũtigana na inyuĩ o nginya ndĩĩrĩhĩrie harĩ inyuĩ.”+ 8 Akĩmoraga ũmwe thutha wa ũrĩa ũngĩ njũragano yarĩ nene, na agĩcoka agĩikũrũka agĩthiĩ agĩikara ngurunga-inĩ ya* ndũmba ya ihiga ya Etamu.
9 Thutha ũcio Afilisti makĩambata na makĩamba hema Juda na magĩikara magĩthiũrũrũkaga kũu Lehi.+ 10 Nao arũme a Juda makĩmoria ũũ: “Nĩ kĩĩ gĩtũmĩte mũũke gũtũũkĩrĩra?” nao makĩmacokeria atĩrĩ: “Tũũkĩte kũnyita* Samsoni, nĩguo tũmwĩke o ta ũrĩa aratwĩkire.” 11 Nĩ ũndũ ũcio arũme 3,000 a Juda magĩikũrũka ngurunga-inĩ ya* ndũmba ya ihiga ya Etamu na makĩra Samsoni ũũ: “Kaĩ ũtoĩ atĩ Afilisti nĩo maratwatha?+ Nĩ kĩĩ gĩtũmĩte ũtwĩke ũndũ ũyũ?” Nake akĩmeera: “Ndĩmekĩte o ta ũrĩa maranjĩkire.” 12 Ĩndĩ makĩmwĩra ũũ: “Tuoka gũkũnyita* tũkũneane kũrĩ Afilisti.” Nake Samsoni akĩmeera ũũ: “Mwĩhĩtei harĩ niĩ atĩ inyuĩ ene mũtikũnjĩka ũndũ mũũru.” 13 Makĩmwĩra atĩrĩ: “Aca, ithuĩ no gũkuoha tũgũkuoha tũkũneane kũrĩ o, no tũtigũkũũraga.”
Kwoguo makĩmuoha na mĩkwa ĩĩrĩ mĩerũ na makĩmwambatia kuuma ndũmba-inĩ ĩyo ya ihiga. 14 Rĩrĩa aakinyire Lehi, Afilisti makĩanĩrĩra makenete nĩ kũmuona. Naguo roho wa Jehova ũgĩtũma agĩe na hinya,+ nayo mĩkwa ĩyo yarĩ moko-inĩ make ĩgĩkorũo ĩtariĩ o ta ndigi cia gatani icinĩtwo na mwaki, nacio bĩngũ icio igĩtweka ikiuma moko-inĩ make.+ 15 Agĩcoka akĩona ihĩndĩ rĩa rũthĩa rwa ndigiri ya njamba ĩtaakuĩte tene; agĩtambũrũkia guoko akĩrĩoya na akĩũraga arũme 1,000 narĩo.+ 16 Samsoni agĩcoka akiuga ũũ:
“Na ihĩndĩ rĩa rũthĩa rwa ndigiri—hĩba ĩmwe, hĩba igĩrĩ!
Na ihĩndĩ rĩa rũthĩa rwa ndigiri njũragĩte arũme 1,000.”+
17 Rĩrĩa aarĩkirie kwaria, agĩte ihĩndĩ rĩu rĩa rũthĩa na agĩta handũ hau Ramathu-lehi.*+ 18 Thutha ũcio akĩnyota mũno na agĩkaĩra Jehova akiuga ũũ: “Wee nĩwe ũheanĩte ũhonokio ũyũ mũnene ũũ guoko-inĩ kwa ndungata yaku. No rĩu-rĩ, hihi ngũkua nĩ kũnyota ngwe moko-inĩ ma andũ matarĩ aruu?” 19 Nĩ ũndũ ũcio Ngai akĩhingũra mwatũka warĩ hau Lehi, na maĩ makĩambĩrĩria gũtherera kuuma ho.+ Rĩrĩa aamanyuire, roho* wake ũgĩcoka na akĩarahũka. Nĩkĩo eetire handũ hau Eni-hakore,* na hakoragwo Lehi nginyagia ũmũthĩ.
20 Na aatiirĩrĩire Isiraeli matukũ-inĩ ma Afilisti mĩaka 20.+