Mika
1 Gĩkĩ nĩkĩo kiugo kĩa Jehova kĩrĩa gĩakinyĩire Mika*+ wa kuuma Moreshethu, matukũ-inĩ ma Jothamu,+ Ahazu,+ na Hezekia,+ athamaki a Juda,+ kĩrĩa aamũkĩrire kĩoneki-inĩ gĩkoniĩ Samaria na Jerusalemu:
2 “Thikĩrĩriai, inyuĩ ikundi ciothe cia andũ!
Tega matũ, wee thĩ ĩno na kĩrĩa kĩiyũire thĩinĩ waku.
Na Jehova Mwathani Ũrĩa Mũnene arotuĩka mũira wa gũgũũkĩrĩra+
—O we Jehova arĩ thĩinĩ wa hekarũ yake theru.
3 Tondũ rĩrĩ, Jehova nĩ ekuumagara kuuma gĩikaro-inĩ gĩake;
Nĩ akaaharũrũka na athiĩre kũndũ kũrĩa gũtũũgĩru thĩinĩ wa thĩ.
4 Irĩma nĩ igaatweka rungu rwake,+
Nayo mĩkuru yatũkane*
O ta mũhũra* ũrĩ mwaki-inĩ,
Ta maĩ maitĩtwo handũ kĩharũrũka-inĩ kĩnene.
5 Maũndũ macio mothe mageekwo nĩ ũndũ wa ũremi wa Jakubu,
Nĩ ũndũ wa mehia ma nyũmba ya Isiraeli.+
Hihi ũremi wa Jakubu nĩ ũrĩkũ?
Na githĩ ti Samaria?+
Na hihi kũndũ kũrĩa gũtũũgĩru kwa Juda nĩ kũ?+
Na githĩ ti Jerusalemu?
6 Nĩ ngaatũma Samaria ĩtuĩke hĩba ya mwanangĩko mũgũnda-inĩ,
Kũndũ gwa kũhandwo mĩthabibũ;
Nĩ ngaaikia* mahiga mayo mũkuru-inĩ,
Na thikũrie mĩthingi yayo.
7 Mĩhianano yayo yothe ya gwacũhio nĩ ĩkaahehenjwo ĩtuĩke tũcunjĩ,+
Na iheo ciothe iria yaheagwo nĩ ũndũ wa ũmaraya wayo icinwo* na mwaki.+
Nĩ ngaananga mĩhianano yayo yothe.
Nĩ gũkorũo yamĩcokanĩrĩirie kũgerera marĩhi ma ũmaraya,
Na nĩ ĩgaatuĩka marĩhi ma ahũũri maraya o rĩngĩ.”
Kĩrĩro gĩakwa gĩkaahaana ta kĩa ngui cia gĩthaka,
Na gũcakaya gwakwa kũhaane ta kwa nyaga.
Ihũũra rĩu rĩtheremete nginya kĩhingo-inĩ kĩa andũ akwa, nginya Jerusalemu.+
10 “Mũtikamenyithanie ũndũ ũcio kũu Gathu;
Mũtikarĩre o na hanini.
Mwĩgaragariei rũkũngũ-inĩ kũu Bethi-afara.*
11 Ringai mũthiĩ mũrĩ njaga na mũconokete, inyuĩ aikari a Shafira.
Aikari a Zaanani matiumagarĩte.
Bethi-ezeli nĩ ĩgaakorũo na kĩrĩro, na nĩ ĩgaatiga kũmũteithia.
12 Nĩ gũkorũo aikari a Marothu nĩ metereire ũndũ mwega,
Ĩndĩ ũndũ ũrĩa mũũru nĩ ũikũrũkĩte kuuma kũrĩ Jehova o nginya kĩhingo-inĩ kĩa Jerusalemu.
13 Ohererai ngaari ya mbarathi gĩkundi-inĩ kĩa mbarathi, inyuĩ aikari a Lakishi.+
Nĩ inyuĩ mwarĩ kĩambĩrĩria kĩa mehia ma mwarĩ wa Zayuni,
Nĩ gũkorũo thĩinĩ waku nĩ kuonekete ciĩko cia ũremi cia Isiraeli.+
14 Nĩ ũndũ ũcio nĩ ũkaahe Moreshethu-gathu iheo cia kuuganĩra ũhoro.
Nyũmba cia Akizibu+ ciarĩ kĩndũ kĩa maheeni harĩ athamaki a Isiraeli.
15 Nĩ ngaarehe mũtoorania thĩinĩ wanyu,+ inyuĩ aikari a Maresha.+
Ũcio riri wa Isiraeli nĩ agaathiĩ o nginya Adulamu.+
16 Mwĩyenjei mũgĩe kĩhara na mwenje njuĩrĩ cianyu nĩ ũndũ wa ciana icio cianyu mwendete.
Mwĩyenjei mũgĩe kĩhara o ta nderi,
Tondũ ciana icio nĩ cioetwo kuuma kũrĩ inyuĩ igatwarũo ithamĩrio.”+