Mika
6 Ta thikĩrĩriai ũrĩa Jehova aroiga.
Arahũkai, mũtware ciira mbere ya irĩma,
Na tũrĩma tũroigua mũgambo wanyu.+
2 Inyuĩ irĩma, thikĩrĩriai ciira wa Jehova,
Inyuĩ mĩthingi mĩrũmu ya thĩ,+
Tondũ Jehova arĩ na ciira hamwe na andũ ake;
Thitango yake ekwerekeria harĩ Isiraeli:+
3 “Nĩ kĩĩ ndĩmwĩkĩte, inyuĩ andũ akwa?
Ndĩmũnogetie na kĩĩ?+
Rutai ũira wa kũnjũkĩrĩra.
4 Nĩ gũkorũo nĩ ndamũrutire bũrũri wa Misiri,+
Ngĩmũkũũra kuuma nyũmba ya ũkombo;+
Ndatũmire Musa, Haruni, na Miriamu kũrĩ inyuĩ.+
5 Atĩrĩrĩ inyuĩ andũ akwa, ta ririkanai ũndũ ũrĩa Mũthamaki Balaki wa Moabi aabangĩte,+
Na ũrĩa Balaamu mũrũ wa Beori aamũcokeirie+
—Ũndũ ũrĩa wekĩkire kuuma Shitimu+ nginya Giligali+—
Nĩgetha mũmenye ciĩko cia ũthingu cia Jehova.”
6 Hihi ngũthiĩ mbere ya Jehova na kĩĩ?
Ngũinamĩrĩra mbere ya Ngai ũrĩa ũrĩ igũrũ na kĩĩ?
Hihi ngũthiĩ mbere yake na magongona magima ma njino,
Na njaũ cia mwaka ũmwe?+
7 Hihi Jehova no akenio nĩ ndũrũme ngiri nyingĩ,
No akenio nĩ njũũĩ cia maguta ngiri makũmi maingĩ?+
Hihi no ndute mũriũ wakwa wa irigithathi nĩ ũndũ wa ũremi wakwa,
Ndute maciaro ma mwĩrĩ wakwa nĩ ũndũ wa mehia makwa?+
8 Nĩ akwĩrĩte ũndũ ũrĩa mwega, wee mũndũ ũyũ.
Na hihi nĩ atĩa Jehova endaga kuuma harĩ wee?*
Thikĩrĩria rũthanju o na ũthikĩrĩrie ũrĩa warwamũrire.+
10 Hihi kũrĩ o na mĩthithũ ya waganu thĩinĩ wa nyũmba ya mũndũ ũrĩa mwaganu
Na gĩthimi kĩa eba* gĩtarĩ kĩiyũru kĩrĩa kĩrĩ magigi?
11 Hihi no ngorũo ndĩ mũtheru kĩĩmĩtugo* ndĩ na ratiri ya waganu,
Ndĩ na mũhuko wa mahiga ma gũthima ma maheeni?+
12 Nĩ gũkorũo itonga ciakuo ciyũirũo nĩ ũhinya,
Na aikari a kuo maragia maheeni;+
Rũrĩmĩ rwao nĩ rũheenanagia rũrĩ kanua-inĩ kao.+
13 “Nĩ ũndũ ũcio, nĩ ngaakũgũtha ngũtihie,+
Ndũme ũtiganĩrio nĩ ũndũ wa mehia maku.
14 Nĩ ũkaarĩa no ndũkaahũna;
Ndũgaakorũo na kĩndũ thĩinĩ waku.+
Kĩrĩa ũkaaruta-rĩ, ndũgaakĩhonokia,
Na kĩrĩa ũkaahonokia, ngaakĩneana kũrĩ rũhiũ rwa njora.
15 Nĩ ũkaahanda mbeũ, no ndũkaagetha.
Nĩ ũkaaranga ndamaiyũ, no ndũkaahũthĩra maguta macio;
Na nĩ ũgaathondeka ndibei njerũ,* no gũtirĩ ndibei ũkaanyua.+
16 Tondũ mũrũmagĩrĩra mawatho ma Omuri na mĩtugo yothe ya nyũmba ya Ahabu,+
Na mũthiaga kũringana na ũtaaro wao.