Maũndũ ma Matukũ ma Tene wa Mbere

5 Aya nĩo ariũ a Rubeni,+ irigithathi rĩa Isiraeli. Nĩwe warĩ irigithathi, no tondũ nĩ aathahirie ũrĩrĩ wa ithe,+ kĩhooto gĩake kĩa ũrigithathi gĩkĩheo ariũ a Jusufu+ mũrũ wa Isiraeli, nĩ ũndũ ũcio ndaandĩkithirio kũringana na ndĩra ciao atĩ nĩwe ũrĩ na kĩhooto kĩa ũrigithathi. 2 O na gũtuĩka Juda+ nĩwe warĩ mũnene harĩ ariũ a ithe na mũndũ ũrĩa warĩ atuĩke mũtongoria ooimire harĩ we,+ kĩhooto kĩa ũrigithathi kĩarĩ kĩa Jusufu. 3 Ariũ a Rubeni irigithathi rĩa Isiraeli maarĩ Hanoku, Palu, Hezironi, na Karimi.+ 4 Ariũ a Joeli maarĩ mũrũwe Shemaia, mũrũwe Gogu, mũrũwe Shimei, 5 mũrũwe Mika, mũrũwe Reaia, mũrũwe Baali, 6 na mũrũwe Beera, ũrĩa Mũthamaki Tiligathu-pilineseru+ wa Ashuri aatwarire ithamĩrio; aarĩ mũtongoria wa Arubeni. 7 Ariũ a ithe kũringana na famĩlĩ ciao na ũrĩa maandĩkithĩtio kũringana na ndĩra ciao na kũringana na njiarũa ciao maarĩ, Jeieli nĩwe warĩ mũtongoria, Zekaria, 8 na Bela mũrũ wa Azazi mũrũ wa Shema mũrũ wa Joeli, ũrĩa waikaraga Aroeru+ gũthiĩ nginya Nebo na Baali-meoni.+ 9 Naguo mwena wa irathĩro aaikaraga gĩcigo-inĩ kĩrĩa gĩthiĩte nginya harĩa werũ wambĩrĩirie Rũũĩ-inĩ rwa Farati,+ nĩ gũkorũo mahiũ mao nĩ maaingĩhĩte bũrũri-inĩ wa Gileadi.+ 10 Matukũ-inĩ ma Saulu, nĩ maarũire na Ahagari, na makĩmatooria marĩ mbere yao, nĩ ũndũ ũcio magĩikara hema-inĩ ciao gĩcigo-inĩ gĩothe kĩa mwena wa irathĩro wa Gileadi.

11 Na rĩrĩ, njiarũa cia Gadi ciarigainie nao bũrũri-inĩ wa Bashani gũthiĩ nginya Saleka.+ 12 Joeli nĩwe warĩ mũtongoria, Shafamu aarĩ wa kerĩ, na Janai na Shafati kũu Bashani. 13 Na ariũ a ithe wao arĩa maarĩ a nyũmba cia maithe mao maarĩ, Mikaeli, Meshulamu, Sheba, Jorai, Jakani, Zia, na Eberi, othe maarĩ mũgwanja. 14 Acio nĩo maarĩ ariũ a Abihaili mũrũ wa Huri mũrũ wa Jaroa mũrũ wa Gileadi mũrũ wa Mikaeli mũrũ wa Jeshishai mũrũ wa Jahado mũrũ wa Buzu. 15 Ahi mũrũ wa Abidieli mũrũ wa Guni aarĩ mũtongoria wa nyũmba ya maithe mao. 16 Maaikaraga Gileadi,+ Bashani+ na taũni ciakuo iria ciamĩthiũrũrũkĩirie, na kũndũ guothe gwa kũrĩithia gwa Sharoni gũthiĩ nginya mũico wakuo. 17 Othe maandĩkithirio kũringana na ndĩra ciao matukũ-inĩ ma Mũthamaki Jothamu+ wa Juda na matukũ-inĩ ma Mũthamaki Jeroboamu*+ wa Isiraeli.

18 Arubeni, Agadi, na nuthu ya mũhĩrĩga wa Manase maarĩ na njamba cia ita irĩ hinya 44,760 mbũtũ-inĩ yao iria ciakuuaga ngo na hiũ cia njora na ciarĩ na mota,* na nĩ ciarutĩtwo kũrũa mbaara. 19 Maarũire na Ahagari,+ Jeturu, Nafishi,+ na Nodabu. 20 Na magĩteithio kũrũa nao, ũũ atĩ Ahagari na arĩa othe maarĩ hamwe nao makĩneanwo guoko-inĩ kwao, nĩ gũkorũo nĩ maakaĩire Ngai amateithie mbaara-inĩ, nake akĩigua mathaithana mao tondũ nĩ maamwĩhokire.+ 21 Magĩtaha mahiũ mao—ngamĩra 50,000, ngʼondu 250,000, na ndigiri 2,000—o hamwe na andũ 100,000. 22 Andũ aingĩ makĩũragwo, tondũ mbaara ĩyo yarũagwo nĩ Ngai ũrĩa wa ma.+ Na magĩikara kũu kwao o nginya ihinda rĩa ithamĩrio.+

23 Njiarũa cia nuthu ya mũhĩrĩga wa Manase+ ciaikaraga kuuma bũrũri-inĩ wa Bashani nginya Baali-herimoni na Seniri na Kĩrĩma kĩa Herimoni.+ Maarĩ andũ aingĩ. 24 Aya nĩo maarĩ atongoria a nyũmba cia maithe mao: Eferi, Ishi, Elieli, Azirieli, Jeremia, Hodavia, na Jahadieli; maarĩ njamba irĩ hinya, arũme marĩ igweta, na atongoria a nyũmba cia maithe mao. 25 No makĩaga wĩhokeku harĩ Ngai wa maithe mao ma tene na makĩhũũra ũmaraya na ngai cia andũ a bũrũri,+ arĩa Ngai aaniinĩte makĩehera mbere yao. 26 Nĩ ũndũ ũcio Ngai wa Isiraeli akĩarahũra roho wa Mũthamaki Puli wa Ashuri+ (na no we Mũthamaki Tiligathu-pilineseru+ wa Ashuri) agĩtwara Arubeni, Agadi, na nuthu ya mũhĩrĩga wa Manase ithamĩrio, akĩmatwara Hala, Haboru, Hara, na rũũĩ-inĩ rwa Gozani,+ na nokuo marĩ nginyagia ũmũthĩ.