Thaburi

67 Ngai nĩ egũtũiguĩra tha na atũrathime;

Nĩ egũtũma ũthiũ wake ũtwarĩre+ (Sela)

 2 Nĩguo njĩra yaku ĩmenyeke thĩinĩ wa thĩ yothe,+

Na ciĩko ciaku cia kũhonokania imenyeke gatagatĩ-inĩ ka ndũrĩrĩ ciothe.+

 3 Ikundi cia andũ irokũgooca, wee Ngai;

Ikundi ciothe cia andũ irokũgooca.

 4 Ndũrĩrĩ nĩ icanjamũke na cianĩrĩre ikenete,+

Nĩ gũkorũo nĩ ũgaatuĩra ikundi cia andũ na kĩhooto.+

 5 Ikundi cia andũ irokũgooca, wee Ngai;

Ikundi ciothe cia andũ irokũgooca.

 6 Thĩ nĩ ĩkaaruta maciaro mayo;+

Ngai, o we Ngai witũ, nĩ agaatũrathima.+

 7 Ngai nĩ agaatũrathima,

Na andũ kuuma ituri ciothe cia thĩ nĩ makaamwĩtigĩra.*+