Marũa Kũrĩ Akolosai

2 Nĩ gũkorũo ndĩrenda mũmenye ũrĩa ngiĩkaga mũno nĩ ũndũ wanyu na nĩ ũndũ wa arĩa marĩ Laodikia+ o na nĩ ũndũ wa arĩa othe matarĩ manyona niĩ mwene.* 2 Njĩkaga ũguo nĩgetha ngoro ciao ciũmĩrĩrio+ na nĩguo manyitithanio wega thĩinĩ wa wendo+ na magĩe na ũtonga wothe ũrĩa uumanaga na gũkorũo na ũũma biũ na ũtaũku wao, nĩguo magĩe na ũmenyo wa ma wĩgiĩ hitho ĩrĩa theru ya Ngai, na nĩyo Kristo.+ 3 Mĩthithũ yothe ya ũũgĩ na ũmenyo ĩkoragwo ĩhithĩtwo wega thĩinĩ wake.+ 4 Ndĩroiga ũguo nĩgetha mũndũ o na ũrĩkũ ndakanamũheenie na ciugo cia kũgucĩrĩria. 5 O na gũtuĩka ndirĩ hamwe na inyuĩ thĩinĩ wa mwĩrĩ, ndĩ hamwe na inyuĩ thĩinĩ wa roho, ngĩkenaga nĩ kuona mĩbango yanyu mĩega+ na ũrĩa wĩtĩkio wanyu ũrũmĩte thĩinĩ wa Kristo.+

6 Nĩ ũndũ ũcio-rĩ, o ta ũrĩa mwĩtĩkĩrĩte Kristo Jesu Mwathani, tũũrai mũthiaga mũrĩ na ũiguano nake, 7 mũkĩgĩaga na mĩri na mũgĩakagwo thĩinĩ wake+ na mũkarũmio thĩinĩ wa wĩtĩkio,+ o ta ũrĩa mwarutirũo, na mũiyũrĩrĩirũo nĩ ngatho.+

8 Mwĩmenyererei mũndũ o na ũrĩkũ ndakanamũnyite mĩgwate* kũgerera ũũgĩ wa andũ na maheeni ma tũhũ+ kũringana na irĩra cia andũ, na kũringana na maũndũ ma mũthingi ma thĩ ĩno no ti kũringana na Kristo; 9 nĩ gũkorũo ũiyũru wothe wa ngumo ya Ngai ũtũũraga thĩinĩ wake na njĩra ya mwĩrĩ.+ 10 Kwoguo nĩ mũgĩĩte na ũiyũru kũgerera harĩ we, o ũcio mũtwe wa thirikari yothe na wathani.+ 11 Kũgerera ũiguano wanyu nake-rĩ, ningĩ nĩ mwaruithirio irua rĩrĩa rĩtaruithanagio na moko, na njĩra ya kwaũra mwĩrĩ wa mehia,+ kũgerera kũrua kũrĩa gwa Kristo.+ 12 Nĩ gũkorũo mwathikirũo hamwe nake ũbatithio-inĩ wake,+ na nĩ ũndũ wa ũiguano wanyu nake ningĩ nĩ mwariũkirio+ hamwe kũgerera wĩtĩkio wanyu harĩ mawĩko ma hinya ma Ngai, o ũcio wamũriũkirie kuuma kũrĩ arĩa akuũ.+

13 Makĩria ma ũguo, o na gũtuĩka mwarĩ akuũ nĩ ũndũ wa mehia manyu rĩrĩa mũtaarĩ aruu mĩĩrĩ yanyu, Ngai nĩ aamũcokirie muoyo hamwe nake.+ Aatuoheire mehia maitũ mothe+ nĩ ũndũ wa ũtugi wake 14 na akĩhuura* watho ũrĩa waandĩkĩtwo na guoko,+ ũrĩa warĩ na mawatho+ na wareganaga na ithuĩ.+ Nĩ aweheretie na njĩra ya kũũhũũrĩrĩra mũtĩ-inĩ wa kũnyarirĩrũo.*+ 15 Nĩ aũrĩte thirikari na wathani agacitiga ũtheri na agacionania mbere ya andũ atĩ nĩ itooretio,+ agacitongoria thĩinĩ wa kĩrũrũngano gĩa gũkũngũĩra ũhootani kũgerera harĩ guo.*

16 Nĩ ũndũ ũcio, mũtikanareke mũndũ o na ũrĩkũ amũtuĩre igũrũ rĩgiĩ kĩrĩa mũrĩaga na kĩrĩa mũnyuaga+ kana igũrũ rĩgiĩ gũkũngũĩra gĩathĩ kana karũgamo ka mweri+ kana thabatũ.+ 17 Maũndũ macio nĩ kĩĩruru kĩa maũndũ marĩa magooka,+ no ũũma nĩ wa Kristo.+ 18 Mũtikanareke mũndũ amũtunye kĩheo,+ o ũcio ũkenagĩra wĩnyihia wa maheeni na mũthemba wa ũthathaiya wa araika, “arĩ na mũrũgamo igũrũ rĩgiĩ”* maũndũ marĩa onete. Mũndũ ũcio nĩ mwĩtĩo arĩ naguo hatarĩ gĩtũmi kĩega nĩ ũndũ wa mwĩcirĩrie wake wa kĩĩmwĩrĩ, 19 na ndanyitagĩrĩra mũtwe arũmĩtie,+ o ũcio ũheaga mwĩrĩ wothe kĩrĩa ũrabatara na akaũnyitithania wega kũgerera marũngo maguo na nga ciaguo, agatũma ũkũre na gũkũra kũrĩa kuumaga kũrĩ Ngai.+

20 Angĩkorũo nĩ mwakuire hamwe na Kristo ũhoro-inĩ wĩgiĩ maũndũ ma mũthingi ma thĩ ĩno-rĩ,+ nĩ kĩĩ kĩragĩtũma mũtũũre o ta mũrĩ gĩcunjĩ gĩa thĩ ĩno na njĩra ya gũthiĩ na mbere kũrũmĩrĩra mawatho maya:+ 21 “Ndũkanyite, kana ũcame, kana ũhutie,” 22 ũhoro-inĩ wĩgiĩ indo iria ithiraga ciothe thutha wa kũhũthĩrũo, kũringana na maathani na morutani ma andũ?+ 23 O na gũtuĩka maũndũ macio nĩ monekaga ta marĩ na ũũgĩ ũthathaiya-inĩ wa kwĩigĩrĩra na wĩnyihia wa maheeni, na kũnyarira mwĩrĩ-rĩ,+ matirĩ bata o na ũrĩkũ harĩ kũgirĩrĩria kũhingia merirĩria ma mwĩrĩ.