Atiirĩrĩri Bũrũri
1 Thutha wa Joshua gũkua,+ Aisiraeli* magĩtuĩria ũhoro harĩ Jehova makĩũria ũũ:+ “Nĩa gatagatĩ-inĩ gaitũ mekwambata marĩ a mbere magatharĩkĩre Akanaani?” 2 Jehova akĩmacokeria atĩrĩ: “Juda nĩwe ũkwambata.+ Na rĩrĩ, nĩ ngũneana* bũrũri ũcio guoko-inĩ gwake.” 3 Nake Juda akĩra Simeoni mũrũ wa ithe atĩrĩ: “Nĩ twambate nawe gĩcigo-inĩ kĩrĩa ngaĩirũo*+ tũgatharĩkĩre Akanaani. Na niĩ nĩ ngũcoka ngũtware gĩcigo-inĩ kĩrĩa ũgaĩirũo.” Nĩ ũndũ ũcio Simeoni agĩthiĩ hamwe nake.
4 Rĩrĩa Juda aambatire, Jehova akĩneana Akanaani na Aperizi moko-inĩ mao,+ na makĩhoota arũme 10,000 thĩinĩ wa Bezeki. 5 Magĩkora Adoni-bezeki kũu Bezeki, na marĩ kũu makĩmũtharĩkĩra na makĩhoota Akanaani+ na Aperizi.+ 6 Na rĩrĩa Adoni-bezeki oorire, makĩmũtengʼeria makĩmũnyita na makĩmũrenga ciara ciake iria nene cia moko na ciara ciake iria nene cia magũrũ. 7 Adoni-bezeki agĩkiuga atĩrĩ: “Harĩ na athamaki 70 maarengirũo ciara ciao iria nene cia moko na iria nene cia magũrũ na monganagia irio rungu rwa metha yakwa. O ta ũrĩa njĩkĩte, noguo Ngai anjĩka.” Thutha ũcio makĩmũtwara Jerusalemu,+ na agĩkuĩra kuo.
8 Ningĩ arũme a Juda magĩtharĩkĩra itũũra rĩa Jerusalemu+ na makĩrĩtunyana; maarĩtharĩkĩire na rũhiũ rwa njora na magĩcina itũũra rĩu na mwaki. 9 Thutha ũcio, arũme a Juda magĩikũrũka magatharĩkĩre Akanaani arĩa maaikaraga gĩcigo-inĩ kĩrĩa kĩrĩ irĩma na Negebu hamwe na Shefela.+ 10 Juda agĩgĩthiĩ agĩtharĩkĩra Akanaani arĩa maaikaraga Hebironi (mbere ĩyo Hebironi yetagwo Kiriathu-ariba), na makĩũraga Sheshai, Ahimani, na Talimai.+
11 Makiuma kũu magĩthiĩ gũtharĩkĩra aikari a Debiri.+ (Mbere ĩyo Debiri yetagwo Kiriathu-seferi.)+ 12 Nake Kalebu+ akiuga ũũ: “Mũndũ ũrĩa ũgũtharĩkĩra itũũra rĩa Kiriathu-seferi na arĩtunyane, nĩ ngũmũhe mwarĩ wakwa Akisa atuĩke mũtumia wake.”+ 13 Othinieli+ mũrũ wa Kenazu,+ mũrũ wa nyina na Kalebu ũrĩa mũnyinyi, akĩrĩtunyana. Nĩ ũndũ ũcio akĩmũnengera mwarĩ, Akisa, atuĩke mũtumia wake. 14 Rĩrĩa Akisa aainũkaga, agĩthaitha mũthuriwe ere ithe wa Akisa amũhe mũgũnda. Nake Akisa akiuma igũrũ rĩa ndigiri yake.* Kalebu akĩmũũria: “Nĩ kĩĩ ũrenda?” 15 Akĩmwĩra atĩrĩ: “Ndagũthaitha ũũhe kĩrathimo, nĩ gũkorũo ũũheete gĩcunjĩ kĩa mũgũnda mwena wa mũhuro;* he Gulothu-maimu* o nakuo.” Nĩ ũndũ ũcio akĩmũhe Gulothu ya Rũgongo na Gulothu ya Kĩanda.
16 Nacio njiarũa cia Mũkeni+ ũrĩa warĩ ithe wa mũtumia wa Musa,+ ikĩambata kuuma itũũra-inĩ rĩa mĩkĩndũ+ irĩ hamwe na andũ a Juda igĩthiĩ werũ-inĩ wa Juda mwena wa mũhuro wa Aradi.+ Igĩthiĩ kũu na ikĩambĩrĩria gũikara gatagatĩ-inĩ ka andũ a kũu.+ 17 No Juda magĩthiĩ na Simeoni mũrũ wa ithe, na magĩtharĩkĩra Akanaani arĩa maaikaraga Zefathu na makĩmĩananga.+ Nĩ ũndũ ũcio magĩta itũũra rĩu Horoma.*+ 18 Juda agĩcoka agĩtunyana Gaza+ na gĩcigo gĩa kuo, Ashikeloni+ na gĩcigo gĩa kuo, na Ekironi+ na gĩcigo gĩa kuo. 19 Jehova aarĩ hamwe na Juda, na makĩĩgwatĩra gĩcigo kĩrĩa kĩrĩ irĩma, no matiahotire kũingata aikari a kũndũ kwaraganu,* tondũ maarĩ na ngaari cia mbaara irĩ na mĩthece ya kĩgera.*+ 20 Makĩheana Hebironi kũrĩ Kalebu, o ta ũrĩa Musa eeranĩire,+ nake akĩingata ariũ arĩa atatũ a Anaki kuuma kũu.+
21 No Abenjamini matiaingatire Ajebusi arĩa maaikaraga Jerusalemu, kwoguo Ajebusi maikaranagia na Abenjamini kũu Jerusalemu nginyagia ũmũthĩ.+
22 Ihinda-inĩ rĩu, andũ a nyũmba ya Jusufu+ makĩambata magatharĩkĩre Betheli, na Jehova aarĩ hamwe nao.+ 23 Andũ a nyũmba ya Jusufu nĩ gũthigana maathiganaga Betheli (mbere ĩyo itũũra rĩu rĩetagwo Luzu),+ 24 na athigani acio makĩona mũndũ woimaga itũũra-inĩ rĩu. Nĩ ũndũ ũcio makĩmwĩra atĩrĩ: “Twagũthaitha ũtuonie njĩra ya gũtonya itũũra-inĩ rĩrĩ, na ithuĩ nĩ tũgũkũiguĩra tha.”* 25 Kwoguo mũndũ ũcio akĩmonia njĩra ya gũtonya itũũra-inĩ rĩu, nao magĩtharĩkĩra itũũra rĩu na rũhiũ rwa njora, no makĩreka mũndũ ũcio na famĩlĩ yake yothe mathiĩ.+ 26 Mũndũ ũcio agĩthiĩ bũrũri-inĩ wa Ahiti na agĩaka itũũra kuo na akĩrĩĩta Luzu, na noguo rĩtagwo nginyagia ũmũthĩ.
27 Manase ndaigana kwĩgwatĩra Bethi-sheani na taũni ciakuo iria ciamĩthiũrũrũkĩirie, Taanaka+ na taũni ciakuo iria ciamĩthiũrũrũkĩirie, aikari a Doru na taũni ciakuo iria ciamĩthiũrũrũkĩirie, aikari a Ibileamu na taũni ciakuo iria ciamĩthiũrũrũkĩirie, na aikari a Megido na taũni ciakuo iria ciamĩthiũrũrũkĩirie.+ Akanaani acio magĩthiĩ na mbere gũikara bũrũri-inĩ ũcio kĩa hinya. 28 Na rĩrĩa Isiraeli maagĩire hinya, makĩambĩrĩria kũrutithia Akanaani wĩra mũritũ,+ no matiigana kũmaingata biũ.+
29 O na Efiraimu ndaaingatire Akanaani arĩa maaikaraga Gezeri. Akanaani acio maathiire o na mbere gũikara gatagatĩ-inĩ kao kũu Gezeri.+
30 Zebuluni nake ndaaingatire aikari a Kitironi na aikari a Nahaloli.+ Akanaani acio maathiire o na mbere gũikara gatagatĩ-inĩ kao makĩrutithio wĩra mũritũ.+
31 Asheri ndaaingatire aikari a Ako na aikari a Sidoni,+ Ahalabu, Akizibu,+ Heliba, Afiki,+ na Rehobu.+ 32 Kwoguo Aasheri magĩthiĩ na mbere gũikara gatagatĩ-inĩ ka Akanaani acio maaikaraga bũrũri-inĩ ũcio, tondũ matiamaingatire.
33 Nafitali ndaaingatire aikari a Bethi-shemeshi na aikari a Bethi-anathu,+ ĩndĩ maathiire o na mbere gũikara gatagatĩ-inĩ ka Akanaani acio maaikaraga bũrũri-inĩ ũcio.+ Aikari a Bethi-shemeshi na Bethi-anathu magĩtuĩka a kũmarutagĩra wĩra wa ũkombo.
34 Aamori makĩhatĩrĩria Adani gĩcigo-inĩ kĩrĩa kĩrĩ irĩma, nĩ gũkorũo matiametĩkagĩria maikũrũke kũndũ kũrĩa kwaraganu.*+ 35 Kwoguo Aamori magĩthiĩ na mbere gũikara kĩa hinya Kĩrĩma-inĩ kĩa Heresi, Aijaloni,+ na Shaalibimu.+ No rĩrĩa hinya wa andũ a nyũmba ya Jusufu waingĩhire,* makĩambĩrĩria kũrutithia Aamori wĩra mũritũ. 36 Bũrũri wa Aamori woimĩte mwambato-inĩ wa Akirebimu,+ kuuma Sela ũgathiĩ wambatĩte.