RWĨMBO RWA SULEIMANI
1 Rwĩmbo rũrĩa rwega mũno,* rwa Suleimani:+
2 “Nĩ aamumunye na mamumunya ma kanua gake,
Nĩ gũkorũo njĩra ciaku cia kuonania wendo nĩ njega gũkĩra ndibei.+
3 Mũtararĩko wa maguta maku nĩ mwega.+
Rĩĩtwa rĩaku rĩhaana ta maguta manungi wega maitanĩrĩirio.+
Nĩkĩo airĩtu makwendete.
4 Nĩ tũthiĩ nawe;* nĩ tũtengʼere.
Mũthamaki nĩ andonyetie rumu ciake cia thĩinĩ!
Nĩ tũkene na tũcanjamũke twĩ hamwe nawe.
Njĩra ciaku cia kuonania wendo-rĩ, nĩ tũcigaathĩrĩrie* gũkĩra ndibei.
Marĩ* na gĩtũmi kĩega gĩa gũkwenda.
5 Inyuĩ airĩtu a Jerusalemu, niĩ ndĩ mũirũ, no ndĩ mũthaka,
O ta hema cia Kedari,+ o ta itambaya cia hema+ ya Suleimani.
6 Mũtigaikare o mũndorete atĩ tondũ ndĩ mũirũ,
Tondũ riũa nĩ rĩnjinĩte.
Ariũ a maitũ nĩ maandakarĩire;
Makĩndua wa kũroraga mĩgũnda ya mĩthabibũ,
No mũgũnda wakwa wa mĩthabibũ nĩ ndaũtiganĩirie.
7 Ta njĩĩra, wee nyendete mũno,
Kũrĩa ũrĩithagia rũũru rwaku,+
Kũrĩa ũcitwaraga ikahurũke mũthenya gatagatĩ.
Nĩ kĩĩ kĩngĩgĩtũma ngorũo ndariĩ ta mũtumia ũhumbĩrĩtwo na gĩcungi*
Gatagatĩ-inĩ ka ndũũru cia arata aku?”
8 “Wee mũthaka mũno harĩ atumia, angĩkorũo ndũĩ,
Thiĩ ũrũmĩrĩre makinya ma rũũru
Na ũrĩithie tũũri twaku hakuhĩ na hema cia arĩithi.”
9 “Mwendwa wakwa, ngũkũhaanania na mbarathi ya* mũgoma ĩrĩ ngaari-inĩ cia mbarathi cia Firauni.+
10 Makai maku nĩ mathaka marĩ na mathaga,*
O na ngingo yaku ĩgathakara ĩrĩ na mĩgathĩ ya ciũma.
11 Nĩ tũgũgũthondekera mathaga ma thahabu*
Magemetio na betha.”
12 “Hĩndĩ ĩrĩa mũthamaki aikarĩte thĩ metha-inĩ yake ya gĩthiũrũrĩ,
13 Harĩ niĩ-rĩ, mwendwa wakwa atariĩ ta mondo ya manemane marĩ na mũtararĩko mwega+
Ĩrĩ gatagatĩ ka nyondo ciakwa ũtukũ wothe.
14 Mwendwa wakwa atariĩ ta kĩmanjĩka kĩa mahũa ma mũhanuni* harĩ niĩ+
Kĩrĩ gatagatĩ-inĩ ka mĩgũnda ya mĩthabibũ ya Eni-gedi.”+
15 “Atĩrĩrĩ, ũrĩ mũthaka, wee mwendwa wakwa.
Atĩrĩrĩ, ũrĩ mũthaka. Maitho maku nĩ ta ma ndutura.”+
16 “Atĩrĩrĩ, ũrĩ mũthaka,* wee mwendwa wakwa, na ũrĩ mwega.+
Ũrĩrĩ witũ ũkoragwo nyeki-inĩ ĩrĩa nduru.
17 Mĩratho ya nyũmba itũ* nĩ mĩtarakwa,
Mĩitĩrĩro itũ nĩ mĩtĩ ya mĩthengera.
2 “Niĩ ndĩ ihũa rĩa nyeki-inĩ rĩa gĩcigo kĩaraganu gĩa gĩcũa-inĩ,*
Ndĩ ihũa rĩa itoka rĩa mĩkuru-inĩ.”+
2 “O ta ihũa rĩa itoka gatagatĩ-inĩ ka mĩigua
No taguo mwendwa wakwa atariĩ gatagatĩ-inĩ ka airĩtu.”*
3 “O ta mũtĩ wa ĩpũ gatagatĩ-inĩ ka mĩtĩ ya mũtitũ,
No taguo mwendwa wakwa atariĩ gatagatĩ-inĩ ka anake.*
Nĩ ndĩrerirĩria mũno gũikara thĩ kĩĩruru-inĩ gĩake,
Na itunda rĩake nĩ rĩrĩ mũrĩo ngĩrĩcama.
4 Nĩ aandonyirie nyũmba ya iruga,*
Na bendera yake igũrũ rĩakwa yarĩ wendo.
5 Njanjamũrai na keki cia thabibũ nyũmithie;+
Mũũhe matunda ma ĩpũ nĩguo ngĩe na hinya,
Tondũ ndĩ mũcuce nĩ wendo.
6 Guoko gwake kwa ũmotho kũrĩ rungu rwa mũtwe wakwa,
Nakuo guoko gwake kwa ũrĩo gũkahĩmbĩria.+
Mũtikagerie gũũkĩria kana kwarahũra wendo thĩinĩ wakwa nginya ũrĩĩyarahũra guo mwene.+
8 Nĩ ndĩraigua mũgambo wa mwendwa wakwa!
Atĩrĩrĩ, nĩwe ũyũ ũroka,
Akĩhambaga irĩma, akĩrũgaga tũrĩma-inĩ.
9 Mwendwa wakwa atariĩ ta thiya, atariĩ ta gathwariga.+
Nĩwe ũũrĩa, arũgamĩte thutha wa rũthingo rwitũ,
Akĩĩrorera ndirica-inĩ,
Agĩcũthĩrĩria mĩanya-inĩ ya ndirica.
10 Mwendwa wakwa nĩ arĩtie, akanjĩra atĩrĩ:
‘Ũkĩra, mwendwa wakwa,
Wee mwendwa wakwa mũthaka, ũka tũthiĩ nawe.
11 Atĩrĩrĩ, hĩndĩ ya heho* nĩ thiru.
Mbura nĩ ĩkĩĩte na ĩgathira.
12 Mahũa nĩ macanũkĩte bũrũri-inĩ,+
Ihinda rĩa gũceha nĩ ikinyu,+
Na rwĩmbo rwa ndutura nĩ rũraiguĩka bũrũri-inĩ witũ.+
13 Mũkũyũ nĩ wĩruhĩtie ngũyũ iria ciambaga kwĩruha;+
Mĩthabibũ nĩ ĩrutĩte kĩro na ĩkaruta mũtararĩko wayo.
Ũkĩra, mwendwa wakwa, na ũũke.
Wee mwendwa wakwa mũthaka, ũka tũthiĩ nawe.
14 Wee ndutura yakwa ũrĩ kũu mĩĩgitio-inĩ ya ndũmba ya ihiga,+
Kũu mĩĩgitio-inĩ ya kĩharũrũka,
Reke nguone na njigue mũgambo waku,+
Tondũ mũgambo waku nĩ mwega na wee wĩ mũthaka.’”+
15 “Tũnyitĩrei mbwe,
Tũbwe tũrĩa tũthũkangagia mĩgũnda ya mĩthabibũ,
Tondũ mĩgũnda itũ ya mĩthabibũ nĩ ĩrutĩte kĩro.”
16 “Mwendwa wakwa nĩ wakwa na niĩ ndĩ wake.+
Nĩ kũrĩithia ararĩithia+ kũu mahũa-inĩ ma itoka.+
17 Nginya rĩrĩa mũthenya ũrĩgĩa na karũhuho kahooreru* na ciĩruru ibuĩrie,
Coka na ihenya, wee mwendwa wakwa,
O ta thiya+ kana gathwariga+ karĩ irĩma-inĩ cia kwamũrania.*
2 Nĩ ngũũkĩra thiĩ ngorũre itũũra-inĩ;
Barabara-inĩ na ihaaro-inĩ cia mũingĩ,
Reke ngacarie ũcio nyendete.
Ndamũcaririe, no ndiamuonire.
3 Arangĩri arĩa maathiũrũrũkaga itũũra-inĩ nĩ maanyonire.+
Ngĩmoria atĩrĩ, ‘Nĩ muonete ũcio nyendete?’
4 Rĩrĩa ndamahĩtũkire o ũguo,
Ngĩona ũcio nyendete.
Ngĩmũnyita, na ndiamũrekirie
O nginya ngĩmũtonyia nyũmba ya maitũ,+
Rumu-inĩ ya thĩinĩ ya ũcio woohire nda ya kũnjiara.
Mũtikagerie gũũkĩria kana kwarahũra wendo thĩinĩ wakwa nginya ũrĩĩyarahũra guo mwene.”+
6 “Nĩ kĩĩ gĩkĩ kĩroka kuuma werũ-inĩ gĩtariĩ ta itugĩ cia ndogo,
Kĩrĩ na mũtararĩko wa manemane na ũbani,
Na mĩtutu yothe ĩrĩa ĩnungaga wega ya mũhũũri biacara?”+
7 “Atĩrĩrĩ, nĩ gĩtĩ* gĩa Suleimani.
Gĩthiũrũrũkĩirio nĩ arũme mĩrongo ĩtandatũ marĩ hinya,
Kuuma harĩ arũme arĩa marĩ hinya a Isiraeli,+
8 Othe marĩ na rũhiũ rwa njora,
Othe nĩ marutĩtwo kũrũa,
O ũmwe wao arĩ na rũhiũ rwake rwa njora mwena-inĩ
Nĩguo mamũgitĩre kuuma harĩ imakania cia ũtukũ.”
9 “Nĩ gĩtĩ* kĩa Mũthamaki Suleimani
Kĩrĩa eethondekeire akĩhũthĩra mĩtĩ ya Lebanoni.+
10 Aathondekire itugĩ ciakĩo na betha,
Mĩĩtiiro yakĩo akĩmĩthondeka na thahabu.
Handũ ha gũikarĩra hathondeketwo na ndigi cia rangi wa papũ;
Thĩinĩ kĩagemirio na njĩra ya wendo
Nĩ airĩtu* a Jerusalemu.”
11 “Umai, inyuĩ airĩtu a Zayuni,
Mwĩrorerei Mũthamaki Suleimani
Ehumbĩte thũmbĩ* ya ũhiki ĩrĩa aathondekeirũo nĩ nyina+
Mũthenya ũrĩa aahikanirie,
Mũthenya ũrĩa ngoro yake yarĩ na gĩkeno.”
4 “Atĩrĩrĩ, ũrĩ mũthaka, mwendwa wakwa.
Atĩrĩrĩ, ũrĩ mũthaka.
Maitho maku matariĩ ta ma ndutura mahumbĩrĩtwo nĩ gĩcungi kĩu wĩhumbĩte.
Njuĩrĩ yaku ĩtariĩ ta rũũru rwa mbũri
Rũgĩikũrũka irĩma-inĩ cia Gileadi.+
2 Magego maku matariĩ ta rũũru rwa ngʼondu o rĩrĩ ciarĩkia kwenjwo
Iria ciakorũo ciarĩkia gũthambio,
Ciothe irĩ na mahatha,
Na gũtirĩ o na ĩmwe yũrĩtwo nĩ kori kayo.
3 Mĩromo yaku ĩtariĩ ta rũrigi rũtune,
Na ciugo ciaku nĩ njega.
O ta gĩcunjĩ gĩa itunda rĩa ikomamanga
No taguo makai* maku mahaana, mahumbĩrĩtwo nĩ gĩcungi kĩu wĩhumbĩte.
4 Ngingo yaku+ ĩtariĩ ta nyũmba ndaya na igũrũ ya Daudi,+
Ĩrĩa yakĩtwo na kothi cia mahiga
O ĩyo ĩcuuragio ngo ngiri ĩmwe,
Ngo ciothe cia gĩthiũrũrĩ cia arũme arĩa marĩ hinya.+
5 Nyondo ciaku cierĩ itariĩ ta tũũri twĩrĩ twa thiya,
Tũmahatha twa thiya,+
Tũrĩa tũrĩaga mahũa-inĩ ma itoka.”
6 “Mũthenya ũtanagĩa na karũhuho kahooreru* na ciĩruru itanabuĩria,
Nĩ ngũthiĩ kĩrĩma-inĩ kĩa manemane
Na thiĩ karĩma-inĩ ka ũbani.”+
8 Ũka tũthiĩ nawe tuume Lebanoni, wee mũhiki wakwa,
Ũka tũthiĩ nawe tuume Lebanoni.+
Ikũrũka kuuma gacũmbĩrĩ ka Amana,*
Kuuma gacũmbĩrĩ ga Seniri, gacũmbĩrĩ ka Herimoni,+
Kuuma imamo-inĩ cia mĩrũthi, kuuma irĩma-inĩ cia ngarĩ.
9 Nĩ ũtahĩte ngoro yakwa,+ mwarĩ wa maitũ, wee mũhiki wakwa,
Nĩ ũtahĩte ngoro yakwa na irora rĩmwe rĩa maitho maku,
Na kĩũma kĩmwe kĩa mũgathĩ waku.
10 Mwarĩ wa maitũ, o wee mũhiki wakwa, kaĩ njĩra ciaku cia kuonania wendo nĩ njega-ĩ!+
Njĩra ciaku cia kuonania wendo nĩ njega mũno gũkĩra ndibei+
Na mũtararĩko wa maguta maku nĩ mwega gũkĩra mahuti o mothe marĩa manungaga wega!+
11 Mĩromo yaku, wee mũhiki wakwa, ĩtaataga ũũkĩ wa magua-inĩ.+
Ũũkĩ na iria ikoragwo rungu rwa rũrĩmĩ rwaku,+
Na mũtararĩko wa nguo ciaku no ta mũtararĩko wa Lebanoni.
12 Mwarĩ wa maitũ, o ũcio mũhiki wakwa, atariĩ ta mũgũnda mũirigĩre,
Mũgũnda mũirigĩre, o ta itherũkĩro rĩa maĩ ihingĩrĩrie.
13 Thuuna ciaku* nĩ mũgũnda mũthaka wa* makomamanga
O ũcio ũrĩ na matunda marĩa mega mũno, na mũhanuni* hamwe na mĩmera ya nado,
14 Mũmera wa nado+ na mahũa ma nyeki-inĩ, karamathi*+ na mũndarathini,+
Na mĩthemba yothe ya mĩtĩ ya ũbani, manemane, na thubiri,+
Hamwe na mahuti mothe manungi wega marĩa mega mũno.+
15 Wee wĩ itherũkĩro rĩa maĩ rĩa mũgũnda, gĩthima kĩa maĩ matheru,
Na tũrũũĩ tũratherera kuuma Lebanoni.+
16 Arahũka, wee rũhuho rwa mwena wa rũgongo;
Ingĩra, wee rũhuho rwa mwena wa mũhuro.
Hurutanai mũhooreire* igũrũ rĩa mũgũnda wakwa.
Reke mũtararĩko waguo ũhunje.”
“Reke mwendwa wakwa oke mũgũnda-inĩ wake
Arĩe matunda maguo marĩa mega mũno.”
5 “Nĩ ndonyete mũgũnda wakwa,+
Mwarĩ wa maitũ, o wee mũhiki wakwa.
Nĩ njoete manemane makwa na mahuti makwa marĩa manungaga wega.+
Nĩ ndĩte magua makwa o na ũũkĩ wakwa;
Nĩ nyuĩte ndibei yakwa o na iria rĩakwa.”+
“Rĩai, inyuĩ arata akwa arĩa nyendete!
Nyuai na mũrĩĩo nĩ wendo!”+
2 “Ndĩ toro, no ngoro yakwa ndĩkomete.+
Nĩ ndĩraigua mũgambo wa mwendwa wakwa akĩringaringa mũrango!
‘Hingũrĩra, wee mwarĩ wa maitũ, mwendwa wakwa,
Ndutura yakwa, o wee wakwa ũtarĩ kawathe!
Nĩ gũkorũo mũtwe wakwa nĩ ũihũgĩtio nĩ ime,
Nacio njuĩrĩ ciakwa ikaihũgio nĩ ime rĩa ũtukũ.’+
3 Nĩ ndutĩte kanjũ yakwa.
Hihi no mũhaka ndĩmĩĩhumbe rĩngĩ?
Nĩ ndĩĩthambĩte magũrũ.
Hihi no mũhaka ndĩmahake gĩko rĩngĩ?
4 Mwendwa wakwa areheririe guoko gwake irima-inĩ rĩa mũrango,
Nayo ngoro yakwa ĩrambĩrĩria kũmwĩrirĩria.
5 Na niĩ ndĩrokĩra kũhingũrĩra mwendwa wakwa;
Moko makwa marataatagia manemane,
Nacio ciara ciakwa igataatia maguta ma manemane
Nyitĩro-inĩ cia mũrango.
6 Ndĩrahingũrĩra mwendwa wakwa,
No mwendwa wakwa nĩ areherete, nĩ arathiĩte.
Nĩ ndĩrorirũo nĩ hinya* hĩndĩ ĩyo arathiire.*
Ndĩramũcaria, no ndinamuona.+
Ndĩramwĩta, no ndananjĩtĩka.
7 Arangĩri arĩa marathiũrũrũkaga itũũra maranyona.
Maraninga, na marandihia.
Arangĩri a thingo marandunya nguo yakwa ya igũrũ.*
8 Inyuĩ airĩtu* a Jerusalemu, nĩ ndamwĩhĩtithia:
Mũngĩona mwendwa wakwa,
Mwĩrei atĩ ndĩ mũcuce nĩ wendo.”
9 “Mwendwa waku-rĩ, akĩrĩte mwendwa ũngĩ o wothe atĩa,
Wee mũthaka mũno harĩ atumia?
Mwendwa waku-rĩ, akĩrĩte mwendwa ũngĩ o wothe atĩa,
Atĩ nĩkĩo ũratwĩhĩtithia mwĩhĩtwa ta ũcio?”
10 “Mwendwa wakwa nĩ mũthaka na nĩ ahenagia;*
Akoragwo ekũũranĩte harĩ arũme ngiri ikũmi.
11 Mũtwe wake nĩ thahabu, thahabu ĩrĩa njega mũno.
Njuĩrĩ ciake itariĩ ta mathangũ marahurutana ma mũkĩndũ,*
Nĩ njirũ o ta ihuru.
12 Maitho make matariĩ ta ndutura irĩ tũrũũĩ-inĩ twa maĩ,
Igĩĩthamba na iria,
Cikaire karia-inĩ kaiyũru ka maĩ.*
13 Makai make matariĩ ta kamũgũnda ka mahuti manungi wega,+
Hĩba cia mahuti marĩ na mũtararĩko mwega.
Mĩromo yake nĩ mahũa ma itoka, ĩtaatagia maguta ma manemane.+
14 Moko make nĩ mĩberethi ya thahabu, ĩgemetio na tũhiga twa krisolito.
Nda yake nĩ mũguongo mũnyorokie ũhumbĩrĩtwo na safia.
15 Magũrũ make nĩ itugĩ cia mahiga ma goro ciĩkĩrĩtwo makinya-inĩ ma thahabu ĩrĩa njega mũno.
Mũhianĩre wake nĩ ta wa Lebanoni, ndangĩringithanio, atariĩ o ta mĩtarakwa.+
Inyuĩ airĩtu* a Jerusalemu, ũcio nĩwe mwendwa wakwa, ũcio nĩwe nyendete.”
6 “Mwendwa waku athiire kũ,
Wee mũthaka mũno harĩ atumia?
Mwendwa waku arorire na kũ?
Nĩ tũmũcarie tũrĩ hamwe nawe.”
2 “Mwendwa wakwa athiire mũgũnda-inĩ wake,
Tũmĩgũnda-inĩ twa mahuti marĩa manungaga wega,
Athiire kũrĩithia kũu mĩgũnda-inĩ
Na gũtua mahũa ma itoka.+
3 Niĩ ndĩ wa mwendwa wakwa,
Nake mwendwa wakwa nĩ wakwa.+
Nĩ kũrĩithia ararĩithia kũu mahũa-inĩ ma itoka.”+
4 “Wee mwendwa wakwa,+ ũrĩ mũthaka ta Tiriza,*+
Wagĩrĩte o ta Jerusalemu,+
Na ũrĩ wa kũgegania o ta mbũtũ cia ita ithiũrũrũkĩirie bendera ciacio.+
5 Hũgũra maitho maku+ ũtige kũndora,
Tondũ maitho maku nĩ mandooragia.
Njuĩrĩ yaku ĩtariĩ ta rũũru rwa mbũri
Rũgĩikũrũka irĩma-inĩ cia Gileadi.+
6 Magego maku matariĩ ta rũũru rwa ngʼondu
Iria ciakorũo ciarĩkia gũthambio,
Ciothe irĩ na mahatha,
Na gũtirĩ o na ĩmwe yũrĩtwo nĩ kori kayo.
7 O ta gĩcunjĩ gĩa itunda rĩa ikomamanga
No taguo makai* maku mahaana, mahumbĩrĩtwo nĩ gĩcungi kĩu wĩhumbĩte.
9 Ĩndĩ ũmwe nowe ndutura yakwa,+ o ũcio wakwa ũtarĩ kawathe.
Nowe mũirĩtu wa nyina.
Nĩwe wendetwo mũno nĩ* ũcio wamũciarire.
Airĩtu mamuonaga, makamwĩta mũndũ mũkenu;
Atumia a mũthamaki na thuriya mamuonaga, makamũgaathĩrĩria.
10 ‘Nũũ ũcio ũkengaga* ta ũtheri wa rũcinĩ gũgĩkĩa,
Agathakara ta mweri ũrĩ mũgima,
Agakenga ta ũtheri wa riũa,
Na agakorũo arĩ wa kũgegania ta mbũtũ cia ita ithiũrũrũkĩirie bendera ciacio?’”+
11 “Nĩ ndaikũrũkire mũgũnda-inĩ wa mĩtĩ ya mĩkombokombo+
Nĩgetha ngone mĩmera ĩrĩa yamerete mũkuru-inĩ,
Ngarore kana mũthabibũ nĩ wathundũrĩte,
Kana mĩtĩ ya mĩkomamanga nĩ yarutĩte kĩro.
12 O na itanamenya,
Merirĩria makwa nĩ maandwarĩte
Ngaari-inĩ cia mbarathi cia andũ akwa arĩa atĩĩku.”*
13 “Coka, coka, wee Mũshulami!
Coka, coka,
Nĩgetha tũkwĩrorere!”
“Nĩ kĩĩ gĩtũmaga mwĩrorere Mũshulami?”+
“Atariĩ ta ikundi igĩrĩ igĩthũngũtha!”*
7 “Kaĩ magũrũ maku nĩ mathaka marĩ iratũ-inĩ ciaku-ĩ,
Wee mũirĩtu ũyũ mũtĩĩku!
Ciero ciaku thaka itariĩ ta mathaga,
Wĩra wa mũturi ũrĩ na ũũgĩ.
2 Mũkonyo waku nĩ mbakũri ya gĩthiũrũrĩ.
Ũrokoragwo na ndibei ndukanie hingo ciothe.
Nda yaku nĩ hĩba ya ngano,
Ĩthiũrũrũkĩirio nĩ mahũa ma itoka.
3 Nyondo ciaku cierĩ itariĩ ta tũũri twĩrĩ twa thiya,
Tũmahatha twa thiya.+
4 Ngingo yaku+ ĩtariĩ ta nyũmba ndaya na igũrũ yakĩtwo na mĩguongo.+
Iniũrũ rĩaku rĩtariĩ ta nyũmba ndaya na igũrũ ya Lebanoni,
Ĩrĩa ĩrorete Dameski.
Mũthamaki nĩ akenagio mũno* nĩ njuĩrĩ yaku thaka na ndaihu.
6 Kaĩ ũrĩ mũthaka-ĩ, ningĩ ũrĩ mwega
Gũkĩra maũndũ mothe marĩa marehaga gĩkeno, wee mũirĩtu ũyũ nyendete!
7 Kĩrũgamo gĩaku nĩ ta mũtĩ wa mũkĩndũ,
Nacio nyondo ciaku itariĩ ta imanjĩka cia matunda ma mĩtende.+
8 Ndoigire atĩrĩ, ‘Nĩ ngũhamba mũtĩ wa mũkĩndũ
Nĩguo ndue mĩahũ yaguo ya matunda.’
Nyondo ciaku irohaana ta imanjĩka cia thabibũ,
Mĩheehũ yaku ĩkorũo na mũtararĩko o ta matunda ma ĩpũ,
9 Nako kanua gaku kahaane* ta ndibei ĩrĩa njega biũ.”
“Ĩromerũka kahora nĩ ũndũ wa mwendwa wakwa,
Ĩnyũrũrũke kahora mĩromo-inĩ ya arĩa makomete.
10 Niĩ ndĩ wa mwendwa wakwa,+
Nake nĩ niĩ eriragĩria.
12 Nĩ tũũkĩre rũcinĩ tene tũthiĩ mĩgũnda-inĩ ya mĩthabibũ
Tũkarore kana mũthabibũ nĩ ũthundũrĩte,
Tũrore kana nĩ ũrutĩte mahũa,+
Kana mĩkomamanga ĩrĩ na kĩro.+
Kũu nĩkuo ngũkuoneria wendo wakwa.+
13 Mandarĩki*+ nĩ marutaga mũtararĩko wamo;
Mĩrango-inĩ itũ kũrĩ mĩthemba yothe ya matunda marĩa mega.+
Marĩa merũ o na marĩa ma tene
Nĩ ngũigĩire, wee mwendwa wakwa.
8 “Na arĩ korũo ũhaana ta mũrũ wa maitũ,
O ũcio woongire nyondo cia maitũ!
Hĩndĩ ĩyo, ingĩgũkora nja no ngũmumunye,+
Na gũtirĩ mũndũ ũngĩnyarara.
Ingĩkũhe ndibei ĩĩkĩrĩtwo mahuti maranunga wega ũnyue,
Ngũhe ngogoyo ya makomamanga.
3 Guoko gwake kwa ũmotho kũngĩkorũo rungu rwa mũtwe wakwa,
Nakuo guoko gwake kwa ũrĩo kũũhĩmbĩrie.+
4 Inyuĩ airĩtu* a Jerusalemu, nĩ ndamwĩhĩtithia:
Mũtikagerie gũũkĩria kana kwarahũra wendo thĩinĩ wakwa nginya ũrĩĩyarahũra guo mwene.”+
5 “Nũũ ũyũ ũrambata kuuma werũ-inĩ,
Etiiranĩtie na mwendwa wake?”
“Rungu rwa mũtĩ wa ĩpũ nĩho ndakwarahũrire.
Hau nĩho maitũguo aanyitĩirũo nĩ ruo agĩgũciara.
Ũcio wagũciarire-rĩ, hau nĩho aanyitĩirũo nĩ ruo rwa gũciara.
6 Njiga ngoro-inĩ yaku o ta mũhũũri,
O ta mũhũũri guoko-inĩ gwaku,
Nĩ gũkorũo wendo ũrĩ hinya o ta gĩkuũ,+
Na wĩrutĩri wa ngoro yothe ndũhootekaga o ta Mbĩrĩra.*
Nĩnĩmbĩ ciaguo nĩ mwaki ũrakana, rũrĩrĩmbĩ rwa Ja.*+
O na mũndũ angĩruta ũtonga ũrĩa wothe ũrĩ thĩinĩ wa nyũmba yake nĩ ũndũ wa wendo,
No kũnyararũo ũngĩnyararũo* biũ.”
8 “Tũrĩ na mwarĩ wa maitũ mũnini,+
Na ndarĩ nyondo.
Tũgeeka atĩa nĩ ũndũ wa mwarĩ wa maitũ
Mũthenya ũrĩa akoorio?”
9 “Angĩkorũo we nĩ rũthingo,
Tũgaaka karũthingo ka betha igũrũ rĩake,
No angĩkorũo we nĩ mũrango,
Tũkaamũhingĩrĩria na rũbaũ rwa mũtarakwa.”
10 “Niĩ ndĩ rũthingo,
Nacio nyondo ciakwa itariĩ ta nyũmba ndaya na igũrũ.
Nĩ ũndũ ũcio, maitho-inĩ make niĩ nduĩkĩte
O ta mũndũ wonete thayũ.
11 Suleimani aarĩ na mũgũnda wa mĩthabibũ+ Baali-hamoni.
Akĩĩhokera mũgũnda ũcio wa mĩthabibũ andũ a kũũmenyagĩrĩra.
O ũmwe wao aamũtwaragĩra icunjĩ ngiri cia betha kuumana na maciaro maguo.
12 Niĩ ndĩ na mũgũnda wakwa wa mĩthabibũ, na nĩ wakwa.
Icunjĩ icio ngiri cia betha nĩ ciaku,* wee Suleimani,
Na icunjĩ magana merĩ nĩ cia arĩa mamenyagĩrĩra maciaro maguo.”
13 “Atĩrĩrĩ wee ũikaraga mĩgũnda-inĩ,+
Arata nĩ marenda kũigua mũgambo waku.
Reke o na niĩ ndĩũigue.”+
14 “Hiũha, wee mwendwa wakwa,
Na ũtengʼere o ta thiya+
Kana gathwariga
Irĩma-inĩ cia mahuti marĩa manungaga wega.”
Ũkk., “Rwĩmbo rwa nyĩmbo.”
Ũkk., “Nguucia tũthiĩ nawe.”
Kana “twarie ũhoro wacio.”
Acio nĩ airĩtu.
Kana “gĩcungi kĩa macakaya.”
Kana “yakwa ya.”
Kana hihi, “njuĩrĩ-inĩ icio ũkĩndĩte.”
Kana “mathaga ma gĩthiũrũrĩ.”
Ũkk., “Maguta makwa ma nado.”
Mũhanuni nĩ mũtĩ ũrutaga rangi wa gĩĩtĩri.
Kana “mũrũngarũ.”
Kana “nyũmba itũ ĩrĩ riri.”
Kana “ihũa rĩa nyeki-inĩ rĩa Sharoni.”
Kana “aarĩ.”
Kana “ariũ.”
Ũkk., “nyũmba ya ndibei.”
Kana “aarĩ.”
Kana “hĩndĩ ya mbura.”
Ũkk., “mũthenya ũrĩhuhia.”
Kana hihi, “irĩma iria ngayũkanu.” Kana “irĩma cia Betheri.”
Kana “aarĩ.”
Nĩ gĩtĩ kĩgite kĩrĩa kĩahũthagĩrũo gũkuua mũndũ wa bata.
Nĩ gĩtĩ kĩgite kĩrĩa kĩahũthagĩrũo gũkuua mũndũ wa bata.
Kana “aarĩ.”
Kana “thũmbĩ ya mahũa.”
Kana “thikĩrĩrio.”
Ũkk., “Mũthenya ũtanahuhia.”
Kana “Irĩma iria ingʼetheire irĩma cia Lebanoni.”
Kana hihi, “Ngothi yaku.”
Kana “paradiso ya.”
Mũhanuni nĩ mũtĩ ũrutaga rangi wa gĩĩtĩri.
Nĩ mũthemba wa ithanjĩ rĩnungaga wega.
Ũkk., “Huhiai.”
Kana “Muoyo wakwa ũroima.”
Kana hihi, “Muoyo wakwa ũroima thĩinĩ wakwa rĩrĩa araaririe.”
Kana “taama wakwa.”
Kana “aarĩ.”
Ũkk., “mũtune.”
Kana hihi, “imanjĩka cia matunda ma mĩtende.”
Kana hihi, “mĩthia-inĩ ya itherũkĩro rĩa maĩ.”
Ũkk., “Mwena wa igũrũ wa kanua.”
Kana “aarĩ.”
Kana “Itũũra Ithaka.”
Kana “thikĩrĩrio.”
Ũkk., “ũrĩa mũtheru wa.”
Ũkk., “ũroraga thĩ.”
Kana “erutĩri.”
Kana “mũthũngũtho wa Mahanaimu.”
Ũkk., “mũtwe waku ũtariĩ.”
Kana “nĩ atahagwo.”
Kana “Naguo mwena wa igũrũ wa kanua gaku ũhaane.”
Mũhanuni nĩ mũtĩ ũrutaga rangi wa gĩĩtĩri.
Nĩ mũthemba wa mũmera andũ aingĩ meeciragia atĩ mũtumia angĩarĩire matunda maguo, nĩ mangĩamũteithirie kũgĩa nda.
Kana “aarĩ.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
“Ja” nĩ rĩĩtwa Jehova rĩkuhĩhĩtio.
Kana hihi, “angĩnyararũo.”
Ũkk., “Ngiri ĩyo nĩ yaku.”