MACAKAYA
א [Aleph]*
1 Kaĩ itũũra rĩrĩa rĩraiyũrĩte andũ rĩu nĩ rĩtigĩtwo rĩrĩ riki-ĩ!+
O rĩu rĩrakoragwo na andũ aingĩ gatagatĩ-inĩ ka ndũrĩrĩ, kaĩ nĩ rĩhaanĩte o ta mũtumia wa ndigwa-ĩ!+
Kaĩ ũcio ũrarĩ mwarĩ wa mũthamaki gatagatĩ-inĩ ka icigo cia bũrũri nĩ arutithĩtio wĩra wa ũkombo-ĩ!+
ב [Beth]
2 Arĩraga mũno ũtukũ,+ na maithori make makahumbĩra makai make.
Endwa ake othe gũtirĩ o na ũmwe ũrĩ ho amũũmĩrĩrie.+
Arata ake othe nĩ mamũkunyanĩire;+ nĩ matuĩkĩte thũ ciake.
ג [Gimel]
3 Juda nĩ atwarĩtwo ithamĩrio+ rungu rwa mĩnyamaro na ũkombo mũritũ.+
Arĩikaraga gatagatĩ-inĩ ka ndũrĩrĩ;+ ndarĩ na handũ ha kũhurũka.
Arĩa othe mamũnyariraga nĩ mamũkinyĩire arĩ ihinda-inĩ rĩake rĩa mĩtangĩko.
ד [Daleth]
4 Njĩra cia gũthiĩ Zayuni nĩ iracakaya, tondũ gũtirĩ mũndũ ũrathiĩ gĩathĩ-inĩ.+
Ihingo ciake ciothe nĩ ndiganĩrie;+ athĩnjĩri-Ngai ake nĩ gũcaya maracaya.
Airĩtu* ake marĩ na kĩeha, nake arĩ na ruo rũnene.
ה [He]
5 Arĩa mamũũkagĩrĩra rĩu matuĩkĩte mwathi* wake; thũ ciake itirĩ na mĩtangĩko.+
Tondũ Jehova nĩ atũmĩte anyitwo nĩ kĩeha nĩ ũndũ wa mehia make maingĩ.+
Ciana ciake nĩ itahĩtwo nĩ ũrĩa ũmũũkagĩrĩra.+
ו [Waw]
6 Riri wothe nĩ wehereire mwarĩ wa Zayuni.+
Anene ake matariĩ ta thwariga itarĩ na ũrĩithio,
Na marathiĩ manogereire mbere ya ũrĩa ũramathingata.
ז [Zayin]
7 Matukũ-inĩ marĩa Jerusalemu arĩ na mĩnyamaro na atarĩ na kũndũ gwa gũikara, nĩ aririkanaga
Indo ciothe cia goro iria aarĩ nacio matukũ-inĩ ma tene.+
Rĩrĩa andũ ake maagũire guoko-inĩ gwa thũ na ndaarĩ na wa kũmũteithia,+
ח [Heth]
8 Jerusalemu nĩ ehĩtie na njĩra nene.+
Nĩkĩo atuĩkĩte kĩndũ kĩmene.
Arĩa othe maamũheete gĩtĩo rĩu mamuonaga atariĩ ta kĩndũ gĩa kũnyararũo, tondũ nĩ monete njaga yake.+
We mwene akayaga+ na akahũgũka nĩ ũndũ wa thoni.
ט [Teth]
9 Thahu wake ũrĩ nguo-inĩ ciake.
We ndeeciririe ũhoro wĩgiĩ ihinda rĩake rĩa thutha.+
Kũgwa gwake kwarĩ gwa kũmakania; ndarĩ na mũndũ wa kũmũhooreria.
Atĩrĩrĩ Jehova, ona mĩnyamaro yakwa, tondũ thũ nĩ ĩĩtũũgĩrĩtie.+
י [Yod]
10 Thũ nĩ ĩigĩrĩire moko mayo igũrũ rĩa mĩthithũ yake yothe.+
Tondũ nĩ eyoneire ndũrĩrĩ ikĩingĩra handũ hake harĩa hatheru,+
O icio waathanire atĩ itiagĩrĩirũo kũingĩra thĩinĩ wa kĩũngano gĩaku.
כ [Kaph]
11 Andũ ake othe nĩ gũcaya maracaya; nĩ mũgate maracaria.+
Nĩ makũũranĩtie indo ciao cia goro na kĩndũ gĩa kũrĩa, nogetha matũũre muoyo.
Atĩrĩrĩ Jehova, ta rora wone atĩ nduĩkĩte ta mũtumia* ũtarĩ bata.
ל [Lamed]
12 Kaĩ mũrona ta atarĩ ũndũ mũnene inyuĩ arĩa othe mũrahĩtũka njĩra-inĩ?
Rorai muone!
Hihi nĩ harĩ ruo rũngĩ rũtariĩ ta ruo rũrĩa ndaiguire,
Rũrĩa Jehova aatũmire njigue mũthenya wa marakara make mahiũ?+
מ [Mem]
13 Nĩ atũmĩte mwaki thĩinĩ wa mahĩndĩ makwa kuuma igũrũ,+ na akamahoota mothe.
Nĩ ambĩire magũrũ makwa neti; nĩ atũmĩte njoke na thutha kĩa hinya.
Atũmĩte nduĩke mũtumia mũtiganĩrie.
Mũthenya wothe ndindaga ndĩ mũrwaru.
נ [Nun]
14 Mehia makwa mohetwo o ta icoki, makohanio hamwe nĩ guoko gwake.
Maigĩrĩirũo ngingo-inĩ yakwa, na hinya wakwa nĩ ũthirĩte.
Jehova nĩ aneanĩte guoko-inĩ kwa arĩa itangĩhota gwĩtiiria.+
ס [Samekh]
15 Jehova nĩ eheretie andũ othe arĩa marĩ hinya thĩinĩ wakwa.+
Nĩ anjĩtĩire kĩrĩndĩ kĩa andũ nĩguo mahehenje anake akwa.+
Jehova nĩ arangĩrĩirie mũirĩtu gathirange wa Juda kĩhihĩro-inĩ kĩa ndibei.+
ע [Ayin]
16 Ndĩrarĩra nĩ ũndũ wa maũndũ macio;+ maitho makwa maranyũrũrũkia maithori.
Tondũ mũndũ ũrĩa ũngĩnyũmĩrĩria na aahoorerie, arĩ kũraya mũno na niĩ.
Ariũ akwa nĩ matiganĩirio, nĩ gũkorũo thũ nĩ ĩhootanĩte.
פ [Pe]
17 Zayuni nĩ atambũrũkĩtie moko make;+ ndarĩ na mũndũ wa kũmũũmĩrĩria.
Jehova nĩ aheete thũ ciothe iria ithiũrũrũkĩirie Jakubu watho wa kũmũũkĩrĩra.+
Jerusalemu ĩtuĩkĩte kĩndũ kĩmene harĩ o.+
צ [Tsade]
18 Jehova nĩ mũthingu,+ nĩ gũkorũo niĩ nĩ kũremera nemeire mawatho make.*+
Thikĩrĩriai inyuĩ ikundi ciothe cia andũ, na muone ruo rwakwa.
Airĩtu* akwa o na anake akwa nĩ matahĩtwo.+
ק [Qoph]
19 Nĩ ngaĩire endwa akwa, ĩndĩ o nĩ mangunyanĩire.+
Thĩinĩ wa itũũra athĩnjĩri-Ngai akwa na athuri* akwa nĩ mathirĩte,
Magĩcaria irio nĩguo matũũre muoyo.+
ר [Resh]
20 Rora wee Jehova, tondũ ndĩ na mĩtangĩko mĩnene.
Mara makwa marĩ* na ruo.
Ngoro yakwa ĩrĩ na mĩtangĩko, tondũ ngoretwo ndĩ mũremi biũ.+
Kũu nja rũhiũ rwa njora nĩ rũũragĩte ciana ciakwa;+ thĩinĩ wa nyũmba gũtariĩ ta gĩkuũ.
ש [Shin]
21 Andũ nĩ maiguĩte gũcaya gwakwa; ndirĩ na mũndũ wa kũnyũmĩrĩria.
Thũ ciakwa ciothe nĩ ciiguĩte ũhoro wa thĩna wakwa.
Nĩ ikenete tondũ wee nĩ waũrehire.+
Ĩndĩ nĩ ũkaarehe mũthenya ũrĩa wamenyithanirie,+ rĩrĩa o nao makaahaana o ta niĩ.+
ת [Taw]
22 Ũũru wao wothe nĩ ũũke mbere yaku, na ũromaherithia na njĩra nene,+
O ta ũrĩa ũũherithĩtie na njĩra nene nĩ ũndũ wa mehia makwa mothe.
Tondũ mĩcayo yakwa nĩ mĩingĩ, na ngoro yakwa nĩ ndwaru.
א [Aleph]
2 Kaĩ Jehova nĩ ahumbĩrĩte mwarĩ wa Zayuni na itu rĩa marakara make-ĩ!
Nĩ agũithĩtie ũthaka wa Isiraeli kuuma igũrũ akaũharũrũkia thĩ.+
Ndaririkanĩte gaturũa ka magũrũ make+ mũthenya wa marakara make.
ב [Beth]
2 Jehova nĩ ameretie ciikaro ciothe cia Jakubu ategũcicaĩra.
Nĩ amomorete kũndũ kũrĩa kũrĩ na ũgitĩri kwa mwarĩ wa Juda nĩ ũndũ wa marakara make.+
Nĩ agũithĩtie na agaconorithia ũthamaki+ o na anene ake.+
ג [Gimel]
3 Nĩ atinĩtie hinya wothe wa* Isiraeli nĩ ũndũ wa marakara make mahiũ.
Eeheririe guoko gwake kwa ũrĩo hĩndĩ ĩrĩa thũ yakuhĩrĩirie,+
Na thĩinĩ wa Jakubu aaikaraga agĩakanaga ta mwaki ũrĩa wacinire indo ciothe iria ciaũthiũrũrũkĩirie.+
ד [Daleth]
4 Nĩ ahaarĩirie* ũta wake o ta thũ; guoko gwake kwa ũrĩo nĩ kwĩhaarĩirie o ta arĩ thũ;+
Aaikaraga akĩũragaga arĩa othe meeriragĩrio nĩ maitho.+
Na agĩitũrũra mangʼũrĩ make o ta mwaki+ thĩinĩ wa hema ya mwarĩ wa Zayuni.+
ה [He]
5 Jehova nĩ atuĩkĩte o ta thũ;+
Nĩ ameretie Isiraeli.
Nĩ ameretie nyũmba ciake ciothe iria ndaya na igũrũ;
Nĩ anangĩte kũndũ gwakuo guothe kũrĩa kũrĩ na ũgitĩri.
Na harĩ mwarĩ wa Juda agatũma kĩrĩro na macakaya cingĩhe.
ו [Waw]
6 Nĩ ekĩte gĩthũnũ gĩake maũndũ ma ũhinya,+ o ta kanyũmba karĩ mũgũnda-inĩ.
Jehova nĩ atũmĩte gĩathĩ o na thabatũ iriganĩre thĩinĩ wa Zayuni,
Na nĩ anyararĩte mũthamaki o na mũthĩnjĩri-Ngai nĩ ũndũ wa marakara make mahiũ.+
ז [Zayin]
7 Jehova nĩ aregete kĩgongona gĩake;
Nĩ atiganĩirie handũ hake harĩa hatheru.+
Nĩ aneanĩte thingo cia nyũmba cia Zayuni iria ndaya na igũrũ irĩ na ũgitĩri guoko-inĩ gwa thũ.+
Nĩ cianĩrĩire na mũgambo mũnene irĩ thĩinĩ wa nyũmba ya Jehova,+ o ta arĩ mũthenya wa gĩathĩ.
ח [Heth]
8 Jehova nĩ atuĩte itua rĩa kwananga rũthingo rwa mwarĩ wa Zayuni.+
Nĩ atambũrũkĩtie rũrigi rwa gũthima.+
Ndagirĩrĩirie guoko gwake gũtikarehe mwanangĩko.*
Na nĩ atũmĩte rũirigo na rũthingo icakae.
Nĩ ciagithĩtio hinya irĩ hamwe.
ט [Teth]
9 Ihingo ciake nĩ irikĩrĩte na thĩ.+
Nĩ anangĩte na akoinanga mĩgamba yake.
Athamaki ake o na anene ake marĩ gatagatĩ-inĩ ka ndũrĩrĩ.+
Gũtirĩ na watho;* o na anabii ake mationaga cioneki kuuma kũrĩ Jehova.+
י [Yod]
10 Athuri* a mwarĩ wa Zayuni maikarĩte thĩ makirĩte.+
Nĩ mehurĩirie rũkũngũ mĩtwe-inĩ yao na makehumba nguo cia makũnia.+
Airĩtu gathirange a Jerusalemu nĩ mainamĩtie mĩtwe yao thĩ.
כ [Kaph]
11 Maitho makwa nĩ manogete nĩ ũndũ wa gũita maithori.+
Mara makwa marĩ* na ruo.
Ini rĩakwa rĩitĩtwo thĩ nĩ ũndũ wa kũgwa kwa mwarĩ wa* andũ akwa,+
Nĩ ũndũ wa ciana na tũkenge tũrĩa tũraringĩkĩra ihaaro-inĩ cia mũingĩ cia taũni.+
ל [Lamed]
12 Cikaraga ikĩũragia manyina atĩrĩ, “Ngano* na ndibei irĩ kũ?”+
O ikĩringĩkaga ta mũndũ ũgurarĩtio ihaaro-inĩ cia mũingĩ cia itũũra,
Muoyo wacio ũgĩthiraga irĩ moko-inĩ ma manyina.
מ [Mem]
13 Nĩ kĩĩ ingĩhũthĩra kĩrĩ ta mũira,
Kana ingĩkũhaanania na kĩĩ, wee mwarĩ wa Jerusalemu?
Ingĩkũringithania na kĩĩ, nĩguo ngũũmĩrĩrie, wee mũirĩtu gathirange wa Zayuni?
Nĩ gũkorũo nguraro yaku nĩ nene o ta iria.+ Nũũ ũngĩhota gũkũhonia?+
נ [Nun]
14 Cioneki iria anabii aku maakuonagĩra ciarĩ cia maheeni na cia tũhũ,+
Na matiaguũririe mahĩtia maku nĩguo magirĩrĩrie ndũgatahwo,+
No maaikaraga magĩkuonagĩra cioneki cia maheeni na cia kũhĩtithia.+
ס [Samekh]
15 Andũ arĩa othe marahĩtũkĩra barabara-inĩ makũhũũragĩra hĩ na kĩnyũrũri.+
Mahuuhaga mĩrũri magegete+ na makainia mĩtwe yao nĩ ũndũ wa mwarĩ wa Jerusalemu makoiga atĩrĩ:
“Ĩ rĩrĩ nĩrĩo itũũra rĩrĩa andũ mooigaga, ‘Ũthaka warĩo nĩ mũkinyanĩru, na nĩrĩo gĩkeno gĩa thĩ yothe’?”+
פ [Pe]
16 Thũ ciaku ciothe nĩ ciathamĩtie kanua nĩ ũndũ waku.
Ihuuhaga mĩrũri na ikahagarania magego ikoiga ũũ: “Nĩ tũmũmeretie.+
Ũyũ nĩguo mũthenya ũrĩa tũtũire twetereire!+ Nĩ mũkinyu, na nĩ tũwonete!”+
ע [Ayin]
Amomorete ategũcaĩra.+
Nĩ atũmĩte thũ ĩgũthekerere; nĩ atũũgĩrĩtie hinya wa* arĩa magũũkagĩrĩra.
צ [Tsade]
18 Ngoro ya andũ nĩ ĩkaĩire Jehova, wee rũthingo rũrũ rwa mwarĩ wa Zayuni.
Maithori nĩ manyũrũrũke o ta karũũĩ mũthenya na ũtukũ.
Ndũkahurũke, ndũkareke riitho rĩaku rĩhurũke.*
ק [Qoph]
19 Arahũka! Anĩrĩra na mũgambo mũnene ũtukũ, kĩambĩrĩria-inĩ kĩa matuanĩra* ma ũtukũ.
Itũrũra ngoro yaku ta maĩ mbere ya ũthiũ wa Jehova.
Mwambararĩrie moko nĩ ũndũ wa mĩoyo ya ciana ciaku
O icio iraringĩkĩra kona-inĩ ciothe cia barabara* nĩ ũndũ wa ngʼaragu.+
ר [Resh]
20 Ta rora wee Jehova, ũrore mũndũ ũrĩa wee ũherithĩtie na njĩra nene ũguo.
Hihi atumia nĩ magĩrĩirũo gũthiĩ na mbere kũrĩa rũciaro rwao* ene, ciana ciao iria maciarĩte irĩ na ũgima mwega wa mwĩrĩ,+
Kana hihi athĩnjĩri-Ngai na anabii nĩ magĩrĩirũo kũũragĩrũo handũ harĩa hatheru ha Jehova?+
ש [Shin]
21 Kamwana kanini o na mũthuri mũkũrũ makomete thĩ marĩ akuũ barabara-inĩ.+
Airĩtu* akwa o na anake akwa nĩ moragĩtwo na rũhiũ rwa njora,+
Nĩ ũũraganĩte mũthenya-inĩ waku wa marakara; ũthĩnjanĩte ũtegũcayanĩra.+
ת [Taw]
22 Wĩtĩte maũndũ ma kũrehe guoya kuuma mĩena yothe, o ta ũrĩa wĩtanaga mũthenya wa gĩathĩ.+
Mũthenya wa mangʼũrĩ ma Jehova, gũtirĩ mũndũ wetharire kana akĩhonoka;+
א [Aleph]
3 Nĩ niĩ mũndũ ũrĩa wonete mĩnyamaro nĩ ũndũ wa rũthanju rwa mangʼũrĩ make.
2 Nĩ anyingatĩte na atũmaga thiĩre nduma-inĩ, no ti ũtheri-inĩ.+
3 Ti itherũ, arehaga guoko gwake kũnjũkĩrĩre rĩngĩ na rĩngĩ mũthenya wothe.+
ב [Beth]
4 Atũmĩte nyama cia mwĩrĩ wakwa na ngothi yakwa ithire;
Nĩ oinangĩte mahĩndĩ makwa.
5 Nĩ andigicĩirie; athiũrũrũkĩirie na thumu mũrũrũ+ na thĩna.
6 Anjikarĩtie thĩ kĩa hinya kũndũ kũrĩ na nduma, ta andũ maakuire tene.
ג [Gimel]
7 Nĩ andigicĩirie na rũthingo, nĩgetha ndikae kũũra;
Nĩ anjohete na bĩngũ nditũ cia gĩcango.+
8 Na rĩrĩa ndarĩra mũno ngĩhoya ũteithio, nĩ aregaga kũigua* ihoya rĩakwa.+
9 Nĩ ahingĩte njĩra ciakwa na mahiga maicũhie;
Nĩ atũmĩte njĩra ciakwa ciogome.+
ד [Daleth]
10 Anjohagia nĩguo aatharĩkĩre ta nduba, o ta mũrũthi wĩhithĩte.+
12 Nĩ ahaarĩirie* ũta wake, na akanjiga nduĩke kĩndũ gĩa kũrathwo na mũguĩ.
ה [He]
13 Athecete higo ciakwa na mĩguĩ ya* thiaka wake.
14 Nduĩkĩte kĩndũ gĩa gũthekererũo nĩ ikundi ciothe cia andũ, makanyũrũria na rwĩmbo rwao mũthenya wothe.
15 Anjiyũrĩtie maũndũ marũrũ na agatũma njikare ngĩnyuaga mũmera mũrũrũ.+
ו [Waw]
16 Oinangaga magego makwa na kagoto;
Atũmaga nyinamĩrĩre mũhu-inĩ.+
17 Wee nĩ ũnjagithagia thayũ; nĩ ndiganĩirũo nĩ maũndũ marĩa mega.
18 Nĩ ũndũ ũcio njugaga atĩrĩ: “Riri wakwa nĩ ũthirĩte, o hamwe na kĩĩrĩgĩrĩro gĩakwa harĩ Jehova.”
ז [Zayin]
19 Ririkana mĩnyamaro yakwa na atĩ ndirĩ na kũndũ gwa gũikara,+ ũririkane mũmera mũrũrũ na thumu mũrũrũ.+
20 Hatarĩ nganja nĩ ũkaaririkana na ũinamĩrĩre nĩguo ũndeithie.+
21 Nĩ ndirikanaga ũndũ ũcio ngoro-inĩ yakwa; nĩkĩo nguonania mwerekera wa gweterera.+
ח [Heth]
23 Ikoragwo irĩ njerũ rũcinĩ o rũcinĩ;+ wĩhokeku waku nĩ mũingĩ.+
24 Niĩ njugĩte atĩrĩ, “Jehova nĩwe igai rĩakwa,+ nĩkĩo nguonania mwerekera wa kũmweterera.”+
ט [Teth]
25 Jehova nĩ mwega harĩ mũndũ ũrĩa ũigaga kĩĩrĩgĩrĩro gĩake harĩ we,+ harĩ mũndũ ũrĩa ũikaraga akĩmũcaragia.+
26 Nĩ wega mũndũ gweterera ũhonokio wa Jehova+ akirĩte.*+
27 Nĩ wega mũndũ gũkuua icoki rĩrĩa arĩ mwĩthĩ.+
י [Yod]
28 Nĩ aikare arĩ wiki na aikare akirĩte rĩrĩa Ngai aramũigĩrĩra icoki rĩu.+
29 Nĩ aturumithie kanua gake tĩri-inĩ;+ no gũkorũo nĩ harĩ kĩĩrĩgĩrĩro.+
30 Nĩ aneane ikai rĩake kũrĩ mũndũ ũrĩa ũramũgũtha; nĩ anyũrũrio nginya aiganie.
כ [Kaph]
31 Nĩ gũkorũo Jehova ndegũtũũra atũtiganĩirie tene na tene.+
32 O na gũtuĩka nĩ arehete kĩeha, nĩ akoonania tha kũringana na ũrĩa wendo wake mwĩhokeku ũrĩ mũingĩ.+
33 Tondũ ngoro-inĩ yake ndendete kũnyamaria na kũrehera ariũ a andũ kĩeha.+
ל [Lamed]
34 Mũndũ kũhehenja na makinya make arĩa othe mohetwo thĩinĩ wa thĩ,+
35 Kũima mũndũ kĩhooto mbere ya Ũrĩa ũrĩ Igũrũ Mũno,+
36 Kũhinyĩrĩria mũndũ ciira-inĩ wake
—Jehova ndakiragĩrĩria maũndũ ta macio.
מ [Mem]
37 Gũkĩrĩ ũguo-rĩ, nũũ ũngĩkĩhota kuuga ũndũ na wĩkĩke tiga Jehova athanire wĩkĩke?
38 Kanua ka Ũrĩa ũrĩ Igũrũ Mũno
Gatiumaga maũndũ moru na maũndũ mega ihinda-inĩ o rĩmwe.
39 Nĩ kĩĩ kĩngĩgĩtũma mũndũ ũrĩ muoyo atete nĩ ũndũ wa moimĩrĩro ma mehia make?+
נ [Nun]
40 Nĩ tũthuthuriei na tũtuĩrie mĩthiĩre itũ,+ na tũcokerere Jehova.+
41 Nĩ twambararie ngoro citũ hamwe na moko maitũ kũrĩ Ngai ũrĩa ũrĩ igũrũ tuuge atĩrĩ:+
42 “Nĩ tũhĩtĩtie na tũkarema,+ nawe ndũtuoheire.+
ס [Samekh]
43 Nĩ ũtũgirĩrĩirie ũrĩ na marakara nĩguo tũtigagũkuhĩrĩrie;+
Ũtũthingatĩte na ũgatũũraga ũtegũtũcaĩra.+
44 Nĩ ũigĩte itu rĩa kũgirĩrĩria ũkuhĩrĩrio, nĩgetha ihoya ritũ rĩtigagũkinyĩre.+
45 Ũtũmaga tũhaane ta makũrũro na o ta gĩko gatagatĩ-inĩ ka ikundi cia andũ.”
פ [Pe]
46 Thũ citũ ciothe itwathamagĩria tũnua twacio.+
47 Tũiguaga guoya na tũkona mogwati hĩndĩ ciothe,+ o hamwe na mwanangĩko na nguraro.+
48 Tũrũũĩ twa maĩ tũthereraga kuuma maitho-inĩ makwa nĩ ũndũ wa nguraro ya mwarĩ wa andũ akwa.+
ע [Ayin]
49 Maitho makwa maitaga maithori mategũtigithĩria, matitigithagĩria,+
50 O nginya rĩrĩa Jehova akaarora arĩ igũrũ one.+
51 Maitho makwa nĩ matũmĩte ngorũo na kĩeha nĩ ũndũ wa airĩtu othe a itũũra rĩakwa.+
צ [Tsade]
52 Hĩtagwo nĩ thũ ciakwa ta nyoni hatarĩ gĩtũmi.
53 Nĩ ikirĩtie muoyo wakwa thĩinĩ wa irima; ciaikaraga ikĩnjikagĩria mahiga.
54 Maĩ maathereraga igũrũ rĩa mũtwe wakwa, na niĩ ngiuga: “Nĩ ndathira!”
ק [Qoph]
55 Ndakaĩire rĩĩtwa rĩaku, wee Jehova, ndĩ kũndũ kũrĩa kũriku irima-inĩ.+
56 Igua mũgambo wakwa; ndũkahinge gũtũ gwaku wage kũigua kĩrĩro gĩakwa gĩa kũhoya ũteithio, gĩa kũũmĩrĩrio.
57 Nĩ wanguhĩrĩirie mũthenya ũrĩa ndagũkaĩire. Ũkĩnjĩra atĩrĩ: “Ndũgetigĩre.”
ר [Resh]
58 Wee Jehova nĩ ũteteire ciira wakwa, nĩ ũkũũrĩte muoyo wakwa.+
59 Wee Jehova nĩ wonete ũũru ũrĩa njĩkĩtwo; ndagũthaitha ũndeithie kuona kĩhooto.+
60 Nĩ wonete kwĩrĩhĩria kwao guothe, ũkona njama ciao ciothe cia kũnjũkĩrĩra.
ש [Sin] kana [Shin]
61 Nĩ ũiguĩte inyũrũri ciao, wee Jehova, ũkaigua njama ciao ciothe cia kũnjũkĩrĩra,+
62 Ũkaigua mĩromo ya arĩa manjũkagĩrĩra hamwe na ũrĩa maheehanagĩrĩra igũrũ rĩakwa mũthenya wothe.
63 Ta marore; rĩrĩa maikarĩte thĩ kana rĩrĩa marũgamĩte, no kũũnyũrũria manyũrũragia nyĩmbo-inĩ ciao!
ת [Taw]
64 Wee Jehova nĩ ũkaamarĩha kũringana na ciĩko ciao.
65 Ũgaatũma momie ngoro, ũndũ ũcio ũtuĩke kĩrumi gĩaku harĩ o.
66 Ũkaamathingata ũrĩ na marakara na ũmaniine mehere mũhuro wa igũrũ rĩa Jehova.
א [Aleph]
4 Kaĩ thahabu ĩrĩa ĩkengaga nĩ ĩtigĩte gũkenga-ĩ, o yo thahabu ĩrĩa njega!+
Mahiga marĩa maamũre-rĩ,+ kaĩ nĩ mahurunjũkĩte kona-inĩ ciothe cia barabara-ĩ!*+
ב [Beth]
2 Ha ũhoro wa ariũ a Zayuni arĩa atĩĩku, o acio maakoragwo marĩ a goro o ta thahabu ĩrĩa therie,
Kaĩ nĩ matuĩkĩte o ta ndigithũ cia rĩũmba-ĩ,
Wĩra wa moko ma mũũmbi wa nyũngũ!
ג [Gimel]
3 O na ngui cia gĩthaka nĩ ciongithagia twana twacio,
No mwarĩ wa andũ akwa atuĩkĩte mũndũ ũtarĩ tha,+ o ta nyaga cia werũ-inĩ.+
ד [Daleth]
4 Rũrĩmĩ rwa gakenge karĩa karonga rũnyitanĩte na mwena wa igũrũ wa kanua nĩ ũndũ wa kũnyota.
Ciana ihoyaga mũgate,+ no gũtirĩ mũndũ ũciheaga.+
ה [He]
5 Andũ arĩa maarĩaga irio njega, rĩu makomete barabara-inĩ mahũtiĩ.*+
Arĩa maarerirũo makĩĩhumbaga nguo ndune,*+ rĩu mahĩmbĩirie hĩba cia mũhu.
ו [Waw]
6 Iherithia* rĩa mwarĩ wa andũ akwa nĩ inene gũkĩra iherithia rĩa mehia ma Sodomu,+
Ĩrĩa yangʼaũranirio o rĩmwe, gũtarĩ na guoko gwa kũmĩteithia.+
ז [Zayin]
7 Anaziri ake+ maarĩ atheru gũkĩra mbarabu, meerũhĩte gũkĩra iria.
Maarĩ atune gũkĩra tũhiga twa goro twa iria-inĩ; maatariĩ ta tũhiga tũkumuthe twa safia.
ח [Heth]
8 Rĩu mairĩte gũkĩra mũrarĩ;*
Matimenyekaga marĩ barabara-inĩ.
Ngothi yao yũmanĩrĩire igũrũ rĩa mahĩndĩ mao;+ ĩniarĩte o ta mũtĩ mũũmũ.
ט [Teth]
9 Nĩ kaba arĩa moragĩtwo na rũhiũ rwa njora gũkĩra arĩa moragĩtwo nĩ ngʼaragu,+
O acio morĩtwo nĩ hinya, arĩa mathecetwo nĩ ũndũ wa kwaga irio kuuma mũgũnda-inĩ.
י [Yod]
10 Moko ma atumia arĩa acayanĩri nĩ matherũkĩtie ciana ciao ene.+
Cituĩkĩte irio ciao cia gũcakaya hĩndĩ ya mwanangĩko wa mwarĩ wa andũ akwa.+
כ [Kaph]
11 Jehova nĩ onanĩtie mangʼũrĩ make;
Nĩ aitũrũrĩte marakara make mahiũ.+
Na nĩ akagia mwaki Zayuni ũrĩa ũcinaga mĩthingi yakuo.+
ל [Lamed]
12 Athamaki a thĩ na aikari othe a bũrũri ũrĩa ũrĩ maciaro matietĩkagia
Atĩ mũniinani, o ũcio warĩ thũ nĩ angĩaingĩrire ihingo cia Jerusalemu.+
מ [Mem]
13 Ũndũ ũcio wekĩkire tondũ wa mehia ma anabii a kuo, o na mahĩtia ma athĩnjĩri-Ngai a kuo,+
Arĩa maaitaga thakame ya andũ athingu thĩinĩ wakuo.+
נ [Nun]
14 Morũraga barabara-inĩ ta atumumu.+
Nĩ methahĩtie na thakame,+
Ũũ atĩ gũtirĩ mũndũ ũngĩgeria kũhutia nguo ciao.
ס [Samekh]
15 Andũ managĩrĩra makameera. “Thiĩi! Inyuĩ mũrĩ na thahu! Thiĩi! Thiĩi biũ! Mũtigatũhutie!”
Nĩ gũkorũo matirĩ na gwa gũikara na nĩ kũũrũra morũraga.
Andũ moigaga ũũ gatagatĩ-inĩ ka ndũrĩrĩ: “Matingĩikara gũkũ hamwe na ithuĩ.*+
פ [Pe]
16 Ũthiũ wa Jehova nĩ ũmahurunjĩte;+
Gũtirĩ hĩndĩ ĩngĩ agaakenio nĩo.
Andũ matirĩheaga athĩnjĩri-Ngai gĩtĩo,+ na matirĩtĩaga athuri.”*+
ע [Ayin]
17 O na rĩu maitho maitũ nĩ morĩtwo nĩ hinya nĩ ũndũ wa gũcaria ũteithio na tũtiwone.+
Twacaririe ũteithio rĩngĩ na rĩngĩ rũrĩrĩ-inĩ rũtangĩahotire gũtũhonokia.+
צ [Tsade]
18 Maatũhĩtaga ikinya gwa ikinya+ ũũ atĩ tũtingĩahotire kũgerera ihaaro-inĩ citũ cia mũingĩ.
Mũico witũ nĩ ũkuhĩrĩirie; matukũ maitũ nĩ mathiru, tondũ mũico witũ nĩ mũkinyu.
ק [Qoph]
19 Acio maatũthingataga maarĩ na ihenya gũkĩra nderi cia rĩera-inĩ.+
Maatũtengʼeririe irĩma-inĩ; maatuohirie werũ-inĩ nĩguo matũtharĩkĩre.
ר [Resh]
20 Ũrĩa mũitĩrĩrie maguta wa Jehova, o ũcio mĩhũmũ ya maniũrũ maitũ,+ nĩ anyitĩirũo irima-inĩ rĩao inene,+
O ũcio twoigaga ũhoro wake atĩrĩ: “Tũrĩikaraga rungu rwa kĩĩruru gĩake gatagatĩ-inĩ ka ndũrĩrĩ.”
ש [Sin]
21 Kena na ũcanjamũke, wee mwarĩ wa Edomu,+ o wee ũikaraga bũrũri-inĩ wa Uzu.
Ĩndĩ o nawe nĩ ũkaanengerũo gĩkombe,+ na nĩ ũkaanyua ũrĩĩo na ũguũrie njaga yaku.+
ת [Taw]
22 Iherithia rĩa mahĩtia maku nĩ rĩkinyĩte mũthia, wee mwarĩ wa Zayuni.
Ndagaakuoya rĩngĩ agũtware ithamĩrio.+
No nĩ akeerekeria meciria make harĩ mahĩtia maku, wee mwarĩ wa Edomu.
Nĩ akaaguũria mehia maku.+
5 Atĩrĩrĩ Jehova, ririkana maũndũ marĩa matũkorete.
Rora wone gĩconoko gitũ.+
2 Igai ritũ nĩ rĩneanĩtwo kũrĩ ageni, nacio nyũmba citũ ikaneanwo kũrĩ andũ a kũngĩ.+
3 Tũtuĩkĩte ciana cia ndigwa itarĩ na ithe; manyina maitũ nao matariĩ ta atumia a ndigwa.+
4 Tũrĩhaga nĩguo tũnyue maĩ maitũ ene,+ nacio ngũ citũ ene nĩ kwenderio twendagĩrio.
5 Arĩa maratũthingata marĩ ngingo-inĩ citũ;
Tũrĩ anogu, no tũtiheagwo ũhurũko.+
6 Tũtambũrũkagĩria Misiri+ na Ashuri+ guoko gwitũ, nĩguo tuone mũgate wa kũigana wa kũrĩa.
7 Maithe maitũ ma tene arĩa meehirie matirĩ ho, no nĩ ithuĩ tũrakuua mehia mao.
8 Ndungata rĩu nĩcio itwathaga; gũtirĩ na mũndũ wa gũtũthara kuuma guoko-inĩ gwacio.
9 Tũingĩragia muoyo witũ ũgwati-inĩ nĩguo tuone mũgate witũ,+ tondũ wa rũhiũ rwa njora rwa werũ-inĩ.
10 Ngothi itũ ĩhiũhĩte o ta riiko tondũ wa kũhũta.+
11 Nĩ maconorithĩtie* atumia arĩa marĩ Zayuni, o na airĩtu gathirange thĩinĩ wa matũũra ma Juda.+
12 Anene maacuuririo na guoko kwao,+ nao athuri* matiaheirũo gĩtĩo.+
13 Anake makuuaga gĩthĩi, natuo tũmwana tũhĩngagwo tũkuuĩte mĩrigo ya ngũ.
14 Athuri* nĩ meherete kĩhingo-inĩ gĩa itũũra;+ anake nĩ matigĩte kũinaga nyĩmbo ciao.+
15 Gĩkeno nĩ gĩthirĩte ngoro-inĩ citũ; gũthũngũtha gwitũ gũtuĩkĩte macakaya.+
16 Thũmbĩ nĩ ĩgwĩte kuuma mũtwe-inĩ witũ. Kaĩ tũrĩ na haaro-ĩ, nĩ gũkorũo nĩ twĩhĩtie!
17 Nĩ ũndũ ũcio, ngoro itũ nĩ ndwaru,+
Na tondũ wa maũndũ macio, maitho maitũ nĩ morĩtwo nĩ hinya,+
18 Tondũ wa Kĩrĩma gĩa Zayuni, kĩrĩa gĩtiganĩirio;+ mbwe rĩu nĩcio ciũrũraga kuo.
19 No wee Jehova-rĩ, ũtũũraga ũikarĩire gĩtĩ kĩa ũnene tene na tene.
Gĩtĩ gĩaku kĩa ũnene nĩ kĩa nginya njiarũa na njiarũa.+
20 Nĩ kĩĩ gĩtũmaga ũriganĩrũo nĩ ithuĩ tene na tene na ũgatũtiganĩria ihinda inene ũguo?+
21 Atĩrĩrĩ Jehova, tũcokie harĩ wee, na nĩ tũgũgũcokerera twĩyendeire.+
Erũhia matukũ maitũ mahaane o ta marĩa ma tene.+
22 No rĩrĩ, wee nĩ ũtũregete biũ.
Ũikaraga ũtũrakarĩire mũno.+
Mũrango wa 1-4 nĩ nyĩmbo cia macakaya ibangĩtwo kũringana na ndemwa cia Kĩhibirania.
Kana “Airĩtu gathirange.”
Ũkk., “mũtwe.”
Kana “igĩkenerera.”
Jerusalemu nĩyo ĩraringithanio na mũtumia.
Ũkk., “kanua gake.”
Kana “Airĩtu gathirange.”
Athuri arĩa meehokeirũo maũndũ.
Kana “Thĩinĩ wakwa kũrĩ.”
Ũkk., “rũhĩa o ruothe rwa.”
Ũkk., “arangĩte.”
Kana “anangĩte.”
Ũkk., “gũtikamerie.”
Kana “ũrutani.”
Athuri arĩa meehokeirũo maũndũ.
Kana “Thĩinĩ wakwa kũrĩ.”
Icio nĩ ciugo cia kũgerekania, hihi cia kuonania tha kana ũcayanĩri.
Kana “Cairi.”
Ũkk., “rũhĩa rwa.”
Ũkk., “mwarĩ wa riitho rĩaku ahurũke.”
Ituanĩra rĩmwe nĩ kĩndũ mathaa mana.
Ũkk., “mũtwe-inĩ wa barabara ciothe.”
Kana “maciaro mao.”
Kana “Airĩtu gathirange.”
Kana “ndaciarire marĩ na ũgima mwega wa mwĩrĩ.”
Kana “agiragĩrĩria; ahingagĩrĩria.”
Kana hihi, “agatũma ngome itarĩ na hinya.”
Ũkk., “arangĩte.”
Ũkk., “ariũ a.”
Kana “ategũthethũka.”
Ũkk., “mũtwe-inĩ wa barabara ciothe-ĩ!”
Ũkk., “matiganĩirio.”
Nĩ nguo ndune cia goro.
Ũkk., “Ihĩtia.”
Ũkk., “ũirũ.”
Kana “matingĩikara gũkũ marĩ andũ a kũngĩ.”
Athuri arĩa meehokeirũo maũndũ.
Kana “manyitĩte kĩa hinya.”
Athuri arĩa meehokeirũo maũndũ.
Athuri arĩa meehokeirũo maũndũ.