Menya Kĩrĩa Kĩrĩ Kiugo-inĩ kĩa Ngai

Bibilia ĩkoragwo na ndũmĩrĩri ya Ngai, kana kiugo gĩake kũrĩ ithuĩ ũmũthĩ. Ĩtuonagia ũrĩa tũngĩgaacĩra ũtũũro-inĩ na ũrĩa tũngĩĩtĩkĩrĩka nĩ Ngai. Ningĩ nĩ ĩcokagia ciũria ici:

1 Ngai nũũ?
2 Ũngĩĩruta ũhoro wa Ngai atĩa?
3 Nũũ waandĩkire Bibilia?
4 Hihi Bibilia nĩ ĩtwaranaga na ũhoro wĩgiĩ sayansi?
5 Bibilia ĩkoragwo na ndũmĩrĩri ĩrĩkũ?
6 Nĩ maũndũ marĩkũ Bibilia yarathĩte megiĩ Mesia?
7 Nĩ maũndũ marĩkũ Bibilia yarathĩte megiĩ mahinda maya tũrĩ?
8 Hihi Ngai nĩwe ũtũmaga andũ manyamarĩke?
9 Andũ manyamarĩkaga nĩkĩ?
10 Nĩ maũndũ marĩkũ Bibilia ĩranĩire ma ihinda rĩũkĩte?
11 Gũthiaga atĩa rĩrĩa mũndũ akua?
12 Tũngĩkorũo na kĩĩrĩgĩrĩro kĩrĩkũ harĩ arĩa makuĩte?
13 Bibilia yugaga atĩa ũhoro wĩgiĩ wĩra?
14 Ũngĩramata indo ciaku atĩa?
15 Ũngĩgĩa na gĩkeno atĩa?
16 Ũngĩhiũrania atĩa na mĩtangĩko?
17 Bibilia ĩngĩteithia famĩlĩ yaku na njĩra ĩrĩkũ?
18 Ũngĩkuhĩrĩria Ngai atĩa?
19 Mabuku ngũrani ma Bibilia makoragwo na ũhoro ũrĩkũ?
20 Ũngĩgunĩka atĩa biũ kuumana na ũthomi waku wa Bibilia?

ŨRĨA ŨNGĨONA MĨHARI YA BIBILIA

Bibilia ĩkoragwo na mabuku manini manini 66. Ĩgayanĩtio icunjĩ igĩrĩ: Maandĩko ma Kĩhibirania na Kĩaramu (“Kĩrĩkanĩro Kĩrĩa Gĩkũrũ”) na Maandĩko ma Kĩngiriki (“Kĩrĩkanĩro Kĩrĩa Kĩerũ”). O ibuku thĩinĩ wa Bibilia rĩgayanĩtio na mĩrango na mĩhari. Rĩrĩa rĩandĩko rĩonanio, namba ya mbere thutha wa rĩĩtwa rĩa ibuku yonanagia mũrango, nayo namba ĩrĩa ĩrũmĩrĩire kana iria irũmĩrĩire ikonania mũhari kana mĩhari. Kwa ngerekano, Kĩambĩrĩria 1:1 nĩ Kĩambĩrĩria mũrango wa 1, mũhari wa 1.