KĨŨRIA GĨA 10
Nĩ maũndũ marĩkũ Bibilia ĩranĩire ma ihinda rĩũkĩte?
“Andũ arĩa athingu nĩ makaagaya thĩ, na magaatũũra thĩinĩ wayo tene na tene.”
“Thĩ ĩtũũraga tene na tene.”
“Nĩ akaameria gĩkuũ tene na tene, na Jehova Mwathani Ũrĩa Mũnene nĩ akaagiria maithori mothiũ mothe.”
“Hĩndĩ ĩyo mũndũ ũrĩa ũthuaga akaarũgarũga o ta thwariga, na rũrĩmĩ rwa ũrĩa ũtahotaga kwaria rwanĩrĩre nĩ gũkena. Tondũ maĩ nĩ magaakunũka werũ-inĩ, na tũrũũĩ tũkunũke werũ-inĩ mwaraganu.”
“Nĩ ekũmagiria maithori mothe mathire maitho-inĩ mao, na gĩkuũ gĩtigaacoka gũkorũo kuo rĩngĩ, o na gũcakaya kana kĩrĩro kana ruo. Maũndũ marĩa ma tene nĩ mathiru.”
“Nĩ magaaka nyũmba na matũũre thĩinĩ wacio, Na mahande mĩgũnda ya mĩthabibũ na marĩe maciaro mayo. Matigaaka nyũmba itũũrũo nĩ mũndũ ũngĩ, o na kana mahande icoke irĩo nĩ andũ angĩ. Nĩ gũkorũo matukũ ma andũ akwa magaakorũo matariĩ ta ma mũtĩ, andũ akwa arĩa athuure nĩ magaakenagĩra wĩra wa moko mao biũ.”