Gũceera Bũrũri wa Liechtenstein

NĨ ŨMWE wa mabũrũri manini mũno thĩinĩ wa thĩ, na ũkoragwo ũthiũrũrũkĩirio nĩ irĩma gatagatĩ ka Switzerland na Austria. Karine nyingĩ hĩtũku, andũ arĩa maragia rũthiomi rwa Celt, Rhaetia, Romania, na Alemanni manakorũo magĩikara bũrũri ũcio. Ũmũthĩ, makĩria ma nuthu ya andũ arĩa maikaraga Liechtenstein nĩ njiarũa cia andũ arĩa maragia rũthiomi rwa Alemanni, arĩa mokire gĩcigo-inĩ gĩkĩ mĩaka ta 1,500 mĩhĩtũku.

German nĩruo rũthiomi rũnene rwa Liechtenstein, o na gũtuĩka nĩ kũrĩ thiomi nini itiganĩte ciaragio icagi-inĩ. Irio iria andũ a Liechtenstein mendete mũno nĩ Tüarka-Rebel, iria irugagwo na mũtu wa mbembe, na Käsknöpfle, iria ithondekagwo na cheese.

Ageni arĩa maceeraga bũrũri ũcio nĩ meyonagĩra irĩma irĩ na mbarabu, mĩkuru mĩthaka, mĩgũnda ya mĩthabibũ, na mĩthemba ngũrani ya mĩmera. Kwa ngerekano, bũrũri-inĩ ũyũ mũnini ũguo no kuoneke mahũa ma gĩthaka hakuhĩ mĩthemba 50. Ningĩ Liechtenstein nĩ ĩrĩ na nyũmba iria cionanagĩrio indo cia tene, kũndũ gwa kuonanĩria thenema, na kũrĩa njohi ĩthondekagĩrũo. Nĩ ũndũ ũcio, andũ nĩ mathiaga gũceera kũu hĩndĩ ya ũrugarĩ na ya heho.

Aira a Jehova makoretwo bũrũri-inĩ wa Liechtenstein kuuma mĩaka-inĩ ya 1920. Rĩu makoragwo marĩ ta 90 bũrũri-inĩ wothe, na nĩ marutaga andũ a kũu Bibilia o hamwe na arĩa maceeraga.