Ngothi ya Thutha

Famĩlĩ nĩyo ithondeka rĩrĩa rĩa tene mũno thĩinĩ wa historĩ ya andũ, ĩndĩ ũmũthĩ ĩrĩ ũgwati-inĩ. Gũtherema na njĩra nene kwa matinĩnja kũhũthĩra ndawa cia ũrĩĩu na kwagana, thĩna mũnene ũrĩa ũrĩ kuo wa ndigano na ũhinya thĩinĩ wa famĩlĩ, wongerereku mũnene wa famĩlĩ cia mũciari ũmwe, hamwe na mathĩna mangĩ maritũ, nĩ matũmaga andũ amwe meyũrie kana kũna famĩlĩ nĩ ĩkwĩrica.

O na kũrĩ ũguo-rĩ, hihi no kũhoteke famĩlĩ ĩkorũo ĩrĩ kũndũ kwega, kũrĩ na thayũ, na ũgitĩri? Ĩĩ, andũ thĩinĩ wa famĩlĩ mangĩmenya hitho ĩrĩa kũna ĩrehaga gĩkeno famĩlĩ-inĩ. Hitho ĩyo ti kĩriga. Nĩ ĩhũthĩrĩtwo na ĩgakorũo na moimĩrĩro mega kwa ihinda rĩa mĩaka mĩingĩ mũno. Nĩ ĩrĩkũ? Ibuku rĩrĩ, Hitho ya Gĩkeno kĩa Famĩlĩ, rĩrĩ na macokio. Ningĩ nĩ rĩheanĩte ngerekano njega cia ũrĩa “hitho” ĩyo ĩngĩteithia gũcaria kĩhonia kĩa moritũ maigana ũna thĩinĩ wa famĩlĩ. Mahinda-inĩ maya-rĩ, nũ ũtangĩbatara ũhoro ta ũcio?