Maũndũ Marĩa Marĩ Thĩinĩ wa Gĩcigo gĩa 12

Jesu aarutaga andũ ũhoro wĩgiĩ Ũthamaki wa igũrũ. Ningĩ nĩ aamarutaga kũhoya nĩguo rĩĩtwa rĩa Ngai rĩtherio, Ũthamaki wake ũke, na wendi wake wĩkwo gũkũ thĩ. Angĩkorũo ũrĩ mũciari, taarĩria mwana waku ũrĩa ihoya rĩu rĩtũrutaga. Jesu ndaarekire Shaitani atũme age gũtũũria wĩhokeku wake. Jesu nĩ aathuurire atũmwo ake arĩa mangĩagĩire na itemi rĩa bata mũno Ũthamaki-inĩ wake. Rora wone ũrĩa Jesu aarĩ na kĩyo nĩ ũndũ wa ũthathaiya wa ma. Tondũ nĩ eendaga gũteithia andũ arĩa angĩ, nĩ aahonagia arĩa arwaru, akahũnia arĩa ahũtu, na akariũkia arĩa makuĩte. Kũgerera ciama icio ciothe, Jesu nĩ oonanirie ũrĩa Ũthamaki wa Ngai ũgeekĩra andũ.