Ũhoro Ũrĩa Wĩ Thĩinĩ

Nĩ mĩĩhĩtwa ĩigana wĩhĩtĩire Jehova? Hihi nĩ ũmwe, ĩĩrĩ, kana makĩria? Hihi nĩ ũiguaga ta ũreka ũrĩa wothe ũngĩhota nĩguo ũmĩhingie? Ĩ naguo mwĩhĩtwa waku wa kwĩyamũrĩra Ngai kana wa kĩhiko? Gĩcunjĩ gĩkĩ kĩratũririkania ũhoro wa kĩonereria kĩega kĩrĩa tũigĩirũo nĩ Hana na Jefitha tũgĩthiĩ na mbere kwĩrutanĩria kũhingia mĩĩhĩtwa itũ harĩ Ngai tũrĩ ehokeku.

Maita maingĩ twĩciragia ũhoro wa kĩrĩa Jehova agatũhe thĩinĩ wa Paradiso, no gĩcunjĩ-inĩ gĩkĩ tũgwĩciria ũhoro wa maũndũ marĩa akeheria. Nĩ kĩĩ Jehova akeheria nĩ getha athondeke thĩ ĩrĩ na gĩkeno na thayũ? Gwĩcũrania macokio ma kĩũria kĩu nĩ gũgwĩkĩra hinya wĩtĩkio witũ na itua ritũ rĩa gũkirĩrĩria.

Wĩtĩkio, wĩnyihia, na wĩhokeku witũ no ũgerio rĩrĩa twekwo kana tuona ũndũ ũroneka ta ũtarĩ wa kĩhooto. Icunjĩ ici ikwarĩrĩria ngerekano ithatũ cia Bibilia iria igũtũteithia gũkũria mawoni ta ma Jehova megiĩ kĩhooto.

Jehova nĩ eiganĩtie, no nĩ akenaga rĩrĩa ona tũkĩĩrutanĩria kũnyita mbaru ũnene wake. Ibuku rĩa Atiirĩrĩri Bũrũri mũrango wa 4 na wa 5 rĩonanagia ũrĩa Jehova akenaga rĩrĩa twerutĩra twĩyendeire kũrũmĩrĩra ũtongoria wake.