Ũhoro Ũrĩa Wĩ Thĩinĩ

Tũngĩka atĩa rĩrĩa twaigua tũhatĩkĩtwo nĩ mĩtangĩko ya ũtũũro? Gĩcunjĩ gĩkĩ kĩarĩrĩirie rĩandĩko rĩa mwaka wa 2018 na nĩ gĩgũtuonia nĩkĩ nĩ tũrabatara kũhe Jehova mweke wa gũtwĩkĩra hinya na ũrĩa arĩkaga ũguo.

Gĩkũngũĩro kĩa o mwaka kĩa Irio cia Hwaĩ-inĩ cia Mwathani gĩgeekwo Machi 31, 2018. Nĩ na njĩra ĩrĩkũ tũngĩĩhaarĩria rĩu nĩ ũndũ wa Kĩririkano, tũkagunĩka atĩa twathiĩ, na ũndũ ũcio twĩkaga o mwaka ũteithagia atĩa andũ a Ngai makorũo na thayũ? Nĩ ũkuona macokio thĩinĩ wa gĩcunjĩ gĩkĩ.

Indo iria ciothe tũrĩ nacio tũheetwo nĩ Jehova. O na kũrĩ ũguo, nĩ erĩgagĩrĩra tũhũthĩre mbeca citũ kũnyita mbaru wĩra wa ithondeka rĩake. Gĩcunjĩ gĩkĩ nĩ gĩkwarĩrĩria ũrĩa tũngĩgunĩka nĩ ũndũ wa kũhũthĩra indo citũ cia goro gũtĩithia Jehova na kĩrĩa gĩtũmaga tũgunĩke nĩ ũndũ wa gwĩka ũguo.

Gĩcunjĩ kĩa mbere gĩkwarĩrĩria ũrĩa gĩkeno kĩa ma kiumanaga na kwenda Ngai no ti kuumana na mĩthemba ĩtiganĩte ya wendo wa maheeni ĩrĩa ĩronekana wega “matukũ-inĩ ma kũrigĩrĩria.” (2 Tim. 3:1) Gĩcunjĩ gĩa kerĩ kĩrataarĩria ũrĩa mĩtugo ĩrĩa ĩronania andũ a matukũ ma kũrigĩrĩria ĩrĩ ngũrani biũ na ya andũ a Ngai.