Maũndũ Mamwe Marĩ Thĩinĩ wa JW.ORG/KI

Kwambĩrĩria na ngathĩti ĩno gũthiĩ na mbere, Mũrangĩri nĩ ũrĩgathagĩrĩria icunjĩ njerũ cia kĩrũmanĩrĩrio iria mbere ĩyo irakoragwo ngathĩti-inĩ citũ no rĩu ironeka o thĩinĩ wa website ya jw.org/ki.

ŨTEITHIO KŨRĨ FAMĨLĨ

Ũrĩa Ũngĩgirĩrĩria Marakara Maku

Gwĩtĩkĩria marakara magũtongorie no gũthũkie ũgima waku wa mwĩrĩ. Nĩ kĩĩ kĩngĩgũteithia kũgirĩrĩria marakara maku rĩrĩa kuoimĩra ũndũ wa gũtũma ũrakare?

(No ũhingũre MORUTANI MA BIBILIA > KĨHIKO & FAMĨLĨ.)

BIBILIA NĨ ĨGARŨRAGA MĨTŨŨRĨRE YA ANDŨ

Ndaikaraga Mĩkĩra-inĩ ya Njĩra

Nĩ ũndũ wa Antonio kwĩingĩria maũndũ-inĩ ma ũhinya, kũhũthĩra ndawa cia kũrebia, na kũnyua njohi ũũru, oonaga ũtũũro ta ũtarĩ na muoroto. Nĩ kĩĩ gĩatũmire mwerekera wake ũgarũrũke?

(No ũhingũre MORUTANI MA BIBILIA > THAYŨ & GĨKENO.)