Kwĩruta Kuuma Kũrĩ Ibuku rĩa Jona

Jehova aandĩkithirie thĩinĩ wa Kiugo gĩake ngʼano cia ũtũũro cia arũme na atumia arĩa maarĩ na wĩtĩkio nĩ getha itũrutage maũndũ ma bata. (Ro 15:4) Ũrerutire maũndũ marĩkũ ibuku-inĩ rĩa Jona? Wĩrorere video, Ũthathaiya wa Famĩlĩ: Jona—Kwĩruta Kuumana na Tha cia Jehova, ũcoke ũcokie ciũria ici:

• Nĩ moritũ marĩkũ ahunjia acio atatũ marĩ video-inĩ ĩyo maacemanirie namo?

• Ibuku rĩa Jona rĩngĩgwĩkĩra ngoro atĩa angĩkorũo nĩ wĩrĩga kũrũngwo kana kwehererio mĩeke ya ũtungata? (1Sa 16:7; Jon 3:1, 2)

• Rũgano rwa Jona rũngĩgũteithia atĩa gũkoragwo na mawoni mega kwerekera andũ thĩinĩ wa gĩcigo kĩrĩa mũhunjagia? (Jon 4:11; Mat 5:7)

• Maũndũ marĩa Jona aacemanirie namo mangĩgwĩkĩra ngoro atĩa ũngĩkorũo na ndwari ya ihinda iraya? (Jon 2:1, 2, 7, 9)

• Nĩ ũndũ ũrĩkũ weruta video-inĩ ĩyo wĩgiĩ bata wa gũthomaga Bibilia na gwĩcũrania?