Mĩthiĩre Mĩtheru Hamwe na Gĩtĩo Kĩnene no Itũme Mũndũ Erute Ũhoro wa Ma

Atumia arĩa etĩkia kaingĩ nĩ magucagĩrĩria athuri ao thĩinĩ wa ũhoro wa ma kũgerera mĩthiĩre yao ya Gĩkristiano. O na kũrĩ ũguo, no mabatare gũkirĩrĩria mathĩna kwa ihinda rĩa mĩaka mĩingĩ. (1Pe 2:21-23; 3:1, 2) Angĩkorũo nĩ ũranyamarĩka na njĩra ĩtarĩ ya kĩhooto, thiĩ na mbere gũtooria ũũru na njĩra ya gwĩkaga wega. (Ro 12:21) Kĩonereria gĩaku kĩega no gĩkorũo na moimĩrĩro mega gũkĩra ciugo theri.

Geria gũtaũkĩrũo nĩ mwĩcirĩrie wa ũrĩa mũhikanĩtie nake. (Afi 2:3, 4) Muonie tha na ũmuonie nĩ ũrataũkĩrũo nĩ ũrĩa araigua, na wĩke ũrĩa wothe ũngĩhota kũhingia itemi rĩaku na njĩra ya gĩtĩo. Tuĩka mũthikĩrĩria mwega. (Jak 1:19) Gĩa na ũkirĩrĩria, na ũmuonie nĩ ũmwendete. O na angĩkorũo ũrĩa mũhikanĩtie nake ndakuonagia wendo na gĩtĩo ta ũrĩa wee ũmuonagia, korũo na ma atĩ Jehova nĩ arakenio nĩ wĩhokeku waku.—1Pe 2:19, 20.

WĨRORERE VIDEO YA JEHOVA NĨ ATŨHEAGA HINYA WA GŨKUUA MŨRIGO WITŨ ŨCOKE ŨCOKIE CIŨRIA ICI:

• Ũtũũro wa Grace Li wahaanaga atĩa kĩambĩrĩria-inĩ gĩa kĩhiko gĩake?

• Nĩ kĩĩ kĩamũgucĩrĩirie harĩ ũhoro wa ma?

• Mwarĩ wa Ithe witũ Li aakirĩrĩirie magerio atĩa thutha wa kũbatithio?

• Mwarĩ wa Ithe witũ Li aahoire atĩa igũrũ rĩgiĩ mũthuri wake?

• Nĩ irathimo irĩkũ Mwarĩ wa Ithe witũ Li akeneire nĩ ũndũ wa mĩthiĩre yake mĩtheru na gĩtĩo kĩnene?