ŨTŨŨRO WA GĨKRISTIANO

Nĩ Maũndũ Marĩkũ Ũngĩĩruta Kuumana na Akristiano Arĩa Marĩ na Ũmenyeru?

Thĩinĩ wa ciũngano citũ, nĩ kũrĩ andũ matungatĩire Jehova mĩaka mĩingĩ. No twĩrute kuumana na ũrĩa mehokaga Jehova biũ. No tũmeere matũtaarĩrie ũrĩa meyoneire ithondeka rĩa Jehova rĩgĩkũra, na ũrĩa Jehova amateithĩtie kũhiũrania na moritũ. O na no tũnyite ũgeni ũmwe wao hĩndĩ ya Ũthathaiya wa Famĩlĩ nĩguo atũtaarĩrie maũndũ marĩa eyoneire.

Angĩkorũo ũrĩ Mũkristiano ũrĩ na ũmenyeru, koragwo wĩhaarĩirie gũtaarĩria Akristiano arĩa ethĩ wĩtĩkio waku. Jakubu na Jusufu nĩ maataarĩirie njiarũa ciao maũndũ marĩa meeyoneire. (Kĩa 48:21, 22; 50:24, 25) Thutha-inĩ, Jehova nĩ eerire arĩa maatongoragia thĩinĩ wa famĩlĩ marutage ciana ciao ũhoro wĩgiĩ mawĩra make ma magegania. (Gũc 4:9, 10; Thb 78:4-7) Mahinda maya, aciari na andũ angĩ thĩinĩ wa kĩũngano no meere andũ ethĩ maũndũ mega marĩa monete Jehova akĩhingia kũgerera ithondeka rĩake.

WĨRORERE VIDEO YA GŨTŨŨRIA ŨRŨMWE O NA WĨRA WITŨ ŨGIRĨTIO, ŨCOKE ŨCOKIE CIŨRIA ICI:

Wabici ya rũhonge ya Austria yateithirie atĩa ariũ a Ithe witũ mabũrũri-inĩ mamwe kũrĩa wĩra witũ wagirĩtio?
Ariũ a Ithe witũ a mabũrũri macio meekire atĩa nĩguo matũũrie wĩtĩkio wao ũrĩ na hinya?
Nĩ kĩĩ gĩatũmire ahunjia aingĩ bũrũri-inĩ wa Romania meyeherie ithondeka-inĩ rĩa Jehova, na maacokire atĩa?
Maũndũ macio marekĩra wĩtĩkio waku hinya na njĩra ĩrĩkũ?

Mbica: Icunjĩ irutĩtwo video-inĩ ya ‘Gũtũũria Ũrũmwe o na Wĩra Witũ Ũgirĩtio.’ 1. Mapu ĩronania mabũrũri marĩa wĩra witũ wagirĩtio thĩinĩ wa Rũraya ya Irathĩro. 2. Macini ya gũcaba. 3. Ariũ a Ithe witũ a Romania makĩhĩmbanĩria. — Gĩa na mĩthithũ ya kĩĩroho kuuma kũrĩ Akristiano arĩa marĩ na ũmenyeru!