Jehova nĩ Agitagĩra Andũ Ake

Pasaka ya mbere yarĩ ihinda rĩa bata mũno. Ũtukũ ũcio, thutha wa Firauni kũmenya atĩ irigithathi rĩake nĩ rĩakuĩte, eerire Musa ũũ: “Thiĩi, umai kũrĩ andũ akwa, inyuĩ o hamwe na Aisiraeli arĩa angĩ. Thiĩi mũgatungatĩre Jehova, o ta ũrĩa mũroigĩte.” (Tham 12:31) Jehova nĩ oonanĩtie atĩ nĩ agitagĩra andũ ake.

Tũngĩrora historĩ ya andũ a Jehova a mahinda maya, nĩ tuonaga ũira wa atĩ Jehova no athiaga na mbere kũmatongoria na kũmagitĩra. Ũndũ ũcio nĩ wonanĩtio thĩinĩ wa museum ĩtagwo “Andũ Metanĩtio na Rĩĩtwa rĩa Jehova,” ĩrĩa ĩrĩ wabici-inĩ nene ya Aira a Jehova.

WĨRORERE VIDEO YA GŨCEERA MUSEUM CIA WARWICK: “ANDŨ METANĨTIO NA RĨĨTWA RĨA JEHOVA,” ŨCOKE ŨCOKIE CIŨRIA ICI:

• 

  Nĩ kĩĩ Arutwo a Bibilia maahũthĩrire kwambĩrĩria mwaka wa 1914 nĩguo mateithie andũ kũgĩa na wĩtĩkio harĩ Bibilia, na moimĩrĩro maarĩ marĩkũ?

• 

  Nĩ magerio marĩkũ moimĩrire mwaka wa 1916 na wa 1918, na nĩ ũndũ ũrĩkũ wonanirie atĩ Jehova nĩ aatongoragia ithondeka rĩake?

• 

  Andũ a Jehova marũmĩtie wĩtĩkio wao atĩa o na kũrĩ na ũkararia?

• 

  Nĩ ũtaũku ũrĩkũ mwerũ andũ a Jehova maamũkĩrire mwaka-inĩ wa 1935, na wamahutirie atĩa?

• Angĩkorũo nĩ ũceereire museum ĩno-rĩ, nĩ ũndũ ũrĩkũ woonire wekĩrire wĩtĩkio waku hinya atĩ Jehova nĩ aratongoria na akagitĩra andũ ake?