Kwagagĩria Ũtungata Witũ​—⁠Kũhunjia Kũndũ Kũrĩ na Kamera Kana Macini cia Kwaranĩria

ŨNDŨ ŨCIO NĨ WA BATA NĨKĨ?: Nĩ ũndũ wa tekinolonjĩ gũthiĩ na mbere na waganu kũingĩha, andũ thikũ ici nĩ marahũthĩra kamera kana macini cia kwaranĩria mĩciĩ-inĩ yao. No tũigue guoya tũkĩgeria kũhunjĩria mũndũ tũtarona no we nĩ aratuona. Maũndũ maya marũmĩrĩire nĩ megũtũteithia kũhunjia kũgerera kamera kana macini cia kwaranĩria tũrĩ na ũmĩrĩru.

ŨRĨA TŨNGĨKA ŨGUO:

• Koragwo na mawoni mega. Andũ aingĩ arĩa makoragwo mekĩrĩte kamera kana macini cia kwaranĩria mĩciĩ-inĩ yao no matũthikĩrĩrie

• Ririkana atĩ kamera imwe no ciambĩrĩrie kuoya video ũtanahihinya ngengere na mwene nyũmba no akorũo agĩkuona kana akĩigua ũrĩa ũrauga o na ũtakinyĩte kĩhingo-inĩ

• Mwene nyũmba ambĩrĩria kwaria kũgerera kamera kana macini ya kwaranĩria, aria ta mũronana nake ũthiũ kwa ũthiũ. Korũo ũrĩ mũcanjamũku o ta mũrĩ nake hau. Uga maũndũ o ta marĩa ũngĩamwĩra korũo nĩ akũhingũrĩra. Angĩkorũo harĩ na kamera ndũgakuhĩrĩrie ũthiũ waku harĩ yo mũno. Mwene nyũmba angĩaga kwaria ndũgatige ndũmĩrĩri

• Ririkana atĩ mwene nyũmba no athiĩ na mbere gũkuona kana gũkũigua o na thutha wa kũrĩkia kwaranĩria nake