Onaga Ũrata Waku na Jehova ũrĩ wa Bata

Aira a Jehova nĩ makoragwo na mweke wa mwanya. Tondũ tũrĩ Akristiano meyamũrĩire Jehova na makabatithio, nĩ twagĩrĩirũo gũthiĩ na mbere gũkorũo na ũrata wa hakuhĩ hamwe na Jehova Mwathani Ũrĩa Mũnene. Nĩ atũgucĩrĩirie harĩ we kũgerera harĩ Mũriũ. (Joh 6:44) Nĩ athikagĩrĩria mahoya maitũ.—Thb 34:15.

Tũngĩgitĩra atĩa ũrata witũ wa goro hamwe na Ngai? Ũndũ ũmwe nĩ gwĩthema gwĩka maũndũ moru ta ũrĩa Aisiraeli meekire. Ihinda inini thutha wa kũgĩa na kĩrĩkanĩro hamwe na Jehova, nĩ maathondekire njaũ ya thahabu na makĩĩingĩria ũhoi-inĩ wa mĩhianano. (Tham 32:7, 8; 1Ko 10:7, 11, 14) No twĩyũrie ũũ: ‘Njĩkaga atĩa rĩrĩa ndacemania na magerio? Hihi ciĩko ciakwa nĩ cionanagia atĩ nĩ nyonaga ũrata wakwa hamwe na Jehova ũrĩ wa bata?’ Wendo witũ mũnene harĩ Ithe witũ wa igũrũ nĩ ũrĩtũteithagia kũũrĩra maũndũ marĩa athũire.—Thb 97:10.

WĨRORERE VIDEO YA GITAGĨRA ŨRATA WAKU NA JEHOVA (KOL 3:5), ŨCOKE ŨCOKIE CIŨRIA ICI:

• Gũcumĩkĩra nĩ gwĩka atĩa?

• Twagĩrĩirũo kũregana na ũkoroku na ũhoi wa mĩhianano nĩkĩ?

• Ũtharia ũhutanĩtie atĩa na ũhoi wa mĩhianano?

• Nĩkĩ nĩ ũndũ wa bata harĩ arĩa mehokeirũo maũndũ kĩũngano-inĩ gwĩciria ũhoro wa mabataro ma ũrĩa mahikanĩtie nake?