ŨTŨŨRO WA GĨKRISTIANO
Andũ Ethĩ—Hihi Jehova Nĩwe Mũrata Wanyu Ũrĩa Mũnene?
Ũngĩenda mũrata waku akorũo na ngumo ta irĩkũ? No kũhoteke ũngĩenda akorũo na ngumo ta wĩhokeku, tha, na ũtaana. Jehova akoragwo na ngumo icio ciothe. (Tham 34:6; Atũ 14:17) Nĩ athikagĩrĩria rĩrĩa ũramũhoya. Nĩ akũheaga ũteithio rĩrĩa ũraũbatara. (Thb 18:19, 35) Nĩ akuohagĩra rĩrĩa wahĩtia. (1Joh 1:9) Hatarĩ nganja Jehova nĩ Mũrata mwega mũno!
Ũngĩka atĩa ũtuĩke mũrata wa Jehova? Wĩrute ũhoro wake na njĩra ya gũthoma Kiugo gĩake. Mũitũrũragĩre ngoro yaku. (Thb 62:8; 142:2) Onanagia atĩ nĩ ũtĩĩte maũndũ marĩa onaga marĩ ma bata ta, Mũrũ wake, Ũthamaki wake, na ciĩranĩro ciake cia ihinda rĩũkĩte. Ĩraga andũ arĩa angĩ ũhoro wake. (Gũc 32:3) Ũngĩgĩa ũrata wa hakuhĩ na Jehova, egũtũũra arĩ Mũrata waku tene na tene.—Thb 73:25, 26, 28.
WĨRORERE VIDEO YA ANDŨ ETHĨ—“CAMAI MUONE ATĨ JEHOVA NĨ MWEGA,” ŨCOKE ŨCOKIE CIŨRIA ICI:
Ũngĩĩhaarĩria atĩa nĩ ũndũ wa kwĩyamũrĩra Jehova na kũbatithio?
Andũ arĩa angĩ kĩũngano-inĩ mangĩgũteithia atĩa ũhote gũtungatĩra Jehova?
Ũtungata ũngĩĩkĩra ũrata waku na Jehova hinya atĩa?
Ũrata na Jehova no ũtũũre tene na tene!
Nĩ mĩeke ĩrĩkũ ya ũtungata ũngĩgĩa nayo?
Nĩ ũndũ ũrĩkũ ũgũkenagia wĩgiĩ Jehova?