Thuura Arata Aku na Ũũgĩ

Ũndũ ũrĩa wahaanĩkire harĩ Aisiraeli werũ-inĩ wa Moabi nĩ mũkaana harĩ Akristiano. (1Ko 10:6, 8, 11) Aisiraeli arĩa maambĩrĩirie kũnyitanĩra na atumia a Moabi arĩa meeingĩragia ngomanio-inĩ itagĩrĩire na makahoya mĩhianano, nĩ maaheenereirio na makĩingĩra mehia-inĩ maritũ. Ũndũ ũcio warĩ na maumĩrĩra moru mũno. (Nda 25:9) Tũthiũrũrũkĩirio nĩ andũ tũrutaga wĩra nao, andũ tũthomaga nao, andũ tũriganĩtie nao, andũ a famĩlĩ, na andũ tũyaine nao arĩa matathathayagia Jehova. Nĩ maũndũ marĩkũ tũngĩĩruta kuumana na rũgano rũrũ rwa Bibilia megiĩ ũgwati wa gũkorũo na ũrata wa hakuhĩ na andũ ta acio?

WĨRORERE GACUNJĨ KA VIDEO YA CIONERERIA CIA GŨTŨHE MŨKAANA MAHINDA MAYA, ŨCOKE ŨCOKIE CIŨRIA ICI:

• 

  Nĩ ciugo irĩkũ Zimuri na andũ angĩ meeraga Jamini cioonanirie atĩ maarĩ na mwĩcirĩrie mũũru?

• 

  Finehasi aateithirie Jamini atĩa gũkorũo na muonere ũrĩa wagĩrĩire?

• Nĩ ngũrani ĩrĩkũ ĩkoragwo ho gatagatĩ ga gwĩkĩra mũndũ ũtarĩ mwĩtĩkia maũndũ na njĩra ya ũrata na gũtuĩka mũrata wake?

• Twagĩrĩirũo kwĩmenyerera nĩkĩ rĩrĩa tũrathuura arata a hakuhĩ nginya kĩũngano-inĩ?

• Twagĩrĩirũo gwĩthema nĩkĩ gũkorũo ngurubu-inĩ imwe na andũ tũtoĩ nenda-inĩ cia ũkinyanĩria?