ŨTŨŨRO WA GĨKRISTIANO
Giragĩrĩria Merirĩria Maku
Tondũ tũrĩ andũ matarĩ akinyanĩru, no mũhaka tũikarage tũkĩĩrutanagĩria kũgirĩrĩria merirĩria maitũ. Tũngĩreka matũtongorie, no twage gwĩtĩkĩrĩka harĩ Jehova. Kwa ngerekano, andũ amwe nĩ metĩkĩragia merirĩria mao ma irio, nguo, na handũ ha gũikara matũme wendo wao harĩ Ngai ũnyihe. Angĩ mahingagia merirĩria mao ma ngomanio mategũtindanĩra na ithimi cia Ngai. (Ro 1:26, 27) Nao angĩ mekaga maũndũ moru nĩ ũndũ wa kũhatĩkwo nĩ andũ arĩa angĩ, nĩguo metĩkĩrĩke kana mendwo nĩo.—Tham 23:2.
Tũngĩgirĩrĩria merirĩria maitũ atĩa? No mũhaka twĩrutanĩrie kũiga meciria maitũ harĩ maũndũ ma kĩĩroho. (Mat 4:4) Ningĩ nĩ twagĩrĩirũo kũhoya Jehova atũteithie kũgirĩrĩria merirĩria maitũ. Nĩkĩ? Tondũ nĩ oĩ kĩrĩa gĩtwagĩrĩire biũ na nĩ oĩ ũrĩa angĩtũhingĩria merirĩria marĩa magĩrĩire.—Thb 145:16.
WĨRORERE VIDEO YA NDŨGETĨKĨRE ŨTŨŨRO WAKU ŨTHŨKIO NĨ THIGARA, ŨCOKE ŨCOKIE CIŨRIA ICI:
Andũ amwe manyuaga thigara nĩkĩ?
Kũnyua thigara kũngĩkorũo na maumĩrĩra marĩkũ harĩ wee?
Nĩkĩ nĩ ũũru kũnyua thigara cia kawainda kana kũnyua na kamacini?—2Ko 7:1
No ũhote kũregana na merirĩria ma kũnyua thigara!
Ũngĩregana atĩa kana ũtigane biũ na mũtugo wa kũnyua thigara?