Hihi nĩ Ũgeragia Gũkũũrana Ũrĩa Jehova Acokagia Mahoya Maku?

Bibilia ĩiyũire ngerekano nyingĩ cia mahoya maacokirio nĩ Jehova. Ndungata cia Ngai ciona ũrĩa Jehova aathikagĩrĩria mĩtangĩko yao na akamateithia, hatarĩ nganja wĩtĩkio wao nĩ wekagĩrũo hinya. Kwoguo nĩ ũndũ wa bata kũgwetagĩra Jehova maũndũ ĩmwe kwa ĩmwe mahoya-inĩ maitũ, tũcoke tũgerie gũkũũrana ũrĩa aramacokia. Ririkana atĩ macokio make no makorũo marĩ ngũrani na ũrĩa tũrahoete, kana makĩria ma ũrĩa tũrahoete. (2Ko 12:7-9; Ef 3:20) Nĩ maũndũ ta marĩkũ Jehova angĩtũhe marĩ macokio ma mahoya maitũ?

• Hinya wa mwĩrĩ, thayũ wa ngoro, kana wĩtĩkio wa kũhiũrania na thĩna mũna.​—Afi 4:13

• Ũũgĩ nĩguo tũhote gũtua matua mega.​—Jak 1:5

• Wendi na ũhoti wa gwĩka maũndũ.​—Afi 2:13

• Thayũ wa ngoro rĩrĩa tũratangĩka.​—Afi 4:6, 7

• Gũteithio kana gwĩkĩrũo ngoro nĩ andũ arĩa angĩ.​—1Joh 3:17, 18

• Ũteithio harĩ andũ arĩa tũrahoera.​—Atũ 12:5, 11

WĨRORERE VIDEO YA JEHOVA NĨ “MŨIGUA WA MAHOYA,” ŨCOKE ŨCOKIE CIŨRIA ICI:

• Rũgano rwa Mũrũ wa Ithe Witũ Shimizu rũngĩtwĩkĩra ngoro atĩa angĩkorũo tũtingĩhota kũhingia maũndũ maingĩ nĩ ũndũ wa mathĩna maitũ ma mwĩrĩ?

• Tũngĩĩgerekania atĩa na kĩonereria kĩa Mũrũ wa Ithe Witũ Shimizu?