ŨTŨŨRO WA GĨKRISTIANO
Ĩkĩra Hinya Wĩtĩkio Waku Harĩ Kiugo kĩa Ngai
Kiugo kĩa Ngai no kĩgarũre mĩtũũrĩre itũ. (Ahi 4:12) No nĩgetha tũgunĩke kuumana na ũtongoria na ũtaaro wakĩo, nĩ tũrabatara gũkorũo na ma atĩ nĩ “kiugo kĩa Ngai.” (1The 2:13) Tũngĩkĩra hinya atĩa wĩtĩkio witũ harĩ Bibilia?
Thomaga gĩcunjĩ kĩna kĩa Bibilia o mũthenya. Ũgĩthoma, roraga maũndũ marĩa maronania atĩ Jehova nĩwe wamĩandĩkithirie. Kwa ngerekano, thuthuria ũtaaro ũrĩa ũrĩ thĩinĩ wa ibuku rĩa Thimo, wone ũrĩa ũtũgunaga nginya mahinda-inĩ maya.—Thi 13:20; 14:30.
Ĩka ũthuthuria wĩgiĩ Bibilia. Wĩrutanĩrie kũmenya maũndũ marĩa maronania atĩ Bibilia ĩtongoretio nĩ roho wa Ngai. Thĩinĩ wa Ũteithio wa Ũthuthuria Harĩ Aira a Jehova, rora rungu rwa kĩongo “Bibilia” ũcoke ũrore rungu rwa “Yatongoririo nĩ Ngai.” Ningĩ no wĩkĩre wĩtĩkio waku hinya atĩ ndũmĩrĩri ya Bibilia ndĩcenjetie na njĩra ya gũthuthuria Ũhoro Muongerere A3 thĩinĩ wa Bibilia ya New World Translation.
WĨRORERE VIDEO YA KĨRĨA GĨTŨMAGA TWĨTĨKIE ATĨ . . . KIUGO KĨA NGAI NĨ KĨA MA, ŨCOKE ŨCOKIE CIŨRIA ICI:
Ũhoro ũrĩa wonekire rũthingo-inĩ rwa hekarũ ĩmwe ĩrĩ Karnak, Misiri, wonanagia atĩa atĩ Kiugo kĩa Ngai nĩ kĩa ma?
Tũmenyaga atĩa atĩ ndũmĩrĩri ya Bibilia ndĩcenjetie?
Maũndũ marĩa Bibilia ĩĩtirĩtie magũteithagia atĩa kũmenya atĩ nĩ Kiugo kĩa Ngai?—Thoma Isaia 40:8