SEPTEMBA 2-8

MŨTHITHŨ KUUMA KIUGO-INĨ KĨA NGAI

1. Onanagia Wendo nĩ Ũndũ wa Rĩĩtwa rĩa Jehova Itũũgĩru

(Ndag. 10)

Wĩthemage mĩtugo ĩrĩa ĩtatĩithagia Jehova (Thb 79:9; w17.02 9 kĩb. 5)

Kayagĩra rĩĩtwa rĩa Jehova (Thb 80:18; ijwbv 3 kĩb. 4-5)

Jehova nĩ arathimaga mũno arĩa monanagia atĩ nĩ mendete rĩĩtwa rĩake kũgerera wathĩki wao (Thb 81:13, 16)

Mũrũ wa Ithe witũ akĩhe mũndũ marutaga wĩra nake gakandi ka jw.org rĩrĩa mahurũkĩte. — Nĩguo mĩthiĩre itũ ĩgoocithie rĩĩtwa rĩa Jehova no mũhaka twĩmenyithanie atĩ tũrĩ Aira ake

2. Kũmaatha Maũndũ ma Bata Maandĩko-inĩ

(Ndag. 10)

Thb 80:1—Nĩ kĩĩ gĩatũmaga rĩmwe rĩĩtwa rĩa Jusufu rĩhũthĩrũo kũrũgamĩrĩra mĩhĩrĩga yothe ya Isiraeli? (it-2 111)

Macokio maku
Nĩ maũndũ marĩkũ ũronire thĩinĩ wa ũthomi wa Bibilia wa kiumia gĩkĩ ũngĩenda kũgweta?

Macokio maku

3. Ũthomi wa Bibilia

(Ndag. 4) Thb 79:1–80:7 (th ithomo rĩa 10)

WĨRUTANĨRIE BIŨ ŨTUNGATA-INĨ

4. Kwambĩrĩria Ndeereti

(Ndag. 1) NYŨMBA KWA NYŨMBA. Mũtaarĩrie ũhoro wa wĩruti wa Bibilia. (lmd ithomo rĩa 4 ũndũ wa 4)

5. Kwambĩrĩria Ndeereti

(Ndag. 3) KŨHUNJIA ŨRĨ MAŨNDŨ-INĨ MA O MŨTHENYA. Mũtaarĩrie ũhoro wa wĩruti wa Bibilia. (lmd ithomo rĩa 4 ũndũ wa 3)

6. Kwambĩrĩria Ndeereti

(Ndag. 2) MAHUNJIO MA KŨNDŨ KWA MŨINGĨ. Mũtaarĩrie ũhoro wa wĩruti wa Bibilia. (lmd ithomo rĩa 3 ũndũ wa 3)

7. Gũcokera Andũ

(Ndag. 5) NYŨMBA KWA NYŨMBA. Taarĩria ũhoro wa wĩruti wa Bibilia harĩ mũndũ ũrakenio nĩ ndũmĩrĩri itũ, no nĩ aaregete wĩruti wa Bibilia hau kabere. (lmd ithomo rĩa 8 ũndũ wa 3)

ŨTŨŨRO WA GĨKRISTIANO

8. “Nĩ Cikaamũra Rĩĩtwa Rĩakwa”

(Ndag. 15) Ndeereti hamwe na athikĩrĩria.

Shaitani aambĩrĩirie gũcambithia rĩĩtwa rĩa Jehova mũgũnda-inĩ wa Edeni. Kuuma hĩndĩ ĩyo, itua rĩrĩa rĩa bata mũno andũ othe na araika mangĩtua, nĩ kana nĩ megũtetera rĩĩtwa rĩa Jehova kana matigwĩka ũguo.

Ta wĩcirie ũhoro wa maheeni mamwe moru mũno Shaitani atheremetie megiĩ Jehova. Endaga kuonania atĩ Jehova nĩ mũtongoria mũũru na ũtarĩ wendo. (Kĩa 3:1-6; Ayu 4:18, 19) Augaga atĩ athathaiya a Jehova matimwendete. (Ayu 2:4, 5) O na nĩ atũmĩte andũ milioni nyingĩ metĩkie atĩ Jehova tiwe Mũũmbi wa thĩ ĩno thaka.—Ro 1:20, 21.

Maheeni macio matũmaga ũigue atĩa? No kũhoteke matũmaga wende gũtetera Jehova! Nĩ aamenyaga atĩ andũ ake nĩ mangĩkenda gũteithĩrĩria harĩ kwamũrũo kwa rĩĩtwa rĩake. (Ringithania na Isaia 29:23.) Ũngĩteithĩrĩria atĩa?

Teithia andũ angĩ mamenye na mende Jehova. (Joh 17:25, 26) Koragwo wĩhaarĩirie gũtaarĩria atĩ arĩ kuo na kũruta arĩa angĩ ngumo ciake cia magegania.—Isa 63:7
Enda Jehova na ngoro yaku yothe. (Mat 22:37, 38) Athĩkagĩra maathani ma Jehova, ti tondũ tu nĩ wonaga marĩ mega, no nĩ tondũ nĩ ũrenda gũtũma Jehova akene.—Thi 27:11

Mbica irĩ hamwe: Mbica kuuma video-inĩ ya “Wendo Ndũrĩ Hĩndĩ Ũthiraga O na Angĩkorũo . . . Ũrĩ Cukuru Kũrĩa Andũ Matatĩĩte Ithimi cia Ngai.” 1. Ariel aikarĩte thĩ, na kamwana kĩrathi-inĩ kĩao gakamuorota gakamũũria agaga kũhũũrĩra bendera tharuti nĩkĩ. 2. Akĩhũthĩra Bibilia na ithomo rĩa 61 rĩa ibuku rĩa “Maũndũ Marĩa Ũngĩĩruta Kuumana na Bibilia” gwĩka ũthuthuria. 3. Arũgamĩte mbere ya kĩrathi agĩtaarĩria wĩtĩkio wake. 4. Diego akĩheo thigara nĩ mũrutwo mathomaga nake. 5. Akĩhũthĩra tablet gwĩka ũthuthuria. 6. Akiuma cukuru akenete na arĩ na ũmĩrĩru.

Thaakai VIDEO ya Wendo Ndũrĩ Hĩndĩ Ũthiraga O na Angĩkorũo . . . Ũrĩ Cukuru Kũrĩa Andũ Matatĩĩte Ithimi cia Ngai. Ũcoke ũũrie athikĩrĩria ciũria ici:

Ariel na Diego maateteire rĩĩtwa rĩa Jehova atĩa?

Macokio maku
Nĩ kĩĩ kĩamekagĩra ngoro mende gũtetera rĩĩtwa rĩa Jehova?

Macokio maku
Ũngĩĩgerekania atĩa na kĩonereria kĩao?

Macokio maku

9. Wĩruti wa Bibilia wa Kĩũngano

(Ndag. 30) bt gĩc. 15 kĩb. 1-7 na ũhoro wa kwambĩrĩria wa gĩcigo gĩa 6