OKTOMBA 28–NOVEMBA 3

MŨTHITHŨ KUUMA KIUGO-INĨ KĨA NGAI

1. Nĩ Aririkanaga “Atĩ Tũrĩ o Rũkũngũ”

(Ndag. 10)

Tha cia Jehova nĩ itũmaga akorũo na ũigananĩru (Thb 103:8; w23.07 21 kĩb. 5)

Ndatũtiganagĩria rĩrĩa tweka mahĩtia (Thb 103:9, 10; w23.09 6-7 kĩb. 16-18)

Nderĩgagĩrĩra twĩke makĩria ma ũrĩa tũngĩhota (Thb 103:14; w23.05 26 kĩb. 2)

Mũthuri agĩthikĩrĩria mũtumia wake na kinyi rĩrĩa aramũitũrũrĩra ngoro yake.

WĨYŨRIE, ‘Hihi maũndũ marĩa njĩkagĩra mũthuri kana mũtumia wakwa nĩ monanagia atĩ ndĩ na ũigananĩru o ta Jehova?’

2. Kũmaatha Maũndũ ma Bata Maandĩko-inĩ

(Ndag. 10)

Thb 104:24—Mũhari ũyũ ũratũruta atĩa ũhoro-inĩ wĩgiĩ hinya wa Jehova wa kũũmba indo njerũ na cia mĩthemba ngũrani? (cl 55 kĩb. 18)

Macokio maku
Nĩ maũndũ marĩkũ ũronire thĩinĩ wa ũthomi wa Bibilia wa kiumia gĩkĩ ũngĩenda kũgweta?

Macokio maku

3. Ũthomi wa Bibilia

(Ndag. 4) Thb 104:1-24 (th ithomo rĩa 11)

WĨRUTANĨRIE BIŨ ŨTUNGATA-INĨ

4. Kwambĩrĩria Ndeereti

(Ndag. 3) MAHUNJIO MA KŨNDŨ KWA MŨINGĨ. (lmd ithomo rĩa 3 ũndũ wa 4)

5. Gũcokera Andũ

(Ndag. 4) NYŨMBA KWA NYŨMBA. Arĩrĩriai video ya Ambĩrĩria Kwĩruta Bibilia na mũndũ wetĩkĩrire wĩruti wa Bibilia. (th ithomo rĩa 9)

6. Mĩario

(Ndag. 5) lmd ũhoro muongerere wa A ũndũ wa 6—Kĩongo: No Mũhaka Mũthuri “Endage Mũtumia Wake o ta Ũrĩa Eyendete we Mwene.” (th ithomo rĩa 1)

ŨTŨŨRO WA GĨKRISTIANO

7. Hihi nĩ Ũĩ Maũndũ Marĩa Ũngĩhota Kũhingia na Marĩa Ũtangĩhota?

(Ndag. 15) Ndeereti hamwe na athikĩrĩria.

Kũhe Jehova kĩrĩa kĩega biũ nĩ kũmũkenagia, na gũgatũrehera gĩkeno. (Thb 73:28) O na kũrĩ ũguo, kũgeria gwĩka ũrĩa wothe tũngĩhota tũtegwĩciria ũhoro wa maũndũ marĩa tũtangĩhota no gũtũme tũtangĩke na tũkue ngoro.

Mwarĩ wa Ithe witũ mwĩthĩ ũrĩa wonanĩtio video-inĩ ya “No Tũhingie Maingĩ Tũngĩaga Kwĩrĩgĩrĩra Maũndũ Manene.”

Thaakai VIDEO YA NGEREKANO ya No Tũhingie Maingĩ Tũngĩaga Kwĩrĩgĩrĩra Maũndũ Manene. Ũcoke ũũrie athikĩrĩria ciũria ici:

Jehova erĩgagĩrĩra ũndũ ũrĩkũ kuuma kũrĩ ithuĩ? (Mik 6:8)

Macokio maku

Mbica kuuma video-inĩ ya “No Tũhingie Maingĩ Tũngĩaga Kwĩrĩgĩrĩra Maũndũ Manene. Mwarĩ wa Ithe witũ mwĩthĩ na mũrata wake magĩkĩra ngoro mũrutwo wa Bibilia marĩ mũkawa-inĩ.

Nĩ kĩĩ gĩateithirie mwarĩ wa Ithe witũ ũcio mwĩthĩ gũtiga gũtangĩka mũno ũhoro-inĩ wĩgiĩ gũkinyĩra muoroto wake?

Macokio maku

TŨNGĨMENYA ATĨA MAŨNDŨ MARĨA TŨNGĨHOTA NA MARĨA TŨTANGĨHOTA?

Wĩtheme kwĩringithanagia na arĩa angĩ. (Ga 6:4) Ndũkareke maũndũ marĩa arĩa angĩ mareka matongorie maũndũ marĩa ũreka kana ũreciria no ũhote gwĩka. Kwahoteka no ũhote gwĩka maũndũ maingĩ gũkĩra mũndũ mũrĩ a riika kana maũndũ manyu ma famĩlĩ mahanaine, kana ũremwo nĩ gwĩka maũndũ ta marĩa mũndũ ũcio angĩhota gwĩka
Ndũkareke guoya ũkũgirĩrĩrie kũgeria maũndũ meru. (Ro 12:1; 1Ko 7:31) Ndũgetigĩre kũgeria ũtungata mũna, ũrĩa hihi wonaga ũrĩ ũritũ gũkinyĩra kana hihi wĩciragia atĩ ndũngĩũkenera.—Mal 3:10
Geria kũmenya maũndũ marĩa ũngĩhota na njĩra ya kwĩigĩra mĩoroto ya ihinda inini. Kwa ngerekano, hihi no ũhote gũtungata ũrĩ painia wa hĩndĩ ciothe? Kwa ihinda rĩa mĩeri mĩnini-rĩ, hihi no ũgerie kuongerera mahinda marĩa ũhũthagĩra ũtungata-inĩ kana ũgerie gũtungata ũrĩ painia wa gũteithĩrĩria? Hihi no ũgerie gũtungata ũrĩ painia wa hĩndĩ ciothe kwa ihinda rĩa mwaka ũmwe? O na ũngĩona atĩ ndũkũhota gũtuĩka painia wa hĩndĩ ciothe kana gũthiĩ na mbere thutha wa gũtungata mwaka ũmwe, ũgũtũũra ũkenete nĩ ũndũ wa mĩoroto ĩyo mĩnini wahotire gũkinyĩra.—Koh 6:9
Koragwo wĩhaarĩirie kũgarũrĩra. Maũndũ maitũ nĩ macenjagia na ũndũ ũcio ũkahutia maũndũ marĩa tũngĩhota kũhingia. Kwoguo, ikaraga ũgĩthuthuragia mĩoroto yaku

8. Wĩruti wa Bibilia wa Kĩũngano

(Ndag. 30) bt gĩc. 17 kĩb. 8-12, gathandũkũ kar. 155