ŨTHUTHURIA INTANETI-INĨ
Ũthuthuria
INTANETI-INĨ
Gĩkũyũ
ũ
  • ĩ
  • ũ
  • BIBILIA
  • MABUKU
  • MĨCEMANIO
  • w20 Mĩĩ kar. 8-11
  • Athamaki Erĩ Mataraiguithania Ihinda-inĩ rĩa Mũthia

Hatirĩ video.

Tũrekere, nĩ hagĩa thĩna kũhingũra video ĩyo.

  • Athamaki Erĩ Mataraiguithania Ihinda-inĩ rĩa Mũthia
  • Mũrangĩri Yanagĩrĩra Ũthamaki wa Jehova (Wĩruti)—2020
  • Ũhoro Ũhaanaine
  • “Mũthamaki wa Mwena wa Rũgongo” Ihinda-inĩ rĩa Mũthia
    Mũrangĩri Yanagĩrĩra Ũthamaki wa Jehova (Wĩruti)—2020
  • Jehova nĩ Aguũragia ‘Maũndũ Marĩa Megwĩkĩka o Narua’
    Mũrangĩri Yanagĩrĩra Ũthamaki wa Jehova—2012
  • Nũũ “Mũthamaki wa Mwena wa Rũgongo” Mahinda-inĩ Maya?
    Mũrangĩri Yanagĩrĩra Ũthamaki wa Jehova (Wĩruti)—2020
  • Ibuku rĩa Kũguũrĩrio Riugaga Atĩa Igũrũ Rĩgiĩ Thũ cia Ngai?
    Mũrangĩri Yanagĩrĩra Ũthamaki wa Jehova (Wĩruti)—2022
Ona Makĩria
Mũrangĩri Yanagĩrĩra Ũthamaki wa Jehova (Wĩruti)—2020
w20 Mĩĩ kar. 8-11

Athamaki Erĩ Mataraiguithania Ihinda-inĩ rĩa Mũthia

Morathi mamwe thĩinĩ wa gathandũkũ gaka mangĩgeekĩka ihinda-inĩ rĩmwe. Morathi macio mothe maronania atĩ tũratũũra “ihinda rĩa mũthia.”​—Dan. 12:4.

Mũcoro ũronania morathi na nũ mũthamaki wa mwena wa rũgongo na mũthamaki wa mwena wa mũhuro kuuma mwaka wa 1870 nginya mahinda-inĩ maya.
  • Mũcoro wa 1, ũronania morathi marahinga ihinda-inĩ rĩmwe matukũ-inĩ ma mũthia kuuma mwaka wa 1870 nginya 1918. Matukũ ma mũthia maambĩrĩirie kuuma mwaka wa 1914. Ũrathi wa 1: Nyamũ ya gĩthaka ĩrĩ na ciongo mũgwanja ĩrĩa ĩronania ĩrĩ ya mbere gũkorũo kuo mũcoro-inĩ ũyũ. Hĩndĩ ya Mbaara ya Mbere ya Thĩ, kĩongo kĩa mũgwanja kĩa nyamũ ĩyo gĩkĩgurario. Kuuma mwaka wa 1917, kĩongo kĩu kĩa mũgwanja gĩkĩhona na nyamũ ĩyo ya gĩthaka ĩgĩcokereria. Ũrathi wa 2: Mũthamaki wa mwena wa rũgongo na mũthamaki wa mwena wa mũhuro kũmenyeka mwaka wa 1870. Njĩrĩmani gũtuĩka mũthamaki wa mwena wa rũgongo mwaka wa 1871. Kĩambĩrĩria-inĩ, mũthamaki wa mwena wa mũhuro aarĩ Ngeretha, no mwaka wa 1917 Thirikari ya Thĩ ya Ngeretha na Amerika ĩkoya ithenya rĩake. Ũrathi wa 3: Kwambĩrĩria mĩaka ya 1870, Charles T. Russell na arĩa maanyitanagĩra nake magĩtuĩka ‘mũtũmwo.’ Kĩambĩrĩria-inĩ kĩa mĩaka ya 1880, ‘Zion’s Watch Tower’ nĩ yekĩrire athomi ngoro mahunjie ũhoro ũrĩa mwega. Ũrathi wa 4: Magetha kwambĩrĩria kuuma mwaka wa 1914 gũthiĩ na mbere. Itindiĩ kwamũranio na ngano. Ũrathi wa 5: Kuuma 1917 gũthiĩ na mbere, gũkorũo kuo kwa makinya ma kĩgera na rĩũmba. Maũndũ mangĩ monanĩtio: Maũndũ marĩa meekĩkire thĩinĩ wa thĩ kuuma 1914 nginya 1918, Mbaara ya Mbere ya Thĩ. Maũndũ marĩa maahutirie andũ a Jehova: Kuuma 1914 nginya 1918, Arutwo a Bibilia thĩinĩ wa Ngeretha na Njĩrĩmani nĩ maaikirio njera. Mwaka wa 1918, ariũ a Ithe witũ a wabici nene thĩinĩ wa Amerika (US) nĩ maaikirio njera.
    Ũrathi wa 1.

    Maandĩko Kũg. 11:7; 12:13, 17; 13:1-8, 12

    Ũrathi “Nyamũ ya gĩthaka” nĩ ĩngĩgaathana thĩ kwa ihinda iraihu. Ihinda-inĩ rĩa mũthia, kĩongo kĩayo kĩa mũgwanja nĩ kĩngĩkaagurario. Thutha ũcio, kĩongo kĩu nĩ kĩngĩahonire na “thĩ yothe” ĩrũmĩrĩre nyamũ ĩyo. Shaitani ahũthagĩra nyamũ ĩyo ‘kũrũa mbaara na arĩa matigarĩte.’

    Kũhinga Thutha wa Mũiyũro, thirikari cia andũ iria ikararagia Jehova nĩ ciambĩrĩirie gwathana. Mĩaka makĩria ma 3,000 thutha ũcio hĩndĩ ya Mbaara ya Mbere ya Thĩ, thirikari ya Ngeretha ĩgĩthirũo nĩ hinya mũno. Yacokire ĩkĩgĩa na hinya rĩngĩ yanyitwo mbaru nĩ Amerika (US). Ihinda-inĩ rĩrĩ rĩa mũthia, Shaitani nĩ arahũthĩra thirikari cia thĩ kũnyarira andũ a Ngai.

  • Ũrathi wa 2.

    Rĩandĩko Dan. 11:25-45

    Ũrathi Mũthamaki wa mwena wa rũgongo na mũthamaki wa mwena wa mũhuro nĩ mangĩgokanĩrĩra ihinda-inĩ rĩa mũthia.

    Kũhinga Njĩrĩmani nĩ yarũire na Thirikari ya Ngeretha na Amerika. Mwaka-inĩ wa 1945, Soviet Union na arĩa maamĩnyitaga mbaru magĩtuĩka mũthamaki wa mwena wa rũgongo. Mwaka-inĩ wa 1991, Soviet Union ĩkĩgwa na thutha-inĩ Russia na arĩa mamĩnyitaga mbaru magĩtuĩka mũthamaki wa mwena wa rũgongo.

  • Ũrathi wa 3.

    Maandĩko Isa. 61:1; Mal. 3:1; Luk. 4:18

    Ũrathi Jehova nĩ angĩgatũma “mũtũmwo” wake nĩguo athondeke njĩra mbere ya Ũthamaki wa Kĩĩmesia ũhandĩtwo. Mũtũmwo ũcio nĩ angĩkahunjia “ũhoro mwega kũrĩ arĩa ahooreri.”

    Kũhinga Kuuma mwaka wa 1870, C. T. Russell na arĩa maanyitanagĩra nake nĩ maambĩrĩirie gũtaarĩria ũhoro wa ma ũrĩa ũrĩ thĩinĩ wa Bibilia marĩ na kĩyo. Mĩaka-inĩ ya 1880 makĩambĩrĩria gũtĩtĩrithia atĩ ndungata cia Ngai nĩ ciagĩrĩirũo kũhunjia. Nĩ maacabire icunjĩ ciarĩ na ciongo ta “Nĩ Kũrabatarania Ahunjia 1,000” na “Twamũrĩtwo Nĩguo Tũhunjie.”

  • Ũrathi wa 4.

    Rĩandĩko Mat. 13:24-30, 36-43

    Ũrathi Thũ nĩ ĩngĩkahanda itindiĩ mũgũnda-inĩ wa ngano na irekwo ikũranĩre, na itindiĩ rĩthiĩke ngano nginya hĩndĩ ya magetha rĩrĩa itindiĩ rĩngĩkamũranio na ngano.

    Kũhinga Kwambĩrĩria mwaka wa 1870, ngũrani gatagatĩ ga Akristiano a ma na Akristiano a maheeni nĩ yambĩrĩirie kuoneka wega. Ihinda-inĩ rĩa mũthia, Akristiano a ma nĩ mamũranĩtio na Akristiano a maheeni na magacokanĩrĩrio thĩinĩ wa kĩũngano.

  • Ũrathi wa 5.

    Rĩandĩko Dan. 2:31-33, 41-43

    Ũrathi Mũhianano ũthondeketwo na cuma cia mĩthemba ĩtiganĩte ũrĩ na makinya ma kĩgera na rĩũmba.

    Kũhinga Rĩũmba rĩrũgamĩrĩire andũ arĩa mathagwo nĩ Thirikari ya Thĩ ya Ngeretha na Amerika arĩa maikaraga magĩtetagia thirikari ĩyo. Nĩ ũndũ wa andũ acio, thirikari ĩyo ndĩngĩhota gwĩka maũndũ na hinya ta wa kĩgera.

  • Mũcoro wa 2, ũronania morathi marahinga ihinda-inĩ rĩmwe matukũ-inĩ ma mũthia kuuma 1919 nginya 1945. Njĩrĩmani gũkorũo ĩrĩ mũthamaki wa mwena wa rũgongo nginya mwaka wa 1945. Mũthamaki wa mwena wa mũhuro gũkorũo arĩ Thirikari ya Thĩ ya Ngeretha na Amerika. Ũrathi wa 6: Mwaka wa 1919, Akristiano aitĩrĩrie maguta nĩ maacokanĩrĩirio thĩinĩ wa kĩũngano kĩrĩa kĩambĩrĩirĩe rĩngĩ. Kuuma mwaka wa 1919, wĩra wa kũhunjia kuongerereka na gũthiĩ na mbere. Ũrathi wa 7: Mwaka wa 1920, Ngwatanĩro ya Mabũrũri nĩ yathondekirũo na ĩgĩthiĩ na mbere kũruta wĩra nginya hĩndĩ ya Mbaara ya Kerĩ ya Thĩ. Maũndũ mangĩ monanĩtio: Ũrathi wa 1, nyamũ ya gĩthaka ĩrĩ na ciongo mũgwanja gũthiĩ na mbere gwathana. Ũrathi wa 5, makinya ma kĩgera na rĩũmba gũthiĩ na mbere gwathana. Maũndũ marĩa meekĩkire thĩinĩ wa thĩ kuuma 1939 nginya 1945, Mbaara ya Kerĩ ya Thĩ. Maũndũ marĩa maahutirie andũ a Jehova: Kuuma mwaka wa 1939 nginya 1945, Aira a Jehova makĩria ma 11,000 nĩ moohirũo njera thĩinĩ wa Njĩrĩmani. Kuuma mwaka wa 1939 nginya 1945 hakuhĩ Aira a Jehova 1,600 nĩ moohirũo njera thĩinĩ wa Ngeretha. Kuuma mwaka wa 1940 nginya 1944 Aira a Jehova gũtharĩkĩrũo nĩ ikundi cia andũ makĩria ma maita 2,500 thĩinĩ wa Amerika (US).
    Ũrathi wa 6.

    Maandĩko Mat. 13:30; 24:14, 45; 28:19, 20

    Ũrathi Ngano nĩ ĩngĩgacokanĩrĩrio thĩinĩ wa ikũmbĩ, na “ngombo ĩrĩa njĩhokeku na njũgĩ” nĩ ĩngĩkamũrũo nĩguo ĩrũgamĩrĩre “andũ a nyũmba” ya mwathi wake. Wĩra wa kũhunjia ũhoro ũrĩa mwega wa Ũthamaki nĩ ũngĩkaambĩrĩria gũtherema thĩinĩ wa “thĩ yothe ĩrĩa ĩikaragwo.”

    Kũhinga Mwaka wa 1919, ngombo ĩrĩa njĩhokeku nĩ yamũrirũo nĩguo ĩrũgamĩrĩre andũ a Ngai. Kuuma hĩndĩ ĩyo, Arutwo a Bibilia nĩ moongereire kĩyo kĩao gĩa kũhunjia. Mahinda-inĩ maya, Aira a Jehova marahunjia thĩinĩ wa mabũrũri makĩria ma 200, na makaruta indo irĩ na ũhoro wa Bibilia na thiomi makĩria ma 1,000.

  • Ũrathi wa 7.

    Maandĩko Dan. 12:11; Kũg. 13:11, 14, 15

    Ũrathi Nyamũ ya gĩthaka ya hĩa igĩrĩ nĩ ĩngĩgaatongoria harĩ gũthondeka “mũhianano wa nyamũ ya gĩthaka” na nĩ ĩngĩkaahee “mũhianano ũcio . . . mĩhũmũ.”

    Kũhinga Thirikari ya Thĩ ya Ngeretha na Amerika nĩ yatongoririe harĩ gũthondeka Ngwatanĩro ya Mabũrũri. Ngwatanĩro ĩyo nĩ yanyitirũo mbaru nĩ mabũrũri mangĩ. Mũthia-inĩ mũthamaki wa mwena wa rũgongo o nake nĩ aaingĩrire thĩinĩ wa Ngwatanĩro ĩyo kuuma mwaka wa 1926 nginya 1933. Andũ meetĩkĩtie atĩ Ngwatanĩro ĩyo ya mabũrũri nĩ ĩngĩahotire kũrehe thayũ thĩinĩ wa thĩ, ũndũ ũrĩa no Ũthamaki wa Ngai tu ũngĩhota gwĩka. Ũguo noguo andũ makoragwo metĩkĩtie ũhoro-inĩ wĩgiĩ kĩama kĩa Ũrũmwe wa Mabũrũri.

  • Mũcoro wa 3, ũronania morathi maahingire ihinda-inĩ rĩmwe matukũ-inĩ ma mũthia kuuma mwaka wa 1945 nginya 1991. Mũthamaki wa mwena wa rũgongo gũkorũo arĩ Soviet Union na arĩa maamĩnyitaga mbaru nginya mwaka wa 1991, thutha ũcio Russia na arĩa mamĩnyitaga mbaru magĩtuĩka mũthamaki wa mwena wa rũgongo. Mũthamaki wa mwena wa mũhuro gũkorũo arĩ Thirikari ya Thĩ ya Ngeretha na Amerika. Ũrathi wa 8: Ndogo njirũ ĩrĩa yoimanire na gũtuthũka kwa mbomu ya atomu ĩkĩonania mwanangĩko mũnene ũrĩa warehirũo nĩ Thirikari ya Thĩ ya Ngeretha na Amerika. Ũrathi wa 9: Ũrũmwe wa Mabũrũri gũthondekwo mwaka wa 1945, ũrĩa wacokire ithenya rĩa Ngwatanĩro ya Mabũrũri. Maũndũ mangĩ monanĩtio: Ũrathi wa 1, nyamũ ya gĩthaka ĩrĩ na ciongo mũgwanja gũthiĩ na mbere gwathana. Ũrathi wa 5, makinya ma kĩgera na rĩũmba gũthiĩ na mbere gwathana. Ũrathi wa 6, mwaka wa 1945 kwarĩ na ahunjia makĩria ma 156,000. Mwaka wa 1991, kwarĩ na ahunjia makĩria ma 4,278,000. Maũndũ marĩa maahutirie andũ a Jehova: Hĩndĩ ya Soviet Union kuuma 1945 nginya mĩaka-inĩ ya 1950, Aira a Jehova ngiri nyingĩ nĩ maathamĩirio Siberia.
    Ũrathi wa 8.

    Rĩandĩko Dan. 8:23, 24

    Ũrathi Mũthamaki ũrĩ na gĩthiithi gĩa kũmakania nĩ ‘angĩkaananga na njĩra nene.’

    Kũhinga Thirikari ya Thĩ ya Ngeretha na Amerika nĩ ĩrehete mwanangĩko mũnene. Kwa ngerekano, hĩndĩ ya Mbaara ya Kerĩ ya Thĩ, bũrũri wa Amerika (US) nĩ wagũithirie mbomu igĩrĩ nene bũrũri-inĩ ũmwe warĩ thũ ya Ngeretha na Amerika. Mbomu icio nĩ ciarehire mwanangĩko mũnene gũkĩra matharaita mangĩ o mothe mbere ĩyo.

  • Ũrathi wa 9.

    Maandĩko Dan. 11:31; Kũg. 17:3, 7-11

    Ũrathi “Nyamũ ya gĩthaka ya rangi mũtune” ĩrĩ na hĩa ikũmi, o yo mũthamaki wa kanana nĩ ĩngĩkaambata kuuma irima-inĩ rĩtarĩ gĩturi. Ibuku rĩa Danieli rĩĩtaga mũthamaki ũcio “kĩndũ kĩrĩa kĩrĩ thahu kĩrehaga mwanangĩko.”

    Kũhinga Ngwatanĩro ya Mabũrũri nĩ yatigire kũruta wĩra hĩndĩ ya Mbaara ya Kerĩ ya Thĩ. Thutha wa mbaara ĩyo, kĩama kĩa Ũrũmwe wa Mabũrũri ‘gĩkĩrũgamio.’ Kĩama kĩu, o ta Ngwatanĩro ya Mabũrũri ĩrĩa yarĩ ho mbere yakĩo, nĩ kĩheagwo rũgooco rũrĩa rwagĩrĩirũo kũheo Ũthamaki wa Ngai. Kĩama kĩa Ũrũmwe wa Mabũrũri nĩ gĩgaatharĩkĩra ndini.

  • Mũcoro wa 4, ũronania morathi marahinga ihinda-inĩ rĩmwe matukũ-inĩ ma mũthia mahinda-inĩ maya maitũ nginya hĩndĩ ya Hari–​Magedoni. Mũthamaki wa mwena wa rũgongo gũkorũo arĩ Russia na arĩa mamĩnyitaga mbaru. Mũthamaki wa mwena wa mũhuro gũkorũo arĩ Thirikari ya Thĩ ya Ngeretha na Amerika. Ũrathi wa 10: Atongoria a thĩ kwanĩrĩra atĩ kũrĩ na ‘thayũ na ũgitĩri.’ Thutha ũcio thĩna mũnene ũkambĩrĩria. Ũrathi wa 11: Mabũrũri gũtharĩkĩra mathondeka ma ndini cia maheeni. Ũrathi wa 12: Thirikari cia thĩ gũtharĩkĩra andũ a Ngai. Aitĩrĩrie maguta arĩa matigarĩte gũthiĩ igũrũ. Ũrathi wa 13: Hari–​Magedoni. Ũrĩa ũikarĩire mbarathi ndune kũrĩkia ũhootani wake. Nyamũ ya gĩthaka ĩrĩ na ciongo mũgwanja kũniinwo; makinya ma kĩgera na rĩũmba ma mũhianano ũrĩa mũnene kwanangwo. Maũndũ mangĩ monanĩtio: Ũrathi wa 1, nyamũ ya gĩthaka ĩrĩ na ciongo mũgwanja gũthiĩ na mbere gwathana nginya hĩndĩ ya Hari–​Magedoni. Ũrathi wa 5, makinya ma kĩgera na rĩũmba gũthiĩ na mbere gwathana nginya hĩndĩ ya Hari–​Magedoni. Ũrathi wa 6, ũmũthĩ kũrĩ na ahunjia makĩria ma 8,580,000. Maũndũ marĩa maahutirie andũ a Jehova: Mwaka wa 2017, thirikari ya Russia nĩ yoohire Aira a Jehova njera na ĩkĩmatunya nyũmba cia wabici ya rũhonge.
    Ũrathi wa 10 na wa 11.

    Maandĩko 1 Thes. 5:3; Kũg. 17:16

    Ũrathi Mabũrũri nĩ mangĩkaanĩrĩra “thayũ na ũgitĩri,” na “hĩa icio ikũmi” na “nyamũ ya gĩthaka” nĩ ingĩgaatharĩkĩra “mũmaraya” na imũniine. Thutha ũcio, mabũrũri nĩ mangĩkaanangwo.

    Kũhinga Mabũrũri nĩ makoiga atĩ nĩ mahotete kũrehe thayũ na ũgitĩri. Thutha ũcio, mabũrũri marĩa manyitaga mbaru kĩama kĩa Ũrũmwe wa Mabũrũri nĩ makaananga ndini cia maheeni. Ũndũ ũcio nĩguo ũgaakorũo ũrĩ kĩambĩrĩria gĩa thĩna ũrĩa mũnene. Thĩna ũcio ũkaarĩkĩrĩra hĩndĩ ĩrĩa Jesu akaananga gĩcunjĩ kĩrĩa gĩgaakorũo gĩtigarĩte gĩa thĩ ĩno njũru ya Shaitani hĩndĩ ya Hari–Magedoni.

  • Ũrathi wa 12.

    Maandĩko Ezek. 38:11, 14-17; Mat. 24:31

    Ũrathi Gogu nĩ angĩgaatharĩkĩra bũrũri wa andũ a Ngai. Thutha ũcio araika nĩ mangĩgacokanĩrĩria “arĩa athuure.”

    Kũhinga Mũthamaki wa mwena wa rũgongo akĩnyitanĩra na thirikari iria ingĩ ciothe cia thĩ, nĩ agaatharĩkĩra andũ a Ngai. Ihinda rĩna thutha wa tharĩkĩro ĩyo kwambĩrĩria, Akristiano aitĩrĩrie maguta arĩa magaakorũo matigarĩte gũkũ thĩ nĩ magaacokanĩrĩrio matwarũo kũrĩa igũrũ.

  • Ũrathi wa 13.

    Maandĩko Ezek. 38:18-23; Dan. 2:34, 35, 44, 45; Kũg. 6:2; 16:14, 16; 17:14; 19:20

    Ũrathi Ũrĩa ‘waikarĩire mbarathi ya rangi mwerũ’ nĩ angĩkaarĩkia ‘ũhootani wake’ na njĩra ya kũniina Gogu na mbũtũ ciake. ‘Nyamũ ya gĩthaka’ nĩ ĩngĩgaikio thĩinĩ wa “iria rĩa mwaki,” na mũhianano ũrĩa mũnene ũmemendwo.

    Kũhinga Jesu arĩ we Mũthamaki wa Ũthamaki wa Ngai nĩ akaahonokia andũ a Ngai. Arĩ hamwe na arĩa 144,000 magaathana hamwe nake na araika ake nĩ akaananga ngwatanĩro ya mabũrũri. Ũcio nĩguo ũgaakorũo ũrĩ mũthia wa thĩ ĩno njũru ya Shaitani.

    Mabuku ma Gĩkũyũ (1991-2025)
    Uma
    Ingĩra
    • Gĩkũyũ
    • Tũma
    • Thondeka
    • Copyright © 2025 Watch Tower Bible and Tract Society of Pennsylvania
    • Mawatho ma Ũhũthĩri
    • Ũigi wa Hitho
    • Mpangilio wa Faragha
    • JW.ORG
    • Ingĩra
    Tũma