Hũthagĩra ‘Kĩheo Gĩaku gĩa Kĩĩroho’

Nĩ twĩkĩragwo ngoro rĩrĩa twahũthĩra mahinda hamwe na aarĩ na ariũ a Ithe witũ. No nĩguo twĩkĩrane ngoro, nĩ tũrabatara gwĩka ũndũ ũngĩ makĩria ma gũkorũo hamwe. Bibilia ĩkĩuga ũhoro wa “kĩheo gĩa kĩĩroho,” ĩkoragwo ĩkĩarĩrĩria ũhoti wa gwĩkĩrana hinya kĩĩroho mũndũ na ũrĩa ũngĩ. (Rom. 1:​11, 12) Tũngĩka ũguo atĩa?

Ĩkagĩra arĩa angĩ ngoro kũgerera ciugo ciaku. Kwa ngerekano rĩrĩa ũraruta macokio mĩcemanio-inĩ, erekagĩria meciria ma andũ harĩ Jehova, Kiugo gĩake na andũ ake, no ti harĩ wee mwene. Na mũkĩaria na Akristiano arĩa angĩ, no waragĩrĩrie nao maũndũ mangĩkĩra wĩtĩkio wao hinya.

Ĩkagĩra arĩa angĩ ngoro kũgerera ciĩko ciaku na matua maku. Kwa ngerekano, andũ amwe nĩ matuĩte itua rĩa gũthiĩ na mbere na ũtungata wa mahinda mothe o na magĩcemanagia na moritũ. Angĩ nao o na marĩ na mathĩna manene ma mwĩrĩ kana wĩra ũmohaga mũno, nĩ merutanagĩria gũthiĩ mũcemanio wa gatagatĩ-inĩ ga kiumia mategũtĩĩrĩria.

Hihi nĩ wĩkagĩra aarĩ na ariũ a Ithe witũ ngoro kũgerera ciugo na ciĩko ciaku? Na hihi nĩ wĩtĩkagĩra iheo ta icio cia kĩĩroho kuuma kũrĩ o?