Hihi Aira a Jehova nĩ Ndini ya Gĩprotestanti?
Aca. Aira a Jehova nĩ Akristiano, no tũtirĩ ndini ya Gĩprotestanti. Nĩkĩ hihi?
Gũtuĩkaga atĩ ndini cia Gĩprotestanti nĩ “ndini iria ireganaga na kanitha wa Gatoreki wa Roma.” O na gũtuĩka Aira a Jehova matiĩtĩkanagia na morutani ma Kanitha wa Gatoreki, ithuĩ tũtirĩ ndini ya Gĩprotestanti nĩ ũndũ wa itũmi ici:
Maũndũ mamwe marĩa ndini cia Gĩprotestanti ciĩtĩkĩtie matitwaranaga na ũrĩa Bibilia ĩrutanaga. Kwa ngerekano, Bibilia ĩrutanaga atĩ “kũrĩ Ngai ũmwe,” no ti atatũ thĩinĩ wa ũmwe. (1 Timotheo 2:5; Johana 14:28) Ningĩ nĩ ĩrutanaga atĩ Ngai aherithagia andũ aganu na njĩra ya kũmaniina tene na tene no ti kũmacina mwaki-inĩ wa icua.—Thaburi 37:9; 2 Athesalonike 1:9.
Tũtireganaga kana tũkageria gũcenjia Kanitha wa Gatoreki kana ndini ĩngĩ o yothe. Handũ ha ũguo, ithuĩ tũhunjagia ũhoro mwega wa Ũthamaki wa Ngai, tũkageria gũteithia andũ metĩkie ũhoro ũcio mwega. (Mathayo 24:14; 28:19, 20) Ũndũ ũrĩa twĩkĩrĩire ti gũcenjia ndini ingĩ, no nĩ kũruta andũ arĩa marĩ na ngoro njega ũhoro wa ma wĩgiĩ Ngai na Kiugo gĩake Bibilia.—Akolosai 1:9, 10; 2 Timotheo 2:24, 25.