Ithomo rĩa 15

Gũteithia Arĩa Angĩ Meke Wendi wa Ngai

Ũkwaga kwĩra arĩa angĩ ũhoro wa maũndũ marĩa ũreruta nĩkĩ? (1)

Nũũ ũngĩgwatanĩra nake ũhoro mwega? (2)

Mũthiĩre waku ũngĩgĩa na moimĩrĩro marĩkũ igũrũ rĩa arĩa

angĩ? (2)

Nĩ rĩ ũngĩhunjia hamwe na gĩkundi? (3)

1. Gũkinyagia rĩu-rĩ, nĩwĩrutĩte maũndũ maingĩ mega kuuma thĩinĩ wa Bibilia. Ũmenyo ũcio wagĩrĩirũo ũgũtongorie ũkũrie ũ-mũndũ wa Gĩkristiano. (Aefeso 4:22-24) Ũmenyo ũcio nĩ wa bata nĩguo ũgĩe na muoyo wa tene na tene. (Johana 17:3) O na kũrĩ ũguo-rĩ, arĩa angĩ o nao nĩmabatie kũigua ũhoro mwega nĩguo o nao mahote kũhonokio. No mũhaka Akristiano othe a ma marutĩre arĩa angĩ ũira. Ũcio nĩ watho wa Ngai.—Aroma 10:10; 1 Akorintho 9:16; 1 Timotheo 4:16.

2. No wambĩrĩrie kũgwatanĩra na arĩa magũkuhĩhĩirie maũndũ mega marĩa ũreruta. Ĩra famĩlĩ yaku, arata aku, arĩa mwĩ cukuru nao, na arĩa mũrutaga wĩra nao. Tuĩka mũtugi na mũkirĩrĩria rĩrĩa ũgwĩka ũguo. (2 Timotheo 2:24, 25) Ririkana atĩ maita maingĩ andũ maroraga mũthiĩre wa mũndũ makĩria gũkĩra gũthikĩrĩria ũrĩa aroiga. Kwoguo mũthiĩre waku mwega wahota kũgucĩrĩria arĩa angĩ mathikĩrĩrie ndũmĩrĩri ĩrĩa ũramera.—Mathayo 5:16; 1 Petero 3:1, 2, 16.

3. Marigĩrĩrio-inĩ-rĩ, hihi wahota kwagĩrĩra wambĩrĩrie kũhunjia hamwe na gĩkundi kĩa Aira a Jehova gĩa kwanyu. Rĩu nĩ ikinya rĩa bata thĩinĩ wa ũthii waku wa na mbere. (Mathayo 24:14) Kĩngĩkorũo kĩrĩ gĩkeno kĩrĩkũ ũngĩhota gũteithia mũndũ ũngĩ atuĩke ndungata ya Jehova na agĩe na muoyo wa tene na tene!—1 Athesalonike 2:19, 20.