Endanagai Kuuma Ngoro

1. Wendo uumaga na ngoro,

Nĩkĩo kĩhumo kĩa wendo;

Ũtũmaga tũcaĩre

Andũ arĩa angĩ.

Nĩ tũrĩmonagia wendo

Tũgĩe ngoro ta ya Ngai,

Tũtarĩ ũhinga twende

Na ciugo na ciĩko.

Nĩ tũteithagie andũ

Na tũkamekaga mawega,

Rĩrĩa mweke woneka,

Na tuonanie gĩtĩo.

Hĩndĩ ciothe tũtugane

Tũtikarore mahĩtia.

Tũkorũo twĩ ehokeku,

Na tũtũũrie ũrũmwe witũ wa bata mũno.

2. Wendo witũ woima ngoro,

Tũtikũiga marakara.

Na ariũ a Ithe witũ

Nĩ tũkũmehoka.

Tũkũgĩa arata ega,

Na tũkenagio nĩ andũ,

Tũgakena twagomana.

Tũgekĩrũo hinya.

Ithuothe nĩ twĩhagia,

Na tũgatuuria arĩa angĩ.

No nginya tuonagie tha

Arĩũ a Ithe witũ.

Tũtuĩke arata a ma,

Ũrata ũcio ũrũme.

Onanagia wendo wa ma

Na wĩgerekanagie na wendo ta wa Ngai.