Rwĩmbo Na. 127
Handũ Hetanĩtio na Rĩĩtwa Rĩaku
Rĩrĩa Icabe
(1 Maũndũ ma Matukũ ma Tene 29:16)
1. Nĩ gĩtĩo kĩnene Ngai,
Gũgwakĩra handũ haha!
Twakũrutĩra tũkenete
Hagoocithie rĩĩtwa rĩaku.
Indo iria tũkũheaga,
Ciarĩ ciaku kuuma tene.
Hinya witũ o naguo ũũgĩ,
Twakũhe kuuma ngoroinĩ.
(KORASI)
Tũrakũhe handũ haha,
Hetanio nawe Ngai.
Tũrakũhe handũ haha;
Twahoya hetĩkĩre.
2. Tũkwenda gũgũtĩa Baba,
Tũkũgooce Ngai witũ.
Riri waku ũroingĩha
Andũ aingĩ makũmenya.
Handũ haha ha gũthathaiya
Nĩ tũrĩharũmbũyagia,
Hatũũre harutaga ũira
Wa ũhoro ũrĩa mwega.
(KORASI)
Tũrakũhe handũ haha,
Hetanio nawe Ngai.
Tũrakũhe handũ haha;
Twahoya hetĩkĩre.
(Ningĩ rora 1 Ath. 8:18, 27; 1 Maũ. 29:11-14; Atũm. 20:24.)