Rwĩmbo Na. 60
Nĩ Arĩkũheaga Hinya
Rĩrĩa Icabe
1. Ngai nĩ akũrutire ũhoro wa ma,
Na agĩkuonia ũtheri wake.
Nĩ onire wendi waku wa kũmenya,
Na wa gũkenagia ngoro yake.
Wamũhoya nĩ agũteithirie,
O na rĩu no egũgũteithia.
(KORASI)
Thakame ya mũrũwe nĩ yakũgũrire.
Nĩ arĩgũteithagia, agakũhe hinya,
Na agũtongoragie na akũgitĩre.
Nĩ arĩgũteithagia, agakũhe hinya.
2. Ngai nĩ arekirie Jesu Kristo akue,
Kwoguo nĩ endaga wee ũgaacĩre.
Angĩkorũo nĩ arutire mũrũ wake,
Gũtirĩ hĩndĩ angĩgũtiga.
Kĩyo gĩaku gĩothe nĩ akĩonaga,
Hĩndĩ ciothe nĩ arĩgũteithagia.
(KORASI)
Thakame ya mũrũwe nĩ yakũgũrire.
Nĩ arĩgũteithagia, agakũhe hinya,
Na agũtongoragie na akũgitĩre.
Nĩ arĩgũteithagia, agakũhe hinya.
(Ningĩ rora Rom. 8:32; 14:8, 9; Ahib. 6:10; 1 Pet. 2:9.)