Wonaga Ihinda Rĩũkĩte ta Rĩgakorũo Rĩhaana Atĩa?

ŨRĨA BIBILIA YUGAGA

“Ngai . . . nĩ ekũmagiria maithori mothe mathire maitho-inĩ mao, na gĩkuũ gĩtigaacoka gũkorũo kuo rĩngĩ, o na gũcakaya kana kĩrĩro kana ruo. Maũndũ marĩa ma tene nĩ mathiru.”—Kũguũrĩrio 21:3, 4, New World Translation in Kikuyu.

ŨRĨA ŨNDŨ ŨCIO ŨNGĨGŨTEITHIA

Wĩra mwega wa gũtũma ũiganĩre.​—Isaia 65:21-23.

Mĩrimũ na mĩnyamaro o yothe nĩ ĩgaathira.​—Isaia 25:8; 33:24.

Ũtũũro wĩna gĩkeno na ũtagaathira hamwe na andũ a famĩlĩ na arata.​—Thaburi 37:11, 29.

HIHI KŨNA NO TWĨTĨKIE ŨRĨA BIBILIA YUGAGA?

Ĩĩ, nĩ ũndũ wa itũmi itanyihĩire igĩrĩ:

• Ngai arĩ na ũhoti wa kũhingia kĩĩranĩro kĩu. Thĩinĩ wa Bibilia no Jehova Ngai wiki tu wĩtagwo “Mwene-Hinya-Wothe,” tondũ arĩ ũhoti ũtarĩ gĩthimi. (Kũguũrĩrio 15:3) Kwoguo no ahote biũ kũhingia kĩĩranĩro gĩake kĩgiĩ kũgarũra thĩ nĩguo yagĩre. O ta ũrĩa Bibilia yugaga, “harĩ Ngai maũndũ mothe no mahoteke.”—Mathayo 19:26.

• Ngai nĩ eriragĩria kũhingia ciĩranĩro ciake. Kwa ngerekano, Jehova nĩ eriragĩria kũriũkia andũ arĩa makuĩte.—Ayubu 14:14, 15.

  Ningĩ Bibilia nĩ yonanagia atĩ Mũrũ wa Ngai, Jesu, nĩ aahonirie arĩa arwaru. Eekire ũguo nĩkĩ? Tondũ nĩ eendaga. (Mariko 1:40, 41) Jesu nĩ eegerekanirie na Ithe biũ na njĩra ya kwĩrirĩria gũteithia arĩa maabataraga ũteithio.—Johana 14:9.

  Kwoguo no tũkorũo na ũũma atĩ Jehova na Jesu nĩ marenda gũtũteithia nĩguo tũgaakenera ũtũũro wa thutha-inĩ!—Thaburi 72:12-14; 145:16; 2 Petero 3:9.