Ũhoro Kũrĩ Arĩa Mokĩte Kĩgomano-inĩ

MĨCEMANIO YA MWANYA

MĨCEMANIO YA MWANYA ŨTUNGATA WA BETHELI Ahunjia arĩa abatithie na matakĩrĩtie mĩaka 35 na no mende gũtungata Betheli magĩrĩirũo gũthiĩ mũcemanio wa arĩa mangĩenda gũtungata Betheli ũrĩa ũgeekwo mũthenya wa Njumaa thutha wa mĩaraho. Thaa na harĩa mũcemanio ũcio ũgeekĩrũo nĩ ikaamenyithanio.

CUKURU YA AHUNJIA A ŨTHAMAKI Mapainia arĩa marĩ gatagatĩ ka mĩaka 23 nginya 65 arĩa mangĩenda kwandandũra ũtungata wao nĩ maranyitwo ũgeni mũcemanio-inĩ wa arĩa mangĩenda gũthiĩ Cukuru ya Ahunjia a Ũthamaki ũrĩa ũgeekwo mũthenya wa Kiumia thutha wa mĩaraho. Thaa na harĩa mũcemanio ũcio ũgeekĩrũo nĩ ikaamenyithanio.

ŨHORO KŨRĨ ARĨA MOKĨTE KĨGOMANO-INĨ

ANYITANI ŨGENI Wĩra wa anyitani ũgeni nĩ gũgũteithĩrĩria. Tũgũkũũria wĩtĩkĩre ũtongoria wao na njĩra ya gwĩka ũrĩa marakwĩra igũrũ rĩgiĩ harĩa ũkũiga ngari yaku, harĩa ũkũingĩrĩra kana kuumĩra, kũigĩra arĩa angĩ itĩ, na maũndũ mangĩ.

KŨBATITHIO Itĩ cia arĩa mekũbatithio igakorũo ingʼethanĩire na mwaria o tiga kwanĩrĩirũo ũndũ ũngĩ. Arĩa mekũbatithio magĩrĩirũo gũgakorũo maikarĩte thĩ hau, mbere ya mĩario ya kũbatithio kwambĩrĩria mũthenya wa Njuuma rũcinĩ. O mũndũ agĩrĩirũo gũka na taurũ na nguo ciagĩrĩire cia kũbatithio nacio.

MĨHOTHI Nĩ kũhũthĩkĩte mbeca nyingĩ nĩguo gũkorũo na itĩ cia kũigana, mũtambo wa gũkinyĩria andũ ũhoro, mĩtambo ya video, na maũndũ mangĩ maingĩ marĩa maratũhotithia gũkenera kĩgomano gĩkĩ nĩguo tũkuhĩrĩrie Jehova makĩria. Mĩhothi yaku ya kwĩyendera nĩ ĩteithagĩrĩria kũrĩhĩra maũndũ macio na ningĩ ĩgateithĩrĩria wĩra wa kũhunjia wa thĩ yothe. Kũrĩ na mathandũkũ ma mĩhothi maigĩtwo kũndũ kũingĩ kĩgomano-inĩ gĩkĩ nĩ ũndũ wa mũndũ ũngĩenda kũhotha. Mĩhothi yothe nĩ ĩkwamũkĩrũo na ngatho nyingĩ. Kĩama Kĩrĩa Gĩtongoragia nĩ kĩramũcokeria ngatho nĩ ũndũ wa kũnyita mbaru na ngoro yothe maũndũ ma Ũthamaki.

ŨTEITHIO WA MBERE Ririkana atĩ ũteithio ũyũ nĩ wa gũteithĩrĩria o arĩa mangĩnyitwo nĩ ŨNDŨ ŨTERĨGĨRĨIRWO.

INDO IRIA CIŨRĨTE NA IKONEKA Indo ciothe ciũrĩte na ikoneka ciagĩrĩirũo gũtwarũo rũhonge-inĩ rwa Indo Iria Ciũrĩte na Ikoneka. Ũngĩkorũo nĩ ũtete kĩndũ-rĩ, thiĩ ũrore kana nĩ gĩtwarĩtwo rũhonge-inĩ rũu. Ũngĩona mwana ũũrĩte na gũtiramenyeka harĩa aciari ake marĩ, mũtware rũhonge-inĩ rũu. No rĩrĩ, rũhonge rũu rũtiagĩrĩire kuonwo ta arĩ handũ ha gũtiga ciana. Menyerera ciana ciaku, na ũikare nacio hĩndĩ ciothe.

KŨIGA ITĨ Tũgũkũũria wĩcirie ũhoro wa andũ arĩa angĩ. Ririkana atĩ andũ arĩa mũrathiĩ nao ngari ĩmwe, arĩa mũraikara nao, arĩa ũreruta nao Bibilia, kana andũ a hakuhĩ a famĩlĩ no o tu ũngĩigĩra gĩtĩ. Ndũkaigĩrĩre indo itĩ-inĩ angĩkorũo ti kũigĩra ũraigĩra andũ angĩ itĩ icio.

KWĨRUTĨRA Angĩkorũo nĩ ũrenda gũteithia wĩra o wothe thĩinĩ wa kĩgomano, tũgũkũria ũthiĩ harĩ Rũhonge rwa Ũhoro na Wĩra wa Kwĩrutĩra.