Gũtaũkĩrũo nĩ Morathi ma Ezekieli

GŨTAARĨRIA—ŨRATHI NĨ KĨĨ?

Thĩinĩ wa Bibilia, kiugo gĩa Kĩhibirania na·vaʼʹ, kĩrĩa gĩtaũragwo “ũrathi,” kaingĩ gĩkoragwo gĩkĩaria ũhoro wa kũmenyithania ndũmĩrĩri ĩtongoretio nĩ roho, ituĩro, ũrutani, kana rĩathani kuuma kũrĩ Ngai. Ningĩ no gĩkorũo gĩkĩaria ũhoro wa kũmenyithania ndũmĩrĩri ya Ngai ĩgiĩ ũndũ wa ihinda rĩũkĩte. Morathi ma Ezekieli mahutĩtie maũndũ macio mothe kuuma kũrĩ Ngai.—Ezek. 3:10, 11; 11:4-8; 14:6, 7; 37:9, 10; 38:1-4.

NJĨRA CIA GŨKINYIA NDŨMĨRĨRI

• 

  CIONEKI

• 

  NGEREKANO

• 

  MĨTHAAKO YA KUONERERIA

Ibuku rĩa Ezekieli rĩkoragwo na cioneki, ngerekano, na mĩthaako ya kuonereria ĩgiĩ ndũmĩrĩri cia ũrathi.

KŨHINGA

Rĩmwe na rĩmwe morathi marĩa maarathĩtwo nĩ Ezekieli mahingaga makĩria ma riita rĩmwe. Kwa ngerekano, morathi megiĩ gũcokio maahingire na njĩra nini rĩrĩa andũ a Ngai maacokire Bũrũri wa Kĩĩranĩro. No o ta ũrĩa Gĩcunjĩ gĩa 9 kĩa ibuku rĩrĩ kĩonanĩtie, morathi maingĩ harĩ macio ma gũcokio nĩ marahinga ũmũthĩ na nĩ makaahinga rĩngĩ ihinda rĩũkĩte.

Mahinda mahĩtũku, mabuku maitũ moonanagia maũndũ mamwe marĩa marĩ thĩinĩ wa morathi ma Ezekieli marĩ kĩĩruru kĩa ũndũ ũngĩ ũgooka. No ibuku rĩrĩ rĩtitaarĩirie mũndũ, kĩndũ, handũ, kana ũndũ o wothe ũrĩ kĩĩruru kĩa ũndũ ũrahinga mahinda-inĩ maya o tiga harĩa harĩ na mũthingi wa Kĩĩmandĩko wa gwĩka ũguo.a Handũ ha ũguo, rĩonanĩtie kũhinga na njĩra nene kwa morathi maingĩ ma Ezekieli. Ningĩ nĩ rĩgũtaarĩria maũndũ marĩa tũngĩĩruta kuumana na ndũmĩrĩri ya Ezekieli, o hamwe na andũ, kũndũ, na maũndũ marĩa agwetete.