Ezekieli—Ũtũũro Wake na Mahinda Marĩa Aatũũraga

Rĩĩtwa Ezekieli riugĩte “Ngai nĩ Ekagĩra Hinya.” O na gũtuĩka morathi marĩa aarathire makoragwo na mĩkaana mĩingĩ, ndũmĩrĩri ĩrĩa nene ya morathi macio nĩ ĩtwaranaga na ũrĩa rĩĩtwa rĩake riugĩte na nĩ ĩĩkĩraga hinya wĩtĩkio wa arĩa mendaga kũhe Ngai ũthathaiya mũtheru.

ANABII ARĨA MAATUURIRE IHINDA RĨMWE NAKE

• 

  JEREMIA,

  ooimĩte famĩlĩ-inĩ ya athĩnjĩri-Ngai, na aatungataga mũno thĩinĩ wa Jerusalemu (647-580 M.M.M.)

• 

  HULIDA

  aatungataga ihinda-inĩ rĩrĩa ibuku rĩa Watho rĩoonekire hekarũ-inĩ kĩndũ mwaka wa 642 M.M.M.

• 

  DANIELI,

  aarĩ wa mũhĩrĩga wa athamaki wa Juda, na aatwarirũo Babuloni mwaka wa 617 M.M.M.

• 

  HABAKUKU

  no kũhoteke aatungataga thĩinĩ wa Juda kĩambĩrĩria-inĩ kĩa wathani wa Jehoiakimu

• 

  OBADIA

  aarathire igũrũ rĩgiĩ Edomu, hihi ihinda-inĩ rĩrĩa Jerusalemu yaanangagwo

MAARATHIRE IHINDA-INĨ RĨRĨKŨ? (MĨAKA YOTHE NĨ YA M.M.M.)

MAŨNDŨ MA MWANYA MEEKĨKIRE IHINDA-INĨ RĨRĨA EZEKIELI AATŨŨRAGA(MĨAKA YOTHE NĨ YA M.M.M.)

1. ta 643: Gũciarũo

2. 617: Gũtwarũo ithamĩrio Babuloni

3. 613: Kwambĩrĩria kũratha; kuona cioneki cia Jehova

4. 612: Kuona kĩoneki kĩgiĩ ũregenyũki hekarũ-inĩ

5. 611: Kwambĩrĩria ũrathi wa gũũkĩrĩra Jerusalemu

6. 609: Mũtumia wake gũkua na kũrigicĩrio kwa mũthia kwa Jerusalemu kwambĩrĩria

7. 607: Kwĩrũo atĩ Jerusalemu nĩ yanangĩtwo

8. 593: Kuona kĩoneki kĩgiĩ hekarũ

9. 591: Kũratha atĩ Nebukadineza nĩ agookĩrĩra Misiri; kũrĩkia kwandĩka

ATHAMAKI A JUDA NA BABULONI

1. 659-629: Josia gũcokia ũthathaiya mũtheru no agĩkuĩra mbaara-inĩ akĩrũa na Firauni Neko

2. 628: Jehoahazu gwathana ũũru ihinda rĩa mĩeri ĩtatũ na agĩtahwo nĩ Firauni Neko

3. 628-618: Jehoiakimu aarĩ mũthamaki mũũru na aatuirũo mũtongoria rungu rwa Firauni Neko

4. 625: Nebukadineza kũhoota mbũtũ ya Misiri

5. 620: Nebukadineza gũũkĩrĩra Juda riita rĩa mbere na agĩtua Jehoiakimu mũtongoria wa Jerusalemu arĩ rungu rwake

6. 618: Jehoiakimu kũremera Nebukadineza no agĩkua hihi ihinda-inĩ rĩrĩa Ababuloni maatharĩkĩire Bũrũri wa Kĩĩranĩro riita rĩa kerĩ

7. 617: Jehoiakini, o we wetagwo Jekonia, aarĩ mũthamaki mũũru na aathanire ihinda rĩa mĩeri ĩtatũ agĩcoka akĩĩneana kũrĩ Nebukadineza

8. 617-607: Zedekia, mũthamaki mũũru na wetigĩrĩte andũ, gũtuwo mũtongoria wa gwathana rungu rwa Nebukadineza

9. 609: Zedekia kũremera Nebukadineza, na thutha ũcio Nebukadineza agĩtharĩkĩra Juda riita rĩa gatatũ

10. 607: Nebukadineza kwananga Jerusalemu, akĩnyita Zedekia, akĩmũtumumaria, na akĩmũtwara Babuloni