ITHOMO RĨA 18

Ũhoro Ũkũguna Athikĩrĩria Aku

1 Akorintho 9:19-23

NA NJĨRA NGUHĨ: Rurumũra meciria ma athikĩrĩria aku, nĩguo maigue atĩ nĩ meruta ũndũ wa bata.

Wĩcirie nĩ maũndũ marĩkũ athikĩrĩria aku moĩ. Handũ ha gũcokera o maũndũ marĩa manaigua, mateithie mone ũhoro ũcio na njĩra ngũrani.

Aria na ihenya ũkĩarĩrĩria maũndũ marĩa moĩkaine, no warie kahora ũkĩarĩrĩria maũndũ merũ.
Ĩka ũthuthuria na wĩcũranie. Kũngĩhoteka, hũthĩra nginya maũndũ ma ma marĩa matoĩkaine wega kana maũndũ ma ica ikuhĩ ũgĩtaarĩria maũndũ marĩa manene. Wĩcirie na njĩra ndikĩru ũhoro ũrĩa ũkwarĩrĩria na ũkuruhanu ũrĩa ũrĩ ho gatagatĩ ka ũhoro ũcio na maũndũ macio ma ma ũrabanga kũhũthĩra.

Ũgĩthuthuria ũhoro ũcio ũkwarĩrĩria, rurumũra meciria maku na njĩra ya kwĩyũria ciũria ta ‘nĩ kĩĩ, nĩkĩ, nĩ rĩ, nĩ kũ, nũũ, na atĩa.’ Ĩkĩra ũrutani waku cama na njĩra ya kũũria ciũria imwe cia icio na gũcicokia ũkĩarĩrĩria ũhoro waku.
Onania ũguni wa ndũmĩrĩri yaku. Taarĩria ũrĩa maũndũ ma Kĩĩmandĩko mangĩteithia athikĩrĩria aku ũtũũro-inĩ wao wa o mũthenya. Arĩrĩria maũndũ, mĩerekera, na ciĩko iria ingĩguna athikĩrĩria aku