Ũcamba

Ũrĩa Jesu Eekire

VIDEO: Jesu Kũhunjĩria Zakayo

1. Wĩrorere VIDEO ĩno, kana ũthome Luka 19:​1-7. Ũcoke ũcokie ciũria ici:

1. Nĩ kĩĩ kĩngĩatũmire andũ amwe metheme Zakayo?

2. O na kũrĩ ũguo-rĩ, nĩ kĩĩ gĩatindĩkire Jesu kũmũhunjĩria ũhoro ũrĩa mwega?

Tũreruta Atĩa na Jesu?

2. Nĩ tũbataraga ũcamba nĩguo tũhunjĩrie andũ othe ndũmĩrĩri ya Ũthamaki.

Wĩgerekanie na Jesu

3. Wĩhokage Jehova. Roho wa Ngai nĩ wateithirie Jesu kũhunjia, na o nawe no ũgũteithie. (Mat. 10:​19, 20; Luk. 4:18) Hoya Jehova akũheage ũcamba wa kũhunjĩria andũ arĩa wĩtigagĩra.—Atũm. 4:29.

4. Ndũkahiũhe gũtuĩra andũ. No tũigue tũtekwenda kwaria na andũ nĩ ũndũ wa ũrĩa maroneka mahaana, igweta, ũhoti wao wa kĩĩmbeca, ũtũũro wao, kana wĩtĩkio wao. No ririkana:

1. Jehova na Jesu no mahote gũthoma ngoro no ithuĩ tũtingĩhota.

2. Gũtirĩ mũndũ ũtangĩiguĩrũo tha nĩ Jehova.

5. Korũo na ũcamba ĩndĩ ũhũthĩre ũtaũku na wĩmenyerere. (Mat. 10:16) Wĩtheme ngarari. No ũniine ndeereti na njĩra ya ũhooreri angĩkorũo mũndũ ndarenda gũthikĩrĩria ũhoro ũrĩa mwega kana ũngĩona wĩ ũgwati-inĩ.—Thim. 17:14.