Macokio ma Ciũria cia Bibilia

Hihi Ngai atariĩ atĩa?

Ngai akoragwo na mwĩrĩ wa kĩĩroho. Nĩwe wombire igũrũ, thĩ, na indo ciothe iria irĩ muoyo. Ngai ti kũũmbwo ombirũo, na kwoguo ndarĩ kĩambĩrĩria. (Thaburi 90:2) Ngai endaga andũ mamũrongoragie na mamenye ma ĩrĩa ĩmwĩgiĩ.​—Thoma Atũmwo 17:24-27.

Ngai nĩ arĩ rĩĩtwa, na no tũgĩe ũrata nake. Gwĩcũũrania igũrũ rĩgiĩ indo iria ombĩte, no gũtũteithie kũmenya ngumo imwe ciake. (Aroma 1:20) No nĩguo tũmenye Ngai wega, tũrabatara kwĩruta Kiugo gĩake, Bibilia. Nĩ gĩtũmenyithagia ũhoro wĩgiĩ ngumo ciake njega.​—Thoma Thaburi 103:7-10.

Ngai aiguaga atĩa igũrũ rĩgiĩ wagi wa kĩhooto?

Mũũmbi witũ Jehova, nĩ athũire wagi wa kĩhooto. Ningĩ ombire andũ na mũhianĩre wake. (Gũcokerithia Maathani 25:16) Nĩkĩo aingĩ aitũ tũthũire wagi wa kĩhooto. Ngai tiwe ũrehaga maũndũ marĩa tuonaga matarĩ ma kĩhooto. Nĩ aheete Andũ wĩyathi wa gwĩthuurĩra wega na ũũru, no ũndũ wa kĩeha nĩ atĩ, aingĩ nĩ maũhũthagĩra ũũru mageka maũndũ matarĩ ma kĩhooto. Ũndũ ũcio nĩ ũiguithagia Jehova “ũũru ngoro.”​—Thoma Kĩambĩrĩria 6:5, 6; Gũcokerithia Maathani 32:4, 5.

Jehova nĩ endete kĩhooto, na kwoguo ndegũtũũra arekereirie wagi wa kĩhooto. (Thaburi 37:28, 29) Bibilia nĩ ĩranĩire atĩ, ica ikuhĩ Ngai nĩ arĩniina wagi wothe wa kĩhooto.​—Thoma 2 Petero 3:7-9, 13.