Bibilia Yugaga Atĩa?

Hari–Magedoni nĩ kĩĩ?

Andũ amwe metĩkĩtie . . .

atĩ ĩgaakorũo ĩrĩ mbaara ya kwananga thĩ yothe na mbomu cia niukilia kana kwanangwo kwa indo iria itũthiũrũrũkĩirie. Ũgwĩciria atĩa?

Ũrĩa Bibilia yugaga

Hari–Magedoni nĩ “mbaara ya mũthenya ũrĩa mũnene wa Ngai Mwene Hinya Wothe,” harĩ andũ arĩa aganu.—Kũguũrĩrio 16:14, 16.

Nĩ atĩa ũngĩ tũngĩĩruta kuuma Bibilia-inĩ?

• Ngai akarũa mbaara ya Hari–Magedoni nĩguo ahonokie thĩ kuumana na andũ arĩa mamĩanangaga no ti thĩ akananga.—Kũguũrĩrio 11:18.

• Mbaara ya Hari–Magedoni nĩ ĩkaanina mbaara iria ingĩ ciothe.—Thaburi 46:8, 9.

Hihi nĩ mũndũ no ahote gũkaahonoka mbaara ya Hari–Magedoni?

Hihi ũngiuga atĩa?

• Ĩĩ

• Aca

• No gũkorũo

Ũrĩa Bibilia yugaga

“Kĩrĩndĩ kĩnene” kĩa andũ kuuma mabũrũri-inĩ mothe nĩ gĩkaahonoka ‘thĩna ũrĩa mũnene,’ ũrĩa ũkarigĩrĩria na mbaara ya Hari–Magedoni.—Kũguũrĩrio 7:9, 14.

Nĩ atĩa ũngĩ tũngĩĩruta kuuma Bibilia-inĩ?

• Ngai endaga andũ aingĩ o ũrĩa kwahoteka makaahonoka Hari–Magedoni. Akananga andũ arĩa aganu thutha wa kuona atĩ ũcio noguo tu ũndũ ũrĩa ũmagĩrĩire.—Ezekieli 18:32.

• Bibilia nĩ ĩtaarĩirie ũrĩa mũndũ angĩka nĩguo akaahonoka Hari–Magedoni.—Zefania 2:3.