Ũrĩa Ũngiuga Ũgĩtigĩra Andũ Ngathĩti
Mũrangĩri Oktomba 1
“Andũ aingĩ nĩ meyũragia kana Ngai nĩ arũmbũyanagia na mĩtangĩko iitũ na maũndũ marĩa matũrehagĩra kĩeha. Wee ũgwĩciria atĩa? [Eterera acokie. Ũcoke ũthome Thaburi 34:18.] Ũhoro ũrĩa wambĩrĩirie karatathi-inĩ ga 19 nĩ warĩrĩirie ũrĩa Ngai atũteithagia gũtooria meciria matagĩrĩire ta kũigua ta tũtarĩ bata, gũkorũo na kĩeha kĩnene, na kũigua ta tũhĩtĩtie.”
Amkeni! Oktomba
“Andũ amwe monaga Ngai arĩ o hinya tu ũtangĩigua ũndũ. Angĩ nao mamuonaga arĩ mũndũ ũngĩkena kana arakare. Wee wonaga atĩa? [Eterera acokie.] Ta wĩcirie ũhoro wa ciugo ici. [Thoma 1 Petero 5:6, 7.] Ũhoro ũrĩa wambĩrĩirie karatathi-inĩ ka 29 nĩ ũracokia kĩũria gĩkĩ kuuma Bibilia-inĩ: Hihi no tũgĩe ũrata na Ngai?”
Mũrangĩri Novemba 1
“Ithuothe nĩ twendaga kũigua tũiganĩire. Hihi nĩ ũgwĩciria atĩ tũbataraga mbia nĩgetha tũiganĩre? [Eterera acokie.] Mwandĩki ũmwe wa Bibilia nĩ eerutire kũiganĩra o na atarĩ na indo nyingĩ. [Thoma Afilipi 4:11, 12.] Ngathĩti ĩno nĩ ĩraheana thiri ithano kuuma Bibilia-inĩ cia gũteithia mũndũ akorũo aiganĩire.”
Amkeni! Novemba
“Andũ amwe arĩa metĩkĩtie atĩ gũtirĩ Ngai magwetaga maũndũ mooru marĩa mekagwo rĩĩtwa-inĩ rĩa Ngai, na makoiga atĩ thĩ ĩno ĩngĩrĩ njega makĩria gũtangĩrĩ ndini. Hihi wee ũgwĩciria atĩa? [Eterera acokie.] Ta rora kĩrĩa gĩtũmĩte ndini itarĩ cia ma itũme kũgĩe na mĩnyamaro. [Thoma 2 Timotheo 4:3, 4.] Ngathĩti ĩno nĩ ĩronania mahĩtia mamwe harĩ mwĩcirĩrie wa andũ arĩa metĩkĩtie atĩ gũtirĩ Ngai.”