Tũthendi Twĩrĩ

Kũruta mĩhothi ya gũteithĩrĩria wĩra wa thĩ yothe wa kũhunjia nĩ njĩra ĩmwe ya bata tũnyitaga mbaru maũndũ ma Ũthamaki. Ĩ angĩkorũo tũrĩ athĩni?

Hĩndĩ ĩmwe Jesu nĩ onire mũtumia ũmwe mũthĩni wa ndigwa hekarũ-inĩ akĩhotha tũthendi twĩrĩ. Wendo harĩ Jehova watindĩkire mũtumia ũcio ‘gũikia indo iria aarĩ nacio ciothe o na arĩ mũthĩni, na nĩcio mũthithũ wake wothe.’ (Mar. 12:41-44) Jesu kũgweta ũndũ ũcio kuonanagia atĩ mũhothi wa mũtumia ũcio waarĩ wa goro harĩ Ngai. Akristiano a karine ya mbere o nao moonaga kĩrĩ gĩtĩo kũgĩa na mweke wa kũhotha. Akristiano arĩa maarĩ athĩni na arĩa maarĩ itonga maahothaga kĩrĩa o mũndũ angĩahotire. Mũtũmwo Paulo nĩ aandĩkire ũhoro wa kĩonereria kĩa Akristiano a Makedonia, arĩa o na gũtuĩka maarĩ ‘athĩni, maathaithanire na hinya mũno metĩkĩrio meke wega.’—2 Kor. 8:1-4.

Kwoguo-rĩ, tũngĩhotha ‘tũthendi twĩrĩ’ tu, twagĩrĩirũo kũririkanaga atĩ ka mũingĩ koyaga ndĩrĩ. Kũhotha kuuma ngoro nĩ kũrĩkenagia Ithe witũ wa igũrũ, ũrĩa we nĩ mũtaana, ‘nĩ gũkorũo endaga mũndũ ũrĩa ũkũheana akenete.’—2 Kor. 9:7.